တောင်ကိုရီးယားနိုင်ငံရဲ့ ယောကျာ်းလေး အဆိုတော်အဖွဲ့၊ Monsta X အဖွဲ့ရဲ့ အဖွဲ့ဝင် အဆိုတော် တဦး Wonho (ဝန်းနို) ဟာ ရေချိုးနေတဲ့ အချိန်မှာ Live လွှင့်ပြီး ပရိသတ်တွေကို နှုတ်ဆက်ခဲ့တာကြောင့် သူ့ရဲ့ Live ကို ကြည့်ရှုနေခဲ့ကြတဲ့ ပရိတ်သတ်တွေ အံ့အားသင့်ကုန်ကြပါတယ်။
ကောင်မလေးတွေ သဲသဲလှုပ်ကြိုက်ကြပြီး ခပ်မိုက်မိုက် ဘော်ဒီကို ပိုင်ဆိုင်ထားတဲ့ အသက် ၂၅ နှစ်အရွယ်၊ ကိုရီးယား အဆိုတော် Wonho ဟာ “V” Application ကနေ တိုက်ရိုက် ထုတ်လွှင့်နေတဲ့ အစပိုင်းမှာပဲ သူနဲ့အတူ ရေချိုးဖို့ ပရိသတ်တွေကို ခေါ်ဆောင်သွားမယ့် အကြောင်း ပြောပြပြီး ပရိသတ်တွေကို အံ့သြသင့်စေခဲ့တာပါ။
ဒါပေမယ့် တိုက်ရိုက် ထုတ်လွှင့်ချိန်မှာတော့ ကင်မရာကို ပိတ်ထားပြီး အသံချည်းသာ ထုတ်လွှင့်ပေးခဲ့ပါတယ်။ ပြီးတော့ မျက်နှာသစ်နေတဲ့ အချိန်မှာလည်း “From Zero” သီချင်း သီဆိုနေခဲ့တာကိုလည်း ကြည့်ရှုသူပရိသတ်တွေ နားဆင်ခဲ့ ကြပါတယ်။
တောင့်တင်းတဲ့ ခန္ဓာကိုယ်ကြောင့် လူသိများတဲ့ Wonho ဟာ မကြာခဏဆိုသလို အပေါ်ပိုင်းအဝတ်ကို ချွတ်ပြတဲ့ နေရာမှာလည်း နာမည်ကြီးသူ တယောက်ပါ။ ဖျော်ဖြေပွဲ တခုမှာဆိုရင် လက်တွေကို အသုံးပြုပြီး အသည်းပုံ လုပ်ပြတဲ့နေရာမှာ သူ့ရဲ့တင်းကျပ်တဲ့ ဂျာကင်ကြောင့် အသည်းပုံ လုပ်မရတဲ့ အခါမျိုးလည်း ရှိခဲ့ဖူးပါတယ်။
ရှက်ကိုးရှက်ကန်း ဖြစ်နေခဲ့တဲ့ Wonho က အဲဒီပို့စ် လုပ်လို့ မရတဲ့ အကြောင်းကို အခုလို ရှင်းပြခဲ့ပါသေးတယ်။ “ကျနော့် တံတောင်ဆစ်တွေကို ကွေးလို့မရဘူး။ ဘာကြောင့်လဲ ဆိုတော့ နေသာထိုင်သာမရှိတဲ့ အဝတ်အစားတွေကို ဝတ်ဆင်ထားလို့ ဖြစ်ပါတယ်” လို့ Wonho က ပြောပါတယ်။ တခါကလည်း အဝတ်အစား အဆင်မပြေတဲ့အတွက် ဂျာကင် ကွဲခဲ့တဲ့အထိ ဖြစ်ခဲ့ဖူးတယ်လို့ သူက ဆိုပါတယ်။
မကြာသေးခင် ကာလတုန်းက Wonho ရဲ့ အဖွားဖြစ်သူ ကွယ်လွန်စဉ် အချိန်မှာလည်း အဲဒီနေ့မှာရှိတဲ့ အချိန်ဇယား အားလုံးကို ဖျက်သိမ်းလိုက်ကြောင်း Twitter မှာ ပရိသတ်ကို အသိပေးခဲ့ ပါသေးတယ်။ အဲဒီပို့စ်မှာ ” Monsta X အဖွဲ့ဝင် Wonho ရဲ့ အဖွား ရုတ်တရက် ဆုံးပါးသွားတဲ့အတွက် တိုက်ရိုက်ထုတ်လွှင့်ဖို့ စီစဉ်ထားတဲ့ V Live အစီအစဉ်ကို ယနေ့မှာ ဖျက်သိမ်းလိုက်ပါတယ်။ နားလည်ပေးကြပါလို့ တောင်းဆိုလိုပါတယ်” လို့ ရေးသားထားပါတယ်။
Ref ; aceshowbiz
The post ရေချိုးရင်း Live လွှင့်ခဲ့လို့ Monsta X အဖွဲ့ဝင်၊ အဆိုတော် Wonho ကို ပရိသတ်များ အံ့အားသင့်ခဲ့ appeared first on ဧရာဝတီ.