မိန်းကလေး ပရိသတ်တွေရဲ့ အချစ်တော် မင်းသား တယောက်ဖြစ်တဲ့ သရုပ်ဆောင် ဒေါင်းကတော့ ကဗျာဆန်တဲ့ သူ တယောက်ဖြစ်ပြီး သဘာဝတရားကြီးကို ချစ်တဲ့အတွက် ချစ်သူကို သဘာဝတရားကြီးနဲ့ ခိုင်းနှိုင်းချင်ပါတယ်လို့ ပြောပါတယ်။
“ချစ်သူက သစ်ရွက်လေးတရွက် ဖြစ်ရင်လည်းဖြစ်မယ်။ ပန်းပွင့်လေးတပွင့် ဖြစ်ရင်လည်းဖြစ်မယ်။ ငှက်လေးတကောင် ဖြစ်ရင်လည်း ဖြစ်မယ်။ သဘာဝတရားကြီးအားလုံးနဲ့ ခိုင်းနှိုင်းချင်ပါတယ်။ ဘာလို့လဲ ဆိုတော့ ကျနော်က သဘာဝတရား ကြီးကို ချစ်တယ်” လို့ ဒေါင်းက ပြောပါတယ်။ အခုချိန်မှာတော့ အချစ်ရေးက အေးအေးဆေးဆေး ဖြစ်နေပြီး နှလုံးသားက ခံစားရတဲ့အတိုင်း ရွေးချယ်သွားမယ်လို့ ဆိုပါတယ်။
“အချစ်ရေးကတော့ အေးအေးဆေးဆေးပါပဲ။ ချစ်စရာတွေ့ရင်ချစ်မှာပေါ့။ ကျနော် မိန်းကလေး တယောက်ကို ကုန်ပစ္စည်း ရွေးသလို မရွေးချင်ဘူး။ Brand တခုလိုလည်း မရွေးချင်ဘူး။ နှလုံးသားက ခံစားတဲ့အတိုင်း ရွေးမှာပါ” လို့ ဒေါင်းက ပြောပါတယ်။
ဒေါင်းကတော့ မကြာခင်မှာလည်း သူ့ကို စင်တင်မွေးထုတ်ပေးရာ ထုတ်လုပ်ရေးဖြစ်တဲ့ ဆာတိုရီထုတ်လုပ်ရေးမှ မင်းသားဖြစ်တဲ့ ရဲတိုက်နှင့်အတူ “ဒဏ္ဍာရီမိုး” ဆိုတဲ့ ရုပ်ရှင်ဇာတ်ကားကြီးမှာ ပါဝင်သရုပ်ဆောင်သွားမှာ ဖြစ်ပါတယ်။
“ဒဏ္ဍာရီမိုး” ဆိုတဲ့ ရုပ်ရှင်ဇာတ်ကားကြီးကတော့ ဒေါင်း အတွက် ၃ ကားမြောက် ရိုက်ကူးတဲ့ ရုပ်ရှင်ဇာတ်ကားဖြစ်ပြီး ဒီကားထဲမှာတော့ ဒေါင်းက ပေကပ်ကပ်၊ ဂျစ်ကန်ကန် သူဌေးသားလေး နေရာက သရုပ်ဆောင်ရမှာ ဖြစ်တဲ့အတွက် ဒီဇာတ်ရုပ်က သူ့အတွက် စိန်ခေါ်မှုတွေရှိတယ်လို့ ဆိုပါတယ်။
ဆက်စပ် သတင်းလင့်ခ် – “ပရိသတ် ဘယ်တော့မှ မမေ့နိုင်တဲ့ကားမျိုးတွေ ရိုက်ဖို့အတွက် ကြိုးစားမယ်” ဆိုတဲ့ ဒေါင်း
The post “ချစ်သူကို နှလုံးသားက ခံစားရတဲ့အတိုင်း ရွေးမှာပါ” ဆိုတဲ့ သရုပ်ဆောင် ဒေါင်း appeared first on ဧရာဝတီ.
