အဆိုတော် Selena Gomez ဟာ ဘောလိဝုဒ် ရုပ်ရှင်တခုမှာ ပါဝင်ရတာ သဘောကျပုံ ရနေပါတယ်။ “Heart Wants What It Wants” သီချင်းအဆိုတော် Selena ဟာ သီချင်းရေးဆရာ A. R. Rahman နဲ့အတူ အလုပ်အတူ လုပ်ချင်ပြီး သီချင်းတပုဒ် သီဆိုထားပါသေးတယ်။
အဆိုတော် Selena က “ကျမက အိန္ဒိယက ဂီတပညာရှင် တော်တော်များများနဲ့ အဆက်အစပ် ရှိပါတယ်။ ပြီးတော့ သူတု့ိက အံ့သြဖို့ကောင်းမယ်လို့ ကျမ ယုံကြည်ပါတယ်။ ကျမ AR Rahman ရဲ့ လုပ်ဆောင်ချက်တွေကိုလည်း သဘောကျပါတယ်။ သူဟာ ဒီနေ့မှာ ကမ္ဘာ့နာမည်ကျော် တယောက်ဖြစ်ပါတယ်။ သူ့ရဲ့ ရေးထားတဲ့ သီချင်းတွေကို သီဆိုတာမျိုး၊ ပါဝင် သရုပ်ဆောင်တာမျိုး လုပ်ချင်တာပါ။ ဘောလိဝုဒ် ရုပ်ရှင် အတွက် သီချင်းဆိုရတာ ကောင်းမွန်တယ်လို့ ကျမထင်ပါတယ်” လို့ Mid Day မီဒီယာကို ပြောကြားခဲ့ပါတယ်။
လက်ရှိမှာတော့ အဆိုတော် Selena ဟာ သူ့ရဲ့ အယ်လ်ဘမ် အသစ်တခုကို ဖြန့်ချိဖို့ ပြင်ဆင်နေပေမယ့် အဲဒီ သီချင်းအယ်လ်ဘမ်ကို ဖြန့်ချိဖို့ရာ အချိန်ကောင်း မဟုတ်သေးဘူးလို့ ဆိုပါတယ်။
သူက “ဘယ်တော့ အချိန်ကောင်း ရောက်မယ်ဆိုတာ ကျမ မသိပါဘူး။ ပြီးတော့ ကျမပြောချင်တာက ထူးထူးဆန်းဆန်းနဲ့ အဆန်းတကြယ်လုပ်ဖို့ ကြိုးစားနေတာ မဟုတ်ပါဘူး။ ဖန်တီးတဲ့အရာတခုက တခုခုကို ဆိုလိုမယ့် အသံရရှိဖို့ တော်တော်လေး ခက်ပါတယ်” လို့ ဆိုပါတယ်။
ပြီးခဲ့တဲ့နှစ်မှာတော့ အဆိုတော် Selena က သီချင်းအားလုံးဟာ ထူးခြားကွဲပြားတဲ့အတွက် သူ့ရဲ့ တတိယမြောက် စတူဒီယိုအယ်လ်ဘမ်ကို ချပြချင်တဲ့ လမ်းကြောင်းကို မရွေးရသေးဘူးလို့ ဆိုပါတယ်။
သူက “ကျမ စတူဒီယိုမှာ ရှိနေတာ တနှစ်လောက်ရှိပါပြီ။ ဒါကြောင့် ကျမမှာ အယ်လ်ဘမ် တချပ် ထုတ်နိုင်တယ်လို့ ပြောနိုင်ပေမယ့် သီချင်းတွေအားလုံးက မတူကြလို့ ဘာကို ဘယ်လိုလုပ်ရမလဲ မသိတော့ပါဘူး။ တော်တော်လေးကို ထူးခြားနေတယ်လို့ ခံစားရလို့ ကျမ ပြောနေတာမဟုတ်ပါဘူး”
“Single သီချင်းတပုဒ်အနေနဲ့ သီချင်းအပုဒ်တိုင်းကို ပြင်ဆင်ထားပြီး သဘောကျမိပါတယ်။ ဒါကြောင့် ဘယ်နေရာမှာ ချပြရမယ်ဆိုတာ ကျမသိပါဘူး။ ဒါပေမယ့် သီချင်းတော်တော်များများ ရှိလို့ အယ်လ်ဘမ်တချပ် ထုတ်နိုင်တော့မယ်လို့တော့ ကျမ ပြောနိုင်ပါတယ်” လို့ ပြောကြားခဲ့ပါတယ်။
Ref: contactmusic
The post ဘောလိဝုဒ်ရုပ်ရှင် ဇာတ်ဝင်တေးတပုဒ် သီဆိုထားတဲ့ Selena Gomez appeared first on ဧရာဝတီ.