ဧရာဝတီသတင်းဌာန၏ ၂၅နှစ်မြောက်အထိမ်းအမှတ် နှစ်ပတ်လည်နှင့်ပတ်သက်ပြီး Myanmar Idol သီချင်းဆိုပြိုင်ပွဲမှ တဆင့် ပရိသတ်ချစ်ခင်မှုရရှိခဲ့တဲ့ အဆိုတော်ဘီလီလမင်းအေးရဲ့ ဆုတောင်းစကားသံကို ဖော်ပြပေးလိုက်ပါတယ်။
“ဧရာဝတီသတင်းဌာနက အခုဆိုရင် ၂၅နှစ်တိုင်ရှိခဲ့ပြီ။ ဆက်လက်ပြီးတော့ အောင်မြင်မှုတွေ အများကြီးရရှိပါစေလို့ ဖူးအနေနဲ့ ဆုတောင်းပေးပါတယ်” ဘီလီလမင်းအေးက ပြောပါတယ်။
ဧရာဝတီသတင်းဌာနကို ၁၉၉၃ခုနှစ် စတင်တည်ထောင်ခဲ့ပါတယ်။ ထိုအချိန်မှစ၍ ဧရာဝတီဟာ အင်္ဂလိပ်-မြန်မာနှစ်ဘာသာဖြင့် မြန်မာနှင့် အရှေ့တောင်အာရှရေးရာ သတင်း ၊ သတင်းဆောင်းပါး၊ သတင်းသုံးသပ်ချက်နှင့် အယ်ဒီတာ့အာဘော်များဖြင့် စာဖတ်ပရိသတ်၏ ယုံကြည်ကိုးစားသော သတင်းဌာနဖြစ်လာခဲ့ပါတယ်။
ဆက်လက်ပြီးတော့ ဘီလီလမင်းအေးက သူမတို့လို အနုပညာရှင်တွေရဲ့ သတင်းအကြောင်းအရာများကို ဖော်ပြပေးတဲ့ သတင်းဌာနတခုဖြစ်တဲ့ ဧရာဝတီသတင်းဌာနကို ကျေးဇူးတင်ကြောင်းကို ပြောထားပါတယ်။
“မီဒီယာနဲ့ အနုပညာရှင်ဆိုတာကလည်း မရှိမဖြစ်လိုအပ်ပါတယ်။ ဘာဖြစ်လို့လဲဆိုတော့ ဒီမီဒီယာကနေတဆင့် ဖူးတို့ကိုချစ်တဲ့ ပြည်သူတွေဆီကို သတင်းတွေ ၊ လှုပ်ရှားမှုတွေကို ကြားသိခွင့်ရတာဖြစ်တဲ့အတွက် ဧရာဝတီကိုကျေးဇူးတင်ပါတယ်။ ဆက်လက်ပြီးအောင်မြင်မှုတွေ ရရှိပါစေ” လို့ဘီလီလမင်းအေး ကပြောပါတယ်။
ဘီလီလမင်းအေးကတော့ Myanmar Idol Season 2ရဲ့ 1st Runner up ဆုရှင်တယောက်ဖြစ်ပြီး ပြိုင်ပွဲပြီးဆုံးခဲ့ပြီးနောက်မှာ ဂီတအလုပ်ကို တစိုက်မတ်မတ်လုပ်ကိုင်လာခဲ့ကာ သူမရဲ့ပထမဆုံးတကိုယ်တော်အခွေဖြစ်တဲ့ “အရှုံးမပေးတဲ့ ဝိဉာဉ်” ဆိုတဲ့အခွေထွက်ရှိထားပါတယ်။
The post ဧရာဝတီသတင်းဌာန ၂၅နှစ်ပြည့်အတွက် ဘီလီလမင်းအေးရဲ့ဆုတောင်းစကား appeared first on ဧရာဝတီ.