မော်ဒယ်သန္တာဗိုကတော့ ဒီဇင်ဘာလ ၇ ၊ ၈ ၊ ၉ ရက်နေ့များမှာ ရန်ကုန်မြို့ရွှေထွဋ်တင်ကွင်းရှိ Hexagon Complex မှာ ပြုလုပ်တဲ့ Myanmar Int’l Fashion Week အတွက် Rehearal တိုက်နေတဲ့အချိန်၊ အဆိုပါနေရာအတွင်းရှိ အိမ်သာကို သွားရောက်ခဲ့စဉ်မှာတော့ အိမ်သာတံခါးပေါ်မှ လူတယောက်က ဗီဒီယိုချောင်းရိုက်နေတာကို ကြုံတွေ့ခဲ့ရတယ်လို့ သူမရဲ့လူမှုကွန်ရက်စာမျက်နှာမှတဆင့် ပြောပြထားပါတယ်။
“နောက်ဆုံးညအတွက် Rehearsal တိုက်နေတာဆိုတော့ နည်းနည်းပင်ပန်းပြီးခါးတွေကိုက်လာတဲ့ အကြောင်း သူငယ်ချင်းတွေနဲ့ပြောနေရင်း အိမ်သာတော့ ခဏသွားလိုက်ဦးမယ်လို့ နေရတာ မအီမသာဖြစ်နေတယ်ဆိုပြီး အိမ်သာကိုသွားတာ လူတယောက်မှမရှိဘူး ဒါပေမဲ့အရင်တုန်းကလည်း သွားနေကျပဲဆိုတော့ ဘာမှမဖြစ်လောက်ဘူးပေါ့”
“ အိမ်သာထဲဝင်ပြီး အိမ်သာသွားနေချိန် လူဝင်လာတဲ့ အရိပ်တွေ့တယ်။ မိန်းကလေး အိမ်သာဆိုတော့ ကိုယ့်လူတွေပဲ Model မဟုတ်ရင် အလုပ်လုပ်ကျတဲ့ မိန်းကလေးတယောက် အိမ်သာလာတယ်ပေါ့ဆိုပြီး အိမ်သာသွားရင်း ဖုန်းကြည့်နေလိုက်တယ်။ နည်းနည်းကြာတော့စိတ်က တမျိုးဖြစ်သွားတယ် ခုနကဝင်လာတဲ့တယောက်က အိမ်သာထဲဝင်သံလည်း မကြားလိုက်ဘူး။ အိမ်သာမဝင်ရင် လက်လာဆေးတယ်ဆိုလဲ ရေသံမကြားဘူးပေါ့”
“စိတ်ထဲတမျိုးဖြစ်တော့ ဘာရယ်မဟုတ် အပေါ်မော့ကြည့်လိုက်တာ အမယ်လေး တံခါးကနေ အပေါ်ကိုမိုးပြီး video လှမ်းရိုက်နေတာ အရမ်းလန့်ပြီးတကိုယ်လုံးတုန်သွားတာပဲ ကြောက်ကြောက်နဲ့ ဘယ်သူလဲလို့
ခက်ကျယ်ကျယ်အော်လိုက်တဲ့ချိန်မှာ အဲဒီလူ ထွက်ပြေးသွားတယ်” လို့ သန္တာဗိုက ရေးသားထားပါတယ်။
ဗီဒီယိုရိုက်နေတာကို သိသိခြင်းအချိန်မှာ အော်မေးလိုက်တဲ့အခါမှာတော့ အဆိုပါလူမှာ ထွက်ပြေးသွားခဲ့ပြီး သူ့ရဲ့ဖုန်းအမျိုးအစားကို သိလိုက်တဲ့အတွက် တခြားသူများကို ပြောပြပြီး ရှိတဲ့သူများရဲ့ ဖုန်းများကို စစ်ဆေးခိုင်းခဲ့ပေမယ့် မတွေ့ခဲ့ဘူးလို့ သိရပါတယ်။
“ဘဝမှာပထမဆုံးအတွေ့အကြုံ အိမ်သာမှာ သတ်သွားရင်တောင်သိမယ်မထင်ဘူး အဲဒီလူကတယောက်တည်းဝင်တဲ့ အချိန်ကို ဘယ်ချိန်ထဲကချောင်းနေလဲမသိဘူး နောက်ဆို မိန်းကလေးတွေ အိမ်သာသွားရင် တစ်ယောက်တည်း ဝင်မယ်ဆိုရင် သတိထားကြပါနော်။ဘာဖြစ်လို့အဲလိုလုပ်ကြတာလဲ စဉ်းစားလို့တောင်မရဘူး” လို့ သန္တာဗိုက ဆိုထားပါတယ်။
ဒီအကြောင်းအရာကိုတော့ သန္တာဗိုက ဒီဇင်ဘာလ ၈ရက်နေ့ညပိုင်းက ကြုံတွေ့ခဲ့တာကို ပြန်လည်မျှဝေခဲ့တာပဲ ဖြစ်ပါတယ်။
မိန်းကလေးအိမ်သာထဲကို ဗီဒီယို ၊ ဓာတ်ပုံများချောင်းရိုက်ခံရတဲ့ အကြောင်းအရာများမှာ ယခုနောက်ပိုင်းတွင် လူမှုကွန်ရက်စာမျက်နှာပေါ်မှာ တော်တော်များများကြားသိလာခဲ့ရတဲ့ အကြောင်းအရာတခုဖြစ်လာပါတယ်။
The post အိမ်သာထဲမှာ မသမာသူတယောက်ရဲ့ ဗီဒီယိုလှမ်းရိုက်နေတာကို ကြုံတွေ့ခဲ့ရတဲ့ သန္တာဗို appeared first on ဧရာဝတီ.