မကြာမီထွက်ရှိလာမည့် ရုပ်ရှင်တွင် “ ဂေးစူပါဟီးရိုး” ပါဝင်လာမည်ဟု Russo Brothers အတည်ပြု

Marvel Cinematic Universe (MCU) ကနေ ဂေးစူပါဟီးရိုး ဇာတ်ကောင်တခုကို မကြာမီ မိတ်ဆက်တော့ မှာ ဖြစ်တယ်လို့ သိရပါတယ်။

MCU ရဲ့ သူဌေးဖြစ်တဲ့ Kevin Feige ဟာ မကြာတော့တဲ့ အနာဂတ်ကာလမှာ ထူးခြားတဲ့ ပုဂ္ဂိုလ်တယောက်ကို ချပြတော့မယ်လို့ Avengers: Endgame ရုပ်ရှင်ဒါရိုက်တာတွေ ဖြစ်တဲ့ Joe နဲ့ Anthony Russo တို့က ပြောဆိုလိုက်တာပါ။

ဒါရိုက်တာ Joe က ကုထုံးအခန်းထဲမှာ ပူဆွေးဝမ်းနည်းနေတဲ့ အမျိုးသားတဦးအနေနဲ့ မထင်မရှားဇာတ်ရုပ်ကနေ သရုပ်ဆောင်ခဲ့တဲ့အကြောင်း ပြောကြားရာကနေ အခုလိုမျိုး ထုတ်ပြောလိုက်တာလည်း ဖြစ်ပါတယ်။

Image may be NSFW.
Clik here to view.

EW Morning Live အစီအစဉ်မှာ မကြာမီ Marvel ရုပ်ရှင်တခုမှာ ပထမဆုံး ဂေးဇာတ်ကောင်ကို သရုပ်ဆောင်မှာလား ဆိုတဲ့ မေးခွန်းကို မေးမြန်းတဲ့အခါ ဒါရိုက်တာ Joe က “ဟုတ်ပါတယ်။ ပွင့်ပွင့်လင်းလင်း ဝန်ခံထားတဲ့ ဂေးပါ” လို့ ပြန်ဖြေခဲ့ပါတယ်။ အခြားဇာတ်ကောင်တွေရဲ့ လိင်တိမ်းညွှတ်မှုတွေနဲ့ ပတ်သက်လို့ မရေမရာ အခြေအနေတွေရှိပေမဲ့ ဒါဟာ ပထမဆုံး ဂေးဇာတ်ကောင် ဖြစ်တယ်လို့ ပြောဆိုလိုက်တာ ဖြစ်ပါတယ်။

အဲ့ဒီဇာတ်ကောင်က ဘယ်သူလဲဆိုတဲ့မေးခွန်းကိုတော့ သူက “ကျနော်တို့ မကြာခင် သိရမှာပါ” လို့ ပြောဆိုခဲ့ပါတယ်။

အဲ့ဒီဂေးဇာတ်ကောင်ကို မကြာမီ တင်ဆက်မယ့်ရုပ်ရှင်တခုထဲမှာ ဖော်ပြဖို့စီစဉ်ထားပြီး သူဌေး Kevin က မကြာခင် ကြေညာလိမ့်မယ်လို့ ထင်တဲ့ အကြောင်း ပြောဆိုခဲ့ပါတယ်။ ၂၀၁၈ ခုနှစ်၊ ဇွန်လတုန်းက Kevin ဟာ အနာဂတ် Marvel ရုပ်ရှင်တွေမှာ ဂေးဇာတ်ကောင်နှစ်ခု ပါဝင်မယ်လို့ ထုတ်ဖော်ပြောကြားခဲ့ဖူးပါတယ်။

Ref: asiaone

The post မကြာမီထွက်ရှိလာမည့် ရုပ်ရှင်တွင် “ ဂေးစူပါဟီးရိုး” ပါဝင်လာမည်ဟု Russo Brothers အတည်ပြု appeared first on ဧရာဝတီ.