ကျရာဇာတ်ရုပ်မှာ သရုပ်ဆောင် ပီပြင်တဲ့ မြင့်မြတ်ကတော့ သူ ပါဝင်သရုပ်ဆောင်ထားတဲ့ “ငဒူ” နဲ့ “ဘော်ဘော်ကထှော်” ရုပ်ရှင်တွေဟာ လတ်တလောမှာ ရုံတင်ပြသနေပြီး ပရိသတ်အားပေးမှု ရရှိထားတဲ့ ရုပ်ရှင်ကားတွေလည်းဖြစ်ပါတယ်။
ဒီဇာတ်ကားတွေနဲ့ ပတ်သက်လို့ မြင့်မြတ်က “ငဒူ” ဇာတ်ကားက ဒရာမာကား ဖြစ်ပေမယ့် အကယ်ဒမီ ရဖို့ မသေချာဘူးလို့လည်း ဆိုပါတယ်။
“ငဒူဇာတ်ကားက ကာရိုက်တာလေးတော့ ဆန်းတယ်။ အကယ်ဒမီကတော့ မသေချာပါဘူး။ ရရ မရရ အေးဆေးပါပဲ။ ငဒူဇာတ်ကား အရမ်းအောင်မြင်တော့ ဝမ်းလည်း ဝမ်းသာပါတယ်။ ကြည်လည်း ကြည်နူးတယ်။ ဘာလို့လဲဆိုတော့ ဟာသကား သီးသန့် မဟုတ်ဘူးလေ။ နောက်ပိုင်းမှာ ဒရာမာလည်း ချိုးထားတော့ အထူးသဖြင့် ဒရာမာဇာတ်ကို အားပေးလို့ ပိုပြီးတော့ ဝမ်းသာပါတယ်” လို့ မြင့်မြတ်က ပြောပါတယ်။
“ဒီဇာတ်ကားလေးကို အောင်တိုင်းကျေ်ာက ရိုက်တာကို ဒါရိုက်တာ ဦးညီအောင်က လိုချင်တဲ့ ပုံစံကို ပြောပြပေးတယ်။ သင်ပြပေးတယ်။ အဲ့ဒီအပေါ်မှာ ကျနေ်ာတို့က အကောင်းဆုံး သရုပ်ဆောင်တာပါ။ ဘော်ဘော်ကထှော်မှာ တက်တူး ဖျောက်ဖို့ မိတ်ကပ်လိမ်းတယ်။ မိတ်ကပ်ကို ဆီဆေးနဲ့ လိမ်းတယ်။ ၃ရက်လောက်တော့ခံတယ် အဆင်မပြေဘူး။ နေအရမ်းပူရင်တောင် ချွေးမထွက်တာ့၂ရက်၊ ၃ရက်လောက်မှာ အဆင်မပြေတော့ဘူး။ ဖျားချင်သလို နာချင်သလို ဖြစ်တာနဲ့ နောက်ပိုင်း ရေဆေးနဲ့ မိတ်ကပ်နဲ့လုပ်ရတယ်”
“နောက် ခါးတောင်းကျိုက်ပြီး လျှောက်ပြေးနေရတာတော့ ရှက်တယ်။ Indoor ဆိုရင်တော့ ပြဿနာ မရှိဘူးပေါ့။ အခုက Outdoor လည်းဖြစ်တယ်။ ရပ်ကွက် ဈေးတွေထဲတောင် ပါတယ်။ တော်တော် ရှက်တာပေါ့။ တယောက်တည်း မဟုတ်ဘူး။ ၃ယောက်လုံး ရှက်နေတာ။ ဒါပေမယ့်လည်း “ညီလေးရယ် ရှက်လိုက်ကွာ ဟုတ်တယ် အစ်ကိုရာ ရှက်လိုက်တာ” လို့ ပြောပြောပြီးပဲ ရိုက်နေရတာပေါ့” လို့ မြင့်မြတ်က ဆိုပါတယ်။
သရုပ်ဆောင် မြင့်မြတ်က လက်ရှိမှာ ဒါရိုက်တာ မီးပွား ရိုက်ကူးတဲ့ ” အချစ်ဆုံး ” ရုပ်ရှင်ဇာတ်ကားကို သရုပ်ဆောင် နေနော်၊ သင်ဇာဝင့်ကျော်၊ အိချောပို ၊ မေမြင့်မိုရ်တို့နဲ့အတူ ရိုက်ကူးနေတယ်လို့ သိရပါတယ်။
မြင့်မြတ်ရဲ့ ဇနီးဖြစ်သူကလည်း မကြာခင်မှာ သားလေးမွေးဖွားတော့မှာ ဖြစ်တဲ့အတွက် ဒီအပေါ်မှာလည်း ဝမ်းသာနေတယ်လို့ မြင့်မြတ်က ဆိုပါတယ်။ ဖခင်တယောက်ဖြစ်လာတော့မယ့် မြင့်မြတ်က အဲဒါနဲ့ ပတ်သက်လို့လည်း အခုလို ဆိုပါတယ်။
“ကလေးက နောက်လမှာတော့ ရတော့မှာပေါ့။ ခုလောလောဆယ် သားလေးရတော့မှာမလို့ လင်မယား နှစ်ယောက်စလုံး တော်တော် ပျော်နေပါတယ်။ ဖခင်တယောက် ဖြစ်လာတော့မှာဆိုတော့ ကြည်နူးနေတယ်။ သူ့အတွက် အကောင်းဆုံး ဖြစ်အောင် အစစအရာရာ အကောင်းဆုံး ပံ့ပိုးပေးသွားမှာပါ” လို့ မြင့်မြတ်က ပြောပါတယ်။
“သားကို မမွေးခင်ကတည်းက ချစ်နေကြတာဆိုတော့ မွေးလာရင်လည်း ကျနော်တို့ဖြစ်ချင်တယ်ဆိုတာထက် သူဘာဖြစ်ချင်လဲဆိုတာကိုပဲ အကောင်းဆုံး ပံ့ပိုးသွားမယ်။ သားယောကျာ်းလေးဆိုတော့ ဘယ်သွားသွား ကျနော်နဲ့ လိုက်လို့ရတယ်။ သေချာပါတယ်။ ကျနေ်ာနဲ့ ကောင်းကောင်း အဖော်ရမှာပါ” လို့ မြင့်မြတ်က ပြောပါတယ်။
The post “သားလေး မွေးမှာဖြစ်လို့ ကျနော်အတွက် အဖော်ကောင်းကောင်း ရပြီ” ဆိုတဲ့ မြင့်မြတ် appeared first on ဧရာဝတီ.