ပန်းချီ ဇော်လူမင်းနဲ့ စတင်ဆုံတွေ့ခဲ့တာက လောကနတ် ပန်းချီပြခန်းမှာ ဖြစ်ပြီး Wild Eye အုပ်စု ခေတ်ပြိုင် အနုပညာ ပန်းချီပြပွဲ တခုမှာပါ။ အဲဒီတုန်းက ပန်းချီ ဇော်လူဝင်းလို့ပဲ သိခဲ့ပါတယ်။
အသားညိုညို၊ အရပ်မြင့်မြင့်၊ စကားကို အားပါး တရ ပြောတတ်တဲ့ ပန်းချီဇော်လူဝင်းကို ချက်ချင်းသတိပြုမိ သွားပါ တယ်။ သူ ရေးဆွဲထားတဲ့ ပန်းချီကား တချပ်ကို လည်း မှတ်မိနေပါတယ်။ မြန်မာ အမျိုးသမီးတဦး သနပ်ခါးလူးနေပုံကို စုတ်ချက်ကြမ်းကြမ်းနဲ့ Hard Edge ပန်းချီကား အဖြစ် ဖန်တီးထားတဲ့ ပုံပါ။ သူ့ရဲ့ရေးဆွဲပုံနဲ့ ပြောစကားတွေကြောင့် သူဟာ လွတ်လွတ်လပ်လပ် ရေးဆွဲရတာကို နှစ်သက်သူဆိုတာ သတိပြုမိခဲ့တာပါ။
အခု ပန်းချီကားပေါင်း ၇၃ ကားကို စုစည်းပြီး Zaw Lu Min ၂၀၁၄ ဆိုတဲ့ တကိုယ်တော် ပန်းချီ ပြပွဲကို ၂၀၁၄ ခုနှစ် ဩဂုတ် ၁၀ ရက်နေ့ကနေ ၂၄ ရက်နေ့အထိ ဒဂုံမြို့နယ် နဝဒေးလမ်းက Think အနုပညာပြခန်းမှာ ကျင်းပပါတယ်။ ပြခန်းက အသစ်ဖွင့်လှစ်တဲ့ ပြခန်းတခု ဖြစ်သလို ပြသတဲ့ ပန်းချီ ဇော်လူမင်းရဲ့ ပန်းချီကား တွေကလည်း ကြီးမား များပြား ပါတယ်။
ပန်းချီကားတွေကို တူရာ တွဲကြည့်လိုက်တဲ့အခါ စီးရီး ၄ ခုကို ပြသထားသလို ဖြစ်နေတာ တွေ့လိုက်ရပါတယ်။ Abstract Figure ပန်းချီကားတွေက စိတ်ဝင်စားစရာကောင်း သလို လိုင်းတွေ၊ Tone တွေနဲ့ ဖွဲ့စည်း ထားတဲ့ ပန်းချီကားတွေ ကလည်း ကြည့်ရှုသူကို ကျေနပ်မှု တစုံတရာ ပေးစွမ်းနိုင်တာ တွေ့ရပါတယ်။ ဒြပ်မဲ့ ပန်းချီကားတွေ ကတော့ ဖန်တီးရေးဆွဲ သူရဲ့ အတွေးနဲ့ ကြည့်သူရဲ့စိတ်ကူး ပေါင်းစပ်ခံစားရမယ့် ပန်းချီကား တွေပါပဲ။
ထူးခြားမှု တခုလို့ ပြောနိုင်တာက ဒီ ပန်းချီကားတွေကို စီးရီးလိုက်ဖြစ်အောင် ရည်ရွယ်ရေးဆွဲတာ မဟုတ်ဘဲ ရေးဆွဲ ပြီးမှ စီးရီးသဖွယ် ဖြစ်လာတာပါလို့ အသက် ၆၂ နှစ်အရွယ် ပန်းချီဇော်လူဝင်း ခေါ် ဇော်လူမင်းက ပြောပါတယ်။
“စီးရီးဖြစ်အောင် ရည်ရွယ်ရေးတာ မရှိဘူးဗျ။ ကျနော် ပန်းချီရေးတာ ရေးချင်လို့ ရေးနေတာပါ။ ဘာကို ဘယ်လိုဆွဲမယ် ဆိုပြီး ကြိုတင်စဉ်းစား မထားဘူး။ တခါတလေ ပန်းချီဆွဲ ဖြစ်ဖို့ အကြောင်းဖန် လာတာတွေ၊ စေ့ဆော်ပေးတာတွေ ရှိတတ်ပါတယ်။ အဲဒါကလည်း ကျနော့် ဝန်းကျင်ကပဲ ရတာပါ။ စကား ပြောနေရင်း ဖြစ်ဖြစ်၊ သွားလာနေရင်းဖြစ်ဖြစ်၊ တခုခုကို ကြည့်နေရင်း ဖြစ်ဖြစ် ပန်းချီဆွဲဖို့ အတွေးစိတ်ကူးတွေ ရတတ်ပါတယ်။ အဲဒီ ရလာတဲ့ အတွေးစိတ်ကူးကို ရေးဖြစ်တာပါ” လို့ သူက ပြောပါတယ်။
ပန်းချီ ဇော်လူဝင်းကနေ ဇော်လူမင်းလို့ ဘာကြောင့် ပြောင်းလိုက်တယ် ဆိုတာကလည်း စိတ်ဝင်စားဖို့ ကောင်းပါ တယ်။
“ပန်းချီဆွဲရာမှာ စိတ်အပြောင်းအလဲ ရှိသလို ဆွဲတဲ့အတိုင်း အမည်ကိုလည်း ပြောင်းကြည့်တာလို့ ဆိုရမယ် ထင်တယ်။ ဆိုင် မဆိုင်တော့ မသိဘူးပေါ့ဗျာ။ တချို့ဆို ကိုယ့်နာမည်ကို ပြောင်းဖို့ အင်မတန် ဝန်လေးကြတယ်။ ပြီးတော့ ကျနော့် ကို ဆက်သွယ်လာတဲ့ မိတ်ဆွေတွေ၊ အလုပ်ကိစ္စနဲ့ ဆက်သွယ်တဲ့ သူတွေလည်း ဇော်လူဝင်း အစား ဇော်လူမင်းလို့ ဆက်သွယ်တာ များတယ်။ ဘာကြောင့် မှန်းတော့ မသိဘူး။ ကျနော်က သူတို့မှားတဲ့ အတိုင်း လက်ခံတာလို့လည်း ဆိုနိုင်တယ် ပေါ့ဗျာ” လို့ ရှင်းပြတယ်။
အနုပညာသမား ဆိုတာ စဉ်ဆက်မပြတ် စမ်း သပ် ရှာဖွေဖန်တီးသင့်တယ်လို့လည်း သူက ဆိုပါတယ်။
“အနုပညာသမား ဆိုတာ တလျှောက်လုံး စမ်းသပ်နေရမှာ၊ ဖန်တီးနေရမှာ ဖြစ်တယ်ဗျ။ သေသည် အထိ စမ်းသပ်မှု တွေ၊ ဖန်တီးမှုတွေ လုပ်ဆောင်ရမှာ ဖြစ်တယ်လို့ ဆိုချင်တယ်။ အရင့်အရင် ခေတ်များက ဆရာ့ ဆရာကြီးများဟာ လည်း စမ်းသပ်ရင်း ရှာဖွေရင်း၊ ဖန်တီးရင်း နောက်လူတွေကို အနုပညာ အမွေတွေ ပေးခဲ့တယ်၊ နောက်လူတွေက ဆက်ခံခဲ့ရတယ်” လို့ သူက ပြောပါတယ်။
တောင်ကြီးမြို့မှာ မွေးဖွားခဲ့တဲ့ ပန်းချီဇော်လူ မင်းဟာ အခု အသက် ၆၂ နှစ်ရှိပါပြီ။ တောင်ကြီး ကနေ တပ်မတော်သား ဖခင်တာဝန်ကျရာ ကလော မြို့ကို လိုက်ပါပြောင်းရွှေ့ခဲ့ရပါတယ်။ ငယ်စဉ်က ကလောမြို့ King’s Wood အထက် တန်း ကျောင်းတက်ရောက်ခဲ့ပြီး ပန်းချီပညာကိုပါ လေ့လာသင်ယူ နိုင်ခဲ့ပါတယ်။ အဲဒီနောက် ရန်ကုန်တက္ကသိုလ်က ဓာတုဗေဒ အထူးပြုနဲ့ ဘွဲ့ရရှိခဲ့ပါတယ်။ အဲဒီကာလမှာပဲ ပန်းချီရော ပန်းပုကိုပါ တပြိုင်တည်း ထပ်မံလေ့လာခဲ့တယ် လို့ သိရပါတယ်။
၁၉၉၀ ပြည့်နှစ်မှာတော့ သူဟာ အင်းလျား အနုပညာပြခန်းမှာ နယ်သာလန် နိုင်ငံသား ဒတ်ခ်ျ လူမျိုး ပါဖောမင့် အနုပညာရှင်များနှင့် အတူ Performance Art Event တွေ တင်ဆက်ခဲ့တယ် လို့လည်း ပြောပြပါသေးတယ်။ အဲဒီ နောက် ဂျပန် နိုင်ငံက (NIPAF) ရဲ့ ဖိတ်ကြားခြင်းကို ခံခဲ့ရပြီး ဂျပန်နိုင်ငံမှာ ပါဖောမင့် တင်ဆက်ခြင်း၊ အကျော်အမော် ပုဂ္ဂိုလ်တွေကို ပုံတူပန်းပုထုပေးခြင်းနဲ့ ပန်းချီ ပုံတူ ရေးဆွဲပေးခြင်းတွေ ပြုလုပ်ခဲ့တယ်လို့ သိရပါ တယ်။
အဲဒီနောက် ၂၀ဝ၈ ခုနှစ်မှာ Wild Eye အုပ်စု ပန်းချီပြပွဲနဲ့ ကံကော်ရွာ အုပ်စုပန်းချီပြပွဲတွေမှာ ပါဝင်ပြသ လာခဲ့တာ ဖြစ်ပြီး ယခု Zaw Lu Min ၂၀၁၄ ပြပွဲက သူ့ရဲ့ ပထမဆုံး တကိုယ်တော် ပြပွဲ ဖြစ်ပါတယ်။ ။
The post စုတ်ချက်ကြမ်းကြမ်း … ဇော်လူဝင်း (ခ) ဇော်လူမင်း appeared first on ဧရာဝတီ.