အိန္ဒိယနိုင်ငံမှာ နှစ်စဉ်ကျင်းပလျက်ရှိတဲ့ Miss Asia Global ပြိုင်ပွဲကြီးကိုတော့ ယခုနှစ်မှာ မြန်မာနိုင်ငံကိုယ်စားပြု အလှမယ်အနေနဲ့ ကချင်လီဆူတိုင်းရင်းသူလေး Sara Fish က သွားရောက်ယှဉ်ပြိုင်မယ့်အကြောင်းကို ယနေ့ အောက်တိုဘာလ ၃၀ရက်နေ့မှာ မြန်မာပလာဇာရှိ The Coffee Bean မှာ စာနယ်ဇင်းမီဒီယာများကို အသိပေးခဲ့ပါတယ်။
Miss Asia Global 2018 ပြိုင်ပွဲကို နိုဝင်ဘာလ ၃ ရက်နေ့မှ နိုဝင်ဘာလ ၁၁ ရက်နေ့ထိ အိန္ဒိယနိုင်ငံ Kochi မြို့မှာ ကျင်းပသွားမှာဖြစ်တယ်လို့ သိရပါတယ်။
Miss Asia Global 2018 ပြိုင်ပွဲမှာတော့ Evening Grown ၊ အနောက်တိုင်းဝတ်စုံ ၊ National Costume ၊ Swim Suit ၊ Sport Round ၊ Talent နဲ့ Body ၊ Beauty ၊ Brain ၊ Knowledge ပိုင်းများကို အဆင့်ဆင့် ယှဉ်ပြိုင်ရမှာဖြစ်ပြီး နိုင်ငံပေါင်း ၃၀ ကျော်မှ အလှမယ်များက လာရောက်ယှဉ်ပြိုင်ကြမှာဖြစ်တယ်လို့ သိရပါတယ်။
“ညီမ ဒီပြိုင်ပွဲကို ဝင်ရောက်ယှဉ်ပြိုင်နိုင်ဖို့အတွက် အများကြီး ကြိုတင်ပြင်ဆင်ထားတယ်။ Talent အနေနဲ့က ညီမက တိုင်းရင်းသူတယောက်ဖြစ်တဲ့အတွက် လီဆူရိုးရာအကကို Talent အနေနဲ့ပြိုင်ဖို့ ပြင်ဆင်ထားတယ်။ ဒီပြိုင်ပွဲမှာက ခေါင်းစဉ် ၂ခုနဲ့ Winner ကိုရွေးချယ်မှာဖြစ်တဲ့အတွက် အများကြီးကြိုးစားနေတယ်။ National Costume ကို မြန်မာ ထိုင်မသိမ်းကို ဝတ်ဆင်သွားဖို့ ပြင်ဆင်ထားတယ်” လို့ Miss Asia Global Myanmar Sara Fish က ပြောပါတယ်။
မြန်မာနိုင်ငံမှ မြန်မာကိုယ်စားပြုအဖြစ် ဝင်ရောက်ယှဉ်ပြိုင်မယ့် အလှမယ် Sara Fish ကတော့ Miss Summer Myanmar 2017 ၊ Miss Universe Naypyitaw 2017 2nd Runner Up ကိုရရှိထားသူတဦး ဖြစ်ပါတယ်။
The post Miss Asia Global 2018 ပြိုင်ပွဲကို သွားရောက်ယှဉ်ပြိုင်မယ့် လီဆူတိုင်းရင်းသူ Sara Fish appeared first on ဧရာဝတီ.