မင်းသား George Clooney ဟာ သူ့ရဲ့ ကမ္ဘာကျော်ပိုင်ဆိုင်မှုတခုနဲ့ လမ်းခွဲရတော့မှာ ဖြစ်ပါတယ်။ အကြောင်းကတော့ TMZ မီဒီယာရဲ့အဆိုအရ “Money Monster” ရုပ်ရှင်မင်းသား George ဟာ သူ့ရဲ့ Harley-Davidson မော်တော်ဆိုင်ကယ် တွေထဲက တစီးကို ၉/၁၁ ဖြစ်ရပ်အလွန် ဒဏ်ရာပြင်းပြင်းထန်ထန် ရရှိခဲ့တဲ့ စစ်ပြန်တွေအတွက် အိမ်တွေဆောက်လုပ် ပေးနေတဲ့ “Homes For Our Troops” အဖွဲ့အစည်းကို လှူဒါန်းသွားမယ်လို့ သိရပါတယ်။
TMZ ရဲ့အဆိုအရ George နဲ့ CNN က သူငယ်ချင်း Jake Tapper တို့ဟာ အဲဒီလှူဒါန်းမှုတွေ ပြုလုပ်ဖို့ တလလောက် လုပ်ကိုင်ခဲ့ကြပြီး အဖွဲ့အတွက် ရန်ပုံငွေရရှိနိုင်ရေး အဲဒီဆိုင်ကယ်ကိုလေလံပစ်ဖို့ စီစဉ်နေတယ်လို့ ဆိုပါတယ်။
တကယ်လို့ အဲဒီ့လေလံပွဲပြုလုပ်ဖြစ်ရင်တော့ ကြမ်းခင်းဈေး ဒေါ်လာ ၂ သောင်း ၈ ထောင်ကနေ စမှာဖြစ်ပါတယ်။ လေလံအောင်သူကတော့ အဲဒီဆိုင်ကယ်ကို လော့စ်အင်ဂျလိစ်မြို့မှာရှိတဲ့ Harley ကုမ္ပဏီမှာ သွားထုတ်မှာဖြစ်ပြီး မင်းသားကိုယ်တိုင်က အဲဒီဆိုင်ကယ်ပေါ်မှာ လက်မှတ်ရေးထိုးပေးဦးမှာ ဖြစ်ပါတယ်။ အဲဒီဆိုင်ကယ်အမျိုးအစားကတော့ ၂၀၁၇ ခုနှစ် မော်ဒယ် Harley-Davidson 2017 FLHTK Ultra Limited Series ဖြစ်ပါတယ်။
တဆက်တည်းပြောရမယ်ဆိုရင် မင်းသား George ဟာ အီတလီနိုင်ငံမှာ စကူတာဆိုင်ကယ်မတော်တဆမှု ဖြစ်ခဲ့ပါသေးတယ်။ အဲဒီအတွက် ဇနီးဖြစ်သူ Amal က နောက်ဆိုရင် နှစ်ဘီးတပ် ဆိုင်ကယ် မစီးဖို့ ပြောခဲ့တာ ရှိပါတယ်။
eBay မှာ ဖော်ပြထားတဲ့ အဲဒီဆိုင်ကယ်ကြော်ငြာမှာတော့ “George ဟာ Harley အသစ်တစီးကို ဝယ်လိုက်ပါပြီ။ တကယ်လို့ သင်တို့ လေလံမှာနိူင်ရင် သင်တို့အပိုင်ပါပဲ။ လော့စ်အင်ဂျလိစ်မှာ လာထုတ်ရပါမယ်။ George က သင်တို့အတွက် လက်မှတ်ထိုးပေးဦးမှာပါ” လို့ ဖော်ပြထားပါတယ်။
Ref: etcanada
The post စစ်ပြန်တွေကို ကူညီဖို့ အကြိုက်ဆုံး ဆိုင်ကယ်ကို ရောင်းချတော့မယ့် George Clooney appeared first on ဧရာဝတီ.