တချို့သော အနုပညာကြယ်ပွင့်တွေဟာ ပရဟိတ ပြုလုပ်တဲ့အကြောင်းကို လူသိရှင်ကြားပြောကြားကြသလို တချို့ကတော့ လျှို့လျှို့ဝှက်ဝှက်နဲ့ သူတို့အမည်ကိုတောင် မဖော်ဘဲ လှူဒါန်းမှုပြုလုပ်ကြတာကိုတွေ့ရပါတယ်။ ဒါပေမဲ့ နာမည်ကျော် ဟောလိဝုဒ်မင်းသား Keanu Reeves ကတော့ သူ့ရဲ့ကောင်းမှုကုသိုလ် လှူဒါန်းမှုတွကို ပြုလုပ်တဲ့အခါ လျှို့ဝျက်ပြီး လုပ်ဆောင်တယ်လို့ ဆိုပါတယ်။
အသက် ၅၄ နှစ်အရွယ် မင်းသား Reeves ကတော့ သူစတင်ခဲ့တဲ့ ပုဂ္ဂလိကဖောင်ဒေးရှင်းတခုကနေ ပရဟိတ လှူဒါန်းထာက်ပံ့မှုတွေကို ဘယ်လိုပြုလုပ်ခဲ့တယ် ဆိုတာကို ပြောပြခဲ့ပါတယ်။ Snopes မီဒီယာရဲ့ အဆိုအရ ၂၀၀၉ ခုနှစ်မှာ Ladies Home ဂျာနယ်နဲ့ ပြုလုပ်ခဲ့တဲ့ အင်တာဗျူးမှာ အဲဒီ အကြောင်းကို ပြောပြခဲ့ဖူးပါတယ်။
မင်းသားက “၅ နှစ်၊ ၆ နှစ်လောက် ရှိပြီဖြစ်တဲ့ ပုဂ္ဂလိကဖောင်ဒေးရှင်းတခု ကျနော့်မှာ ရှိပါတယ်။ ပြီးတော့ ကလေးဆေးရုံ ၂ ခုနဲ့ ကင်ဆာသုတေသနအတွက် အကူအညီတွေကိုထောက်ပံ့ပေးပါတယ်။ အဲဒီမှာ ကျနော့်နာမည်မတပ်ချင်ပါဘူး။ဖောင်ဒေးရှင်းလုပ်တဲ့အတိုင်းပဲ ခွင့်ပြုထားတာပါ” လို့ ပြောဆိုခဲ့ပါတယ်။
မင်းသား Reeves ကတော့ အခုလတ်တလောမှာ တခြားသူတွေအပေါ် ပြသခဲ့တဲ့ သူ့ရဲ့ ကြင်နာမှုနဲ့ ပတ်သက်လို့ အွန်လိုင်းပေါ်မှာ လူချစ်ခံရတဲ့ ပုဂ္ဂိုလ်တယောက် ဖြစ်လာပါတယ်။ ကနေဒါမင်းသားဟာ အဲဒီ ပရဟိတလှူဒါန်းမှုတွေနဲ့ ပတ်သက်လို့ ဘယ်တုန်းကမှ ကြီးကြီးကျယ်ကျယ်နဲ့ ကြွားကြွားဝါဝါ ပြောဆိုခဲ့ဖူးခြင် းမရှိခဲ့ပေမယ့် သူ့ရဲ့ လှူဒါန်းမှုတွေကို ခံယူခဲ့ဖူးတဲ့ ပုဂ္ဂိုလ်တွေကနေ တဆင့်ကျေးဇူးတင်ကြောင်း ပြောဆိုမှုတွေဟာ တွစ်တာလိုမျိုး လူမှုကွန်ရက်မီဒီယာတွေပေါ်မှာ ကျယ်ကျယ်ပြန့်ပြန့် ရှိခဲ့တာပါ။
၂၀၁၉ ခုနှစ်ကတော့ မင်းသားအတွက် ထူးခြားတဲ့ နှစ်တနှစ် ဖြစ်လာမှာပါ။ သူဟာ “John Wick 3:Parabellum” နဲ့ “Always Be My Maybe” တို့လိုမျိုး ရုံဝင်ငွေကောင်းနိုင်တဲ့ ရုပ်ရှင်တွေမှာ ပါဝင်ထားပါတယ်။ ဒါ့အပြင် လူအများစိတ်ဝင်စားနေတဲ့ “Toy Story 4” မှာ အသံ သရုပ်ဆောင်ထားပါသေးတယ်။
Ref: etcanada
The post ပရဟိတ လှူဒါန်းမှုတွေကို လျှို့ဝှက်လုပ်ဆောင်လေ့ ရှိတဲ့ မင်းသား Keanu Reeves appeared first on ဧရာဝတီ.