ယခုနောက်ပိုင်းမှာ Sexy မော်ဒယ်တယောက်အဖြစ် ရပ်တည်လာတဲ့ သရုပ်ဆောင် သင်ဇာဝင့်ကျော်ကတော့ သူ့ရဲ့ ဝတ်စားဆင်ယင်မှုများနဲ့ ပတ်သက်ပြီး အမျိုးမျိုးသော ဝေဖန်မှုများရှိနေပေမယ့် သူမကတော့ ဝတ်မြဲအတိုင်းသာ ဝတ်ဆင်လျက် ရှိပါတယ်။
လွန်ခဲ့တဲ့ ရက်ပိုင်းကတော့ တရားစခန်း ဝင်ရောက်ခဲ့ပြီး ပြန်ထွက်အလာမှာတော့ ကမ်းခြေမှာ ရိုက်ကူးထားတဲ့ Sexy ကျကျ ဓာတ်ပုံများ ပေါ်ထွက်လာတာနဲ့ ပတ်သက်လို့ သင်ဇာဝင့်ကျော်က အခုလို ပြောပြခဲ့ပါတယ်။
“ဒါကလည်း ကိုယ်က အလုပ်ရှုပ်နေတဲ့သူလေ။ အချိန်ရရင် ရသလို ဒီနေ့ ပွဲတက်ရင် တက်မယ်၊ နောက်နေ့ တရားစခန်း ဝင်ရင်ဝင်မယ်။ ခရီးသွားရင် သွားမယ်။ အချိန်က တန်ဖိုးရှိတယ်။ ရတဲ့အချိန်မှာ ကိုယ်လုပ်ချင်တာ လုပ်မှာပဲ။ နောက်နေ့ ဘာဖြစ်မလဲ မပြောနိုင်ဘူး။ ရတဲ့အချိန်မှာ ကိုယ်လုပ်ချင်တာကို လုပ်ချင်တယ်။ လုပ်ခွင့်ရတဲ့သူလည်း ဖြစ်ချင်တယ်။ လူဖြစ်ရကျိုးလည်း နပ်ချင်တယ်” လို့သင်ဇာဝင့်ကျော်က ပြောပါတယ်။
တရားစခန်းကိုတော့ မှော်ဘီမှာရှိတဲ့ အောင်ဇမ္မူတောရကျောင်းမှာ ၂ ညအိပ် ၃ ရက်တာ ဝင်ရောက်ခဲ့ပြီး နှစ်သစ်မှာ ဘုရား၊ တရား အလုပ်လုပ်ရတဲ့အတွက် အလုပ်လုပ်ရာမှာ ယုံကြည်မှု ပိုရှိသွားတယ်လို့ ဆိုပါတယ်။
“တနှစ်လုံးအတွက် ကောင်းသွားမယ်လို့ ယုံကြည်လို့ မအားတဲ့ကြားက ၂ ညအိပ် ၃ ရက် တရားစခန်းဝင်လိုက်တာပါ။ တရားစခန်းကတော့ ခဏခဏ ဝင်ဖြစ်တယ်။ မယ်သီလရှင်ကတော့ တခါပဲ ဝတ်ဖူးတယ်။ အောင်ဇမ္မူကျောင်းမှာဆိုရင် ၂ ကြိမ်မြောက်လား၊ ၃ ကြိမ်မြောက်လား မသိဘူး။ အရမ်းအေးချမ်းတယ်။ တရားစခန်း မဝင်ခင်မှာတောင် ကျောင်းထဲရောက်သွားရင် အရမ်း အေးချမ်းတယ်”
“ဘာပဲဖြစ်ဖြစ် နှစ်သစ်မှာ ကုသိုလ်ကောင်းမှုလေး နည်းနည်း လုပ်လိုက်ရတဲ့အတွက် နောက်လုပ်မယ့်အလုပ်တွေမှာ ယုံကြည်မှုပိုရှိသွားတာပေါ့နော်” လို့ သင်ဇာဝင့်ကျော်က ပြောပါတယ်။
သင်ဇာဝင့်ကျော်ကတောာ့ လတ်တလောမှာ ပွဲတက်များ၊ ကြော်ငြာများ ရိုက်ကူးလျက်ရှိပြီး ရုပ်ရှင်ကားကြီးအနေနဲ့ကတော့ ၂ လပိုင်းမှာ စရိုက်ဖို့ ရှိတယ်လို့ သိရပါတယ်။
ဆက်စပ် သတင်းလင့်ခ်များ
၂၀၁၉ မှာ အရမ်းဟော့တဲ့ ဖက်ရှင်တွေဝတ်ဖို့ အစီအစဉ် မရှိဘူးလို့ သင်ဇာဝင့်ကျော် ပြော
လက်ခံထားတဲ့ ပွဲတိုင်းကို Sexy ဖက်ရှင်တွေပဲ ဝတ်ဖြစ်မယ့် သင်ဇာဝင့်ကျော်
The post “ရတဲ့အချိန်မှာ ကိုယ်လုပ်ချင်တာ လုပ်ခွင့်ရတဲ့သူ ဖြစ်ချင်တယ်”လို့ ပြောတဲ့ သင်ဇာဝင့်ကျော် appeared first on ဧရာဝတီ.