ပရိသတ်တချို့ သတိမထားမိပေမယ့် တက်တူးဆင်တူ ထိုးတာတဲ့ အနုပညာရှင်တွေ၊ တအိမ်တည်းမှာ အတူတူနေကြတဲ့ အနုပညာရှင်တွေ စသဖြင့် အပြင်လောကမှာလည်း တယောက်နဲ့ တယောက် အရမ်းချစ်ကြတဲ့ ကမ္ဘာကျော် မင်းသား၊ မင်းသမီးတွေ ရှိပါတယ်။
ရုပ်ရှင်အတူရိုက်ရင်း တယောက်အကြောင်း တယောက် အရမ်းသိပြီး အမြဲတတွဲတွဲ လုပ်နေကြသူတွေကလည်း အများကြီးပါ။ ဒီတခါ ဖော်ပြပေးမှာကတော့ အပြင်မှာလည်း အချစ်ဆုံး သူငယ်ချင်းတွေ ဖြစ်ကြတဲ့ ကမ္ဘာကျော်တွေပဲ ဖြစ်ပါတယ်။
(၁) Jennifer Lawrence နဲ့ Emma Stone
သူတို့နှစ်ယောက်လုံးရဲ့ သူငယ်ချင်းဖြစ်တဲ့ Woody Harrelson ကြောင့် ခင်ခဲ့ကြတဲ့ သူတို့နှစ်ဦးဟာ အခုဆိုရင် လူမြင်ကွင်းကို အတူတကွ သွားလာနေကြတာကို တွေ့ရပါတယ်။ ပွဲတွေကို အတူတူ တက်လေ့ရှိပြီး နှစ်ယောက်ပေါင်းပြီး သောင်းကျန်းတဲ့ နေရာမှာ ဘယ်သူမှ မမှီဘူးလို့ ပရိသတ်တွေက ချစ်စနိုးနဲ့ ပြောကြပါတယ်။
(၂) Snoop Dogg နဲ့ Martha Stewart
The Martha Stewart Show မှာ စတင်တွေ့ရှိခဲ့တဲ့ သူတို့နှစ်ဦးရဲ့ သူငယ်ချင်း သက်တမ်းကတော့ ၁၀ နှစ်ကျော်ခဲ့ပါပြီ။ ၂၀၁၆ ခုနှစ်ကစပြီး သူတို့နှစ်ဦးရဲ့ ကိုယ်ပိုင် အချက်အပြုတ် ရုပ်သံရှိုးတခုကို အတူလုပ်ခဲ့ကြပါသေးတယ်။ သူတို့နှစ်ယောက်ရဲ့ ခင်မင်မှုကို Snoop Dogg က “ကျနော့် ဘဝမှာ ဒီလို သူငယ်ချင်းမျိုး တခါမှ မရခဲ့ဘူးပါဘူး။ သူနဲ့ ကျနော်က အရမ်း အတွဲညီတယ်” လို့ အင်တာဗျူးတခုမှာ ဖြေခဲ့ပါသေးတယ်။
(၃) Kate Winslet နဲ့ Leonardo DiCaprio
Titanic ရုပ်ရှင်ကို ရိုက်ပြီးကတည်းက အချစ်ဆုံး သူငယ်ချင်းတွေ ဖြစ်သွားတဲ့ Kate Winslet နဲ့ Leonardo DiCaprio တို့ရဲ့ ခင်မင်မှုက အရမ်းကို ကြာခဲ့ပါပြီ။ ဆုပေးပွဲတွေကို အတူတကွ တက်လေ့ရှိပြီး အချင်းချင်းအမြဲ အားပေးလေ့ ရှိတဲ့သူတွေ ဖြစ်ပါတယ်။
(၄) Ed Sheeran နဲ့ Courteney Cox
အဆိုတော် Ed Sheeran နဲ့ မင်းသမီး Courteney Cox တို့ဟာလည်း အရမ်းခင်တဲ့ သူငယ်ချင်းတွေ ဖြစ်ပါတယ်။ Ed ဟာ Courteney Cox ရဲ့ ကမ်းခြေအိမ်မှာ နေလေ့ရှိပြီး အိမ်ငှားခလည်း မပေးရဘူးလို့ ဆိုပါတယ်။ Ed က အောင်သွယ်လုပ်ပြီး Courteney Cox ကိုလည်း အမျိုးသားတွေနဲ့ မိတ်ဆက်ပေးလေ့ ရှိတယ်လို့ သိရပါတယ်။
Ref; brightside
The post အပြင်မှာလည်း အချစ်ဆုံး သူငယ်ချင်းတွေ ဖြစ်ကြတဲ့ အနုပညာရှင်များ appeared first on ဧရာဝတီ.
