ဆွဲဆောင်မှုရှိတဲ့ ခန္ဓာကိုယ်ကို ပိုင်ဆိုင်ထားပြီး အမျိုးသမီး ပရိသတ်ကြားမှာ ရေပန်းစားတဲ့ မော်ဒယ် သရုပ်ဆောင် တိုင်ရွန်ကတော့ ရုပ်ရှင်ဇာတ်ကားများ ရိုက်ကူးရာမှာ အက်ရှင်ဇာတ်ကားတွေကို ပိုရိုက်ချင်တယ်လို့ ဆိုပါတယ်။
“ကျနော်က အက်ရှင်မင်းသားပုံစံ ပေါက်အောင် ကြိုးစားမယ်။ နောက်ပြီးတော့ အက်ရှင်ဇာတ်ကား ကောင်းတွေကို ပိုပြီးတော့ ရိုက်ချင်တာပေါ့။ Music Video အကြမ်းတွေက ကျနော်ရိုက်တဲ့ ဟာတွေဆို အိပ်ရာပေါ်က အခန်းတွေ မပါရင် မပြီးဘူးပေါ့။ နောက်ထပ် ဒီလထဲမှာ၂ ပုဒ် ထပ်ထွက်ဖို့ ရှိပါတယ်” လို့ တိုင်ရွန်က ပြောပါတယ်။
“ဘယ်နှခန်းပဲပါပါ ကိုယ်ပါဝင်လိုက်တဲ့ အခန်းက ပရိသတ် သတိထားမိသွားမယ့်ဟာဆို လုပ်မယ်ပေါ့။ ကိုယ့်ကို ချစ်တဲ့ပရိသတ်တွေကို အကောင်းဆုံးပဲ ချပြချင်တဲ့အတွက် ကိုယ်က ပါဝင်ရရင်ပြီးရော လုပ်လိုက်တဲ့ အလုပ်တခုက ပရိသတ်ကို အားမလို အားမရ ဖြစ်စေတယ်။ မျှော်မှန်းထားသလို ဖြစ်မလာရင် အားပေးရကျိုး မနပ်ဘူးပေါ့။ ပါဝင်ရရင် ပြီးရော မလုပ်ချင်ဘူး” လို့ တိုင်ရွန်က ဆိုပါတယ်။
သရုပ်ဆောင် တိုင်ရွန်က Music Video တွေမှာလည်း Sexy ကျတဲ့ ပုံစံမျိုးနဲ့တွေ ရိုက်ကူးထားပြီး မကြာသေးခင်ရက်ပိုင်းကလည်း အဆိုပါ Music Video ရိုက်ကွင်းတဲ့ ဓာတ်ပုံများက ပရိသတ်များကို အံ့သြစေခဲ့ပါတယ်။
မကြာခင်မှာလည်း သူ့ရဲ့ပထမဆုံး ဇာတ်လမ်းတွဲရိုက်ကူးမှုဖြစ်တဲ့ MRTV-4 က ထုတ်လွှင့်ပြသမယ့်
“မနေ့ကဖြစ်သည် ၂” ဆိုတဲ့ ဇာတ်လမ်းတွဲကိုလည်း ထုတ်လွှင့်တော့မှာလို့ သိရပါတယ်။
“မနေ့ကဖြစ်သည် ၂” အတွက် ရင်ခုန်နေပါတယ်။ ကျနော်အနေနဲ့ ပထမဆုံးရိုက်ကူးတဲ့ ဇာတ်လမ်းတွဲလည်း ဖြစ်တယ်။ ကျနော်က ကိုကျော်ကျော်ဗိုရဲ့ လူယုံနေရာက တွေ့ရမယ်။ အက်ရှင်အခန်းတွေ ပိုများတယ်။ ‘မနေ့ကဖြစ်သည် ၁’ ကလည်းအရှေ့မှာ အရမ်းပေါက်ထားတော့ ၂ က ၁ လောက်ကောင်းနိုင်ပါ့မလားဆိုတဲ့ စိုးရိမ်မှုကအများကြီးရှိတယ်” လို့ တိုင်ရွန်က ပြောပါတယ်။
လတ်တလောမှာလည်း သရုပ်ဆောင် တိုင်ရွန်က ဒါရိုက်တာ ဂျိုးရိုက်ကူးတဲ့ “Old Gangster” ရုပ်ရှင်မှာ ဝါရင့်အနုပညာရှင်များနဲ့အတူ ရိုက်ကူးနေတယ်လို့ သိရပါတယ်။
ဆက်စပ် သတင်းလင့်ခ် – “Old Gangster” ရုပ်ရှင်အတွက် တက်တူးတွေ ထပ်ဖြည့်နေတဲ့ တိုင်ရွန်
The post အက်ရှင်ဇာတ်ကားတွေကို ပိုရိုက်ချင်တဲ့ သရုပ်ဆောင် တိုင်ရွန် appeared first on ဧရာဝတီ.