ဇာတ်ရုပ်တိုင်းမှာလည်း ပရိသတ်အတွေ့အကြိုက်တွေ့အောင် သရုပ်ဆောင်နိုင်တဲ့ ဝတ်မှုံရွှေရည် က “L’oreal Paris Fashion Week ကို သွားရမှာဖြစ်လို့ စိတ်လှုပ်ရှားနေတယ်လို့ ဆိုပါတယ်။
“နာမည်ကြီး ဒီဇိုင်နာတွေလည်း အများကြီးပါတော့ အရမ်းမိုက်မယ်လို့ ထင်ပါတယ်။ ဖက်ရှင်တွေကတော့ ကြည့်ကြည့်ပေါ့နော်။ မြန်မာနိုင်ငံကိုယ်စားပြုအနေနဲ့ ပွဲတက်ရမှာ။ မြန်မာပြည်ကို ပထမဆုံးဖိတ်ခံရတဲ့ပွဲလည်း ဖြစ်တယ်”
“ကစ်အနေနဲ့လည်း ပထမဆုံးတက်ရမှာဆိုတော့ စိတ်လှုပ်ရှားတယ်။ ဝမ်းသာတယ်။ အိမ်မက်ထဲမှာတော့ သွားဖူးခဲ့တယ်။ အခုတော့ တကယ်သွားရတော့မှာပေါ့။ ပြင်ဆင်တာကတော့ ပြင်တော့ပြင်ဆင်ထားပါတယ်။ မရောက်သေးတဲ့ နေရာလေး တွေလည်း အချိန်ရရင်တော့ သွားလည်မယ်” လို့ ဝတ်မှုံရွှေရည်က ဆိုပါတယ်။
အဲဒီပွဲကိုတက်ရောက်တဲ့အခါ ပဲရစ်နဲ့လိုက်ဖက်တဲ့ ဖက်ရှင်တွေကို ဝတ်ဆင်သွားမယ်လို့ဆိုပြီး ဒီပွဲမှာ နိုင်ငံအများက အနုပညာရှင်များနဲ့ တွေ့ဆုံခွင့်ရမှာဖြစ်လို့ စိတ်လှုပ်ရှားနေတယ်လို့ သိရပါတယ်။
“ ဒီပွဲမှာ မိတ်ကပ် Look တွေကို လည်း လေ့လာခွင့်ရမယ်။ သူတို့ Lifestyle တွေကိုလည်း လေ့လာခွင့်ရမှာဆိုတော့ အရမ်းစိတ်လှုပ်ရှားဖို့ကောင်း ပါတယ်။ ကစ်တို့ အတတ်နိုင်ဆုံး Activityတွေကိုလည်း တင်ပေးပါ့မယ်”လို့ ပြောပါတယ်။
သရုပ်ဆောင်ဝတ်မှုံရွှေရည်ဟာ အနုပညာနယ်ပယ်မှာ အောင်မြင်မှုအများဆုံး ရရှိထားတဲ့ သရုပ်ဆောင်ကောင်း တယာက်ဖြစ်ပြီး ၂၀၁၃ ခုနှစ်မှာ “နင်စေရင်” ရုပ်ရှင်ဇာတ်ကားကြီးနဲ့ အကောင်းဆုံးအမျိုးသမီး ဇာတ်ဆောင်ဆုကို ရရှိခဲ့ကာ ၂၀၁၄ ခုနှစ်မှာတော့ “နှလုံးသားဖြင့် ပြုလုပ်သည်” ဆိုတဲ့ ရုပ်ရှင်ဇာတ်ကားကြီးမှာ အကောင်းဆုံး အမျိုးသမီးဇာတ်ပို့ဆု တွေကို ရရှိပိုင်ဆိုင်ခဲ့တာဖြစ်ပါတယ်။
ဝတ်မှုံရွှေရည်ဟာ ဒါရိုက်တာကျော်ဇောလင်း အတွေးပုံရိပ် ရိုက်ကူးပြီး သရုပ်ဆောင် စိုးသူ ၊ ပြေတီဦးတို့နဲ့ အတူ “တရားလား” ဆိုတဲ့ ဇာတ်ကာကို လက်ရှိမှာ ရိုက်ကူးနေပါတယ်။
The post ပဲရစ်မှာပြုလုပ်မယ့် L’oreal Paris Fashion Week ပွဲသွားဖို့ စိတ်လှုပ်ရှားနေတဲ့ ဝတ်မှုံရွှေရည် appeared first on ဧရာဝတီ.