၂၀၁၈ ခုနှစ်ဟာ နယ်ပယ်အသီးသီးက နာမည်ကျော်ထင်ရှားသူတွေ တဖြုတ်ဖြုတ်ကြွေလွင့်ရတဲ့ နှစ်တနှစ်လို့တောင် ပြောလို့ရပါတယ်။ အသက်အရွယ်နဲ့ ရောဂါဝေဒနာတွေကြောင့် ကြွေလွင့်ရသူတွေရှိသလို ကိုယ့်ကိုယ်ကို အဆုံးစီရင်မှုတွေကြောင့် ကြွေလွင့်ရသူတွေလည်း ပါဝင်ပါတယ်။ ဒါကြောင့်မို့လို့ ၂၀၁၈ ခုနှစ်အတွင်း ကြွေလွင့်သွားခဲ့ကြတဲ့ ကမ္ဘာကျော်များကို အောက်မေ့နှမြောတသဖွယ် ဖော်ပြပေးလိုက်ပါတယ်။
(၁) Avicii
ကမ္ဘာလှည့်ဖျော်ဖြေမှုတွေနဲ့ နာမည်ကျော်တဲ့ DJ နဲ့ Producer တဦးဖြစ်သူ Avicii ဟာ ၂၀၁၈ ခုနှစ်၊ ဧပြီလ ၂၀ ရက်နေ့မှာ ကိုယ့်ကိုယ်ကို အဆုံးစီရင်သွားခဲ့ပါတယ်။ ကွယ်လွန်ချိန်မှာ အသက် ၂၈ နှစ်သာ ရှိသေးပြီး ဂီတနဲ့ ပတ်သက်ပြီး ပါရမီရှင်တဦးလည်းဖြစ်တာကြောင့် ဂီတလောကအတွက် ကြီးမားတဲ့ ဆုံးရှုံးမှုတခုပဲ ဖြစ်ပါတယ်။
(၂) Dolores O’Riordan
The Cranberries Band ရဲ့ Vocal ဖြစ်တဲ့ Dolores O’Riordan ကတော့ ၂၀၁၈ ခုနှစ် ဇန်နဝါရီလမှာ ကွယ်လွန်သွားခဲ့ပါတယ်။ ကွယ်လွန်ချိန်မှာ အသက် ၄၆ နှစ်သာရှိသေးပြီး သူမ သီဆိုခဲ့တဲ့ Zombie သီချင်းကတော့ လက်ရှိအချိန်အထိ အောင်မြင်နေဆဲပဲဖြစ်ပါတယ်။
(၃) Kate Spade
နာမည်ကျော် Kate Spade Brand ကို တည်ထောင်ခဲ့တဲ့ Katherine Noel Valentine Brosnahan ကတော့ ၂၀၁၈ ခုနှစ် ဇွန်လ ၅ ရက်မှာ ကိုယ့်ကိုယ်ကို အဆုံးစီရင်သွားခဲ့ပါတယ်။ တကမ္ဘာလုံးက ပျိုမေတွေဟာ သူမရဲ့နာမည်ကျော် Kate Spade Brand လက်ကိုင်အိတ်တွေကို သည်းသည်းလှုပ်ဖြစ်နေချိန်မှာ သူမဟာ စိတ်ကျရောဂါနဲ့ မိမိကိုယ်ကို အဆုံးစီရင်ခဲ့တာပဲ ဖြစ်ပါတယ်။
(၄) Sridevi Kapoor
နာမည်ကျော် ဘောလိဝုဒ်မင်းသမီးကြီး Sridevi ကတော့ ၂၀၁၈ ခုနှစ် ဖေဖော်ဝါရီ ၂၄ ရက်မှာ နှလုံးရောဂါနဲ့ ကွယ်လွန်သွားခဲ့တာ ဖြစ်ပါတယ်။ ကွယ်လွန်ချိန်မှာ အသက် ၅၄ နှစ်သာရှိသေးပြီး အိန္ဒိယဘာသာစကားမျိုးစုံနဲ့ ရုပ်ရှင်ကားတွေမှာ ပါဝင်သရုပ်ဆောင်ခဲ့သူတဦးလည်းဖြစ်ပါတယ်။
(၅) Stan Lee
Marvel Comics ရဲ့ဖခင်ကြီး Stan Lee ကတော့ ၂၀၁၈ ခုနှစ် နိုဝင်ဘာလ ၁၂ ရက်မှာ ကွယ်လွန်သွားခဲ့တာ ဖြစ်ပြီး Hulk, Thor, X-Men နဲ့ Spider-Man ဇာတ်ကောင်တွေရဲ့ ဖန်တီးရှင်ကြီးဟာ ကွယ်လွန်ချိန်မှာ အသက် ၉၅ နှစ်ရှိပြီပဲ ဖြစ်ပါတယ်။
(၆) Stephen Hawking
ကမ္ဘာမှာ အထင်ရှားဆုံးဖြစ်တဲ့ ရူပဗေဒ သိပ္ပံပညာရှင် Stephen Hawking ကတော့ ၂၀၁၈ ခုနှစ် မတ်လ ၁၄ ရက်မှာ ကွယ်လွန်သွားခဲ့တာ ဖြစ်ပြီး သူ့ရဲ့အဖိုးတန် ရှာဖွေတွေ့ရှိချက်တွေဟာဆိုရင် လူသားတွေအတွက် တန်ဖိုးမဖြတ်နိုင်တဲ့ အမွေအနှစ်တွေပဲ ဖြစ်ပါတယ်။
ဆက်စပ် သတင်းလင့်ခ်များ
ကိုယ့္ကိုယ္ကို အဆုံးစီရင္ခဲ့တဲ့ နာမည္ေက်ာ္ ဖက္ရွင္ဒီဇိုင္နာ Kate Spade
ကမာၻေက်ာ္ ေဘာလိဝုဒ္႐ုပ္ရွင္မင္းသမီး “Sridevi (ဆရီေဒဝီ)” ႏွလုံးေရာဂါျဖင့္ ႐ုတ္တရက္ ကြယ္လြန္
ပင့္ကူလူသားနဲ႕ အျခားစူပါဟီးရိုးေတြရဲ႕ ဖန္တီးရွင္ႀကီး Stan Lee ကြယ္လြန္ၿပီ
Ref : www.thisisinsider.com
The post ၂၀၁၈ ခုနှစ်အတွင်း ကြွေလွင့်သွားခဲ့တဲ့ ကမ္ဘာကျော်များ appeared first on ဧရာဝတီ.