Justin Bieber နဲ့ Hailey Baldwin တို့ဟာ ပြီးခဲ့တဲ့နှစ်မှာ လက်ထပ်ခဲ့ပြီးပြီလို့ ဆိုပေမယ့် မင်္ဂလာပွဲလုပ်ဖို့ရာ နှောင့်နှေးတာတွေရှိနေတယ်လို့ ဆိုပါတယ်။
မကြာသေးခင်က ထွက်ပေါ်လာတဲ့ သတင်းတွေထဲမှာဆိုရင် Justin ရဲ့ ရည်းစားဟောင်း Selena Gomez ဟာ လက်ထပ်ပွဲကို ရွှေ့ဆိုင်းရတဲ့ အကြောင်းရင်း တရပ်ဖြစ်တယ်လို့ ဆိုကြပါတယ်။ In Touch Weekly မီဒီယာရဲ့ အဆိုအရ “Despacito” သီချင်းအဆိုတော် Justin ဟာ သူ့ရဲ့ ချစ်သူဟောင်းနဲ့ ပတ်သက်လို့ စိုးရိမ်တာတွေက မရပ်တန့်နိုင်ဘူးလို့ ဆိုကြပါတယ်။
စိတ်အခြေအနေ ပြိုလဲမှုဖြစ်ခဲ့ရပြီးတဲ့နောက် အဆိုတော် Selena ဟာ ပြီးခဲ့တဲ့ အောက်တိုဘာလမှာပဲ ပြန်လည်သန်စွမ်းရေး ကုသမှုကိုခံယူခဲ့ရပြီး အဲဒီကနေ ထွက်လာခဲ့ပြီးတဲ့နောက် သူ့သူငယ်ချင်းတွေနဲ့ အတူ လျှောက်သွားလျှောက်လာတာတွေ ကိုလည်း မြင်တွေ့ရပါတယ်။
လက်ထပ်ပွဲအတွက် လိုအပ်တာတွေကို သူတို့တွေက ပြင်ဆင်တာမျိုးမရှိသေးဘဲ မင်္ဂလာပွဲအတွက် ဖြည်းဖြည်းနဲ့ နှေးနှေးပဲ လုပ်နေတာပါ။ ဒါ့အပြင် Justin က လက်ထပ်ပွဲ ရွှေ့နေတာနဲ့ ပတ်သက်လို့ Hailey က သိပ်ပျော်နေပုံမရပါဘူး။ Hailey အနေနဲ့လည်း မလုံမခြုံတွေ စတင်ခံစားလာရတယ်လို့ ဆိုပါတယ်။
သတင်းရင်းမြစ်ရဲ့ တချို့အရကတော့ သူတို့ဟာ မင်္ဂလာပွဲကိုလုပ်ဖို့ အစီအစဉ်တွေကို ဆွေးနွေးနေခဲ့ပေမယ့် လက်ထပ်ပွဲ ဖြစ်မလာမှာကို Haliey က စိုးရိမ်နေတယ်လို့ ဆိုပါတယ်။
ဒါ့အပြင် သူ့ရဲ့ စိတ်ထဲမှာ အဲဒီ့ မင်္ဂလာနေ့အကြောင်းကို စဉ်းစားထားပေမယ့် Justin ရဲ့ ဦးစားပေးမှုအတိုင်း ဖြစ်သင့်တဲ့အကြောင်း လက်ခံထားတယ်လို့လည်း ဆိုပါတယ်။
ကနေဒါမော်ဒယ်နဲ့ အလှပဂေး Hailey ကတော့ ပွဲအတွက် အသေးစိတ်အစီအစဉ်တွေကို အကောင်အထည် ဖော်နေတယ် လို့ဆိုပါတယ်။
သူတို့ဟာ မင်္ဂလာပွဲအတွက် သင်းအုပ်ဆရာတော်နဲ့လည်း အကြိမ်ပေါင်းများစွာ တွေ့ဆုံဆွေးနွေးထားပြီးဖြစ်ပါတယ်။ ဒါပေမယ့် သတင်းအချို့မှာလည်း လက်ထပ်ပွဲက မကြာမီ ဖြစ်လာနိုင်ချေ ရှိတယ်လို့ ဆိုနေပြန်ပါတယ်။ ဆွေးနွေးနေဆဲ အဆင့်သာရှိနေသေးတယ်လို့ ဆိုပေမယ့် အလုပ်ဖြစ်နေတယ်လို့ သိရပါတယ်။
လောလောဆယ်တော့ သူတို့နှစ်ဦးဟာ လက်ထပ်ပြီးရင် နေဖို့အတွက် အိမ်ကို ရှာဖွေနေပြီး Justin နဲ့ သူ့ရဲ့ အသစ်စက်စက် ဇနီးလေးကတော့ အိပ်ခန်းလေးခန်း၊ ရေချိုးခန်း ၇ ခန်းပါတဲ့ San Fernando Valley က အိမ်မှာ နေထိုင်နေပါတယ်။ အဲဒီနောက် သူတို့ဟာ ရေပြဿနာကြောင့် Beverly Hills မှာရှိတဲ့ ဟိုတယ်ကို ပြောင်းရွှေ့ ခဲ့ကြပါတယ်။
Ref: aceshowbiz
The post Selena Gomez ကြောင့် Justin Bieber ရဲ့ လက်ထပ်ပွဲရွှေ့ဆိုင်းနေရသည်ဟု သတင်းထွက်ပေါ် appeared first on ဧရာဝတီ.