မြန်မာနှစ်သစ်ကူးသင်္ကြန်မှာ ဆုတောင်းစကားပြောကြတဲ့ အနုပညာရှင်များ

မြန်မာ့ရိုးရာအတာသင်္ကြန်ပွဲတော်ကြီးမှာ ပရိသတ်တွေရဲ့ အချစ်တော် အနုပညာရှင်များ ဖြစ်ကြတဲ့ ဟိန်းဝေယံ၊ ကျော်ကျော်၊ ဆုမြတ်နိုးဦး၊ ငဲငယ်လေး၊ ဝင်ယမုံနိုင် တို့က ရန်ကုန်မြို့ရဲ့ ဘယ်နေရာမှာ ရှိနေမလဲဆိုတာ ပြောပြထားသလို ပရိသတ်တွေအတွက် နှစ်သစ်ဆုတောင်း စကားသံများကိုလည်း ယခုလိုပြောပြထားပါတယ်။

ဟိန်းဝေယံ

ရန်ကုန်သင်္ကြန်က မနှစ်ကထက် ပိုစည်မယ်လို့ ထင်တယ်။ လမ်းလျှောက်သင်္ကြန်တွေ ရှိလာတော့ ပိုပြီးကောင်းလာတယ်။ ကျနော်က အရင်နှစ်တွေက သင်္ကြန်ဆိုရင် နားတာများတယ်။ သင်္ကြန်မှာ ကိုယ့်ဟာကို အေးဆးနားရင်နား မနားရင် ဘုန်းကြီးဝတ် တရားစခန်းဝင်တာ များတယ်။ သင်္ကြန်ကို အလုပ်နဲ့ မဖြတ်သန်းဖူးဘူး။ ဒီနှစ်ကတော့ သင်္ကြန်ကို အလုပ်လုပ်ရင်းနဲ့ ဖြတ်သန်းဖြစ်မှာပါ။ ပရိသတ်တွေ အားလုံးနှစ်သစ်မှာ အစစအရာရာ အဆင်ပြေချောမွေ့ကြပါစေ။ သင်္ကြန်တွင်းမှာလည်း အန္တရာယ်ကင်းကင်းနဲ့ ပျော်ရွှင်စွာ ဖြတ်သန်းနိုင်ပါစေလို့ ဆုတောင်းပေးပါတယ်။

ကျော်ကျော်

သင်္ကြန်မှာတော့ Channel K မဏ္ဍပ်မှာ ရှိမှာပါ။ လမ်းလျှောက်သင်္ကြန်ကတော့ မန္တလေးမှာ တော်တော်အောင်မြင်နေ တာကြာပြီပေါ့။ ဒီရန်ကုန်မှာလည်း လမ်းလျှောက်သင်္ကြန်တွေ ရှိတယ်။ အစစ်ကြီးတော့ မဟုတ်ဘူးပေါ့။ လမ်းစုလျှောက်တဲ့ သဘောပဲပေါ့။ ဒီနှစ်လမ်းလျှောက်သင်္ကြန်အစစ်တွေ ရှိလာတော့ ပျော်ဖို့လည်းကောင်းမယ်လို့။ ရိုးရာ ယဉ်ကျေးမှုကိုလည်း ပိုထင်ဟပ်စေမယ်လို့ ထင်တယ်။ သင်္ကြန်မှာ ပရိသတ်တွေ ပျော်ကြပါ။ အပျော်ကနေ အပျက် မဖြစ်ကြပါစေနဲ့လို့ ပြောချင်ပါတယ်။

ဆုမြတ်နိုးဦး

သင်္ကြန်မြတ်နိုး ဘီးလင်းမြို့မှာရှိပါမယ်။ သင်္ကြန်အမှတ်တရတွေကတော့ အများကြီးပဲပေါ့။ ငယ်တုန်းကလည်း ငယ်တဲ့ အလျောက်ကြီးတော့လည်း ကြီးတဲ့ အလျောက်ပေါ့။ ဒီနှစ်တော့ သီချင်းဆိုရမှာ။ သြင်္ကန်မှာ ပရိသတ်တွေ အားလုံး ကံကောင်းခြင်း ပျော်ရွှင်ခြင်းတွေနဲ့ ပြည့်စုံပါစေလို့ ဆိုတောင်းပေးပါတယ်။

ငဲငယ်လေး

သင်္ကြန်လေးရက်လုံးမှာ မြကျွန်းသာသင်္ကြန်မှာ ရှိမှာပါ။ လမ်းလျှောက်သင်္ကြန်မှာ ထိပ်ဆုံးက ပါဝင်ဖြစ်မယ်ထင်တယ်။ သင်္ကြန်မှာ အမှတ်တရဆိုရင် လုံးဝမေ့လို့မရတာကတော့ ၂၀၁၇ခုနှစ် မန္တလေးမှာ ICနဲ့ ဖျော်ဖြေခဲ့ရတာကတော့ အမှတ်တရပေါ့။ အဲ့ဖီလင်ကို ဘာနဲ့မှလဲလို့ မရပါဘူး။ ပရိသတ်တွေ နှစ်သစ်မှာ ချစ်သူခင်သူတွေ နဲ့ လက်တွဲသွားနိုင်ပါစေ။ မိဘ မောင်နှမတွေနဲ့လည်း မဝေးကွာဘဲနဲ့ အမြဲစည်းစည်းလုံးလုံးရှိပြီးမှ ပျော်ရွှင်ချမ်းမြေ့တဲ့ ဘဝလေးပိုင်ဆိုင် နိုင်ကြပါစေလို့ ဆုတောင်းပေးပါတယ်။

ဝင့်ယမုံနိုင်

သင်္ကြန်ရောက်ပြီဆို ယမုံအချစ်ဆုံးက ပိတောက်ပန်းတွေရယ် မဏ္ဍပ်အောက်မှာ ကနေတဲ့ လူအုပ်ကြီးပဲ။ သင်္ကြန်မှာ Rave ရတာကို သိပ်မကြိုက်ဘူး။ ပင်ပန်းတယ်လို့ ခံစားရတယ်။ အေးအေးဆေးဆေးနေရတာကြိုက်တယ်။ အသက်ရလာလို့ လားတော့ မသိဘူး။ အေးဆေးပဲနေချင်တယ်။ ပရိသတ်တွေ နှစ်သစ်သင်္ကြန်မှစ စိတ်၏ကျန်းမာခြင်း ကိုယ်၏ချမ်းသာခြင်း တွေနဲ့ပြည့်စုံပါစေ။ အန္တရာယ်ကင်းကင်းနဲ့ ပျော်ပျော်ရွှင်ရွှင်ဖြတ်သန်းနိုင်ကြပါစေ။

The post မြန်မာနှစ်သစ်ကူးသင်္ကြန်မှာ ဆုတောင်းစကားပြောကြတဲ့ အနုပညာရှင်များ appeared first on ဧရာဝတီ.