ပြီးခဲ့တဲ့ ဇွန်လ ၉ ရက်နေ့မှာတော့ ထိုင်ဝမ်အမျိုးသားအဆိုတော်အဖွဲ့ Fahrenheit မှ အဖွဲ့ဝင်ဟောင်း Wu Chun ဟာ သူ့ရဲ့ မွေးရပ်မြေဖြစ်တဲ့ ဘရူနိုင်းနိုင်ငံမှာ မင်္ဂလာပွဲ အခမ်းအနားကို ဆင်နွှဲခဲ့ပြီး “Before Wedding” အစီအစဉ်အနေနဲ့ မှတ်တမ်းတင်ခဲ့ပါတယ်။
အသက် ၄၀ အရွယ်မင်းသား Wu ဟာ ၂၀၀၄ ခုနှစ်တုန်းက ဇနီးဖြစ်သူ Lin Liying ကို လက်ထပ်ခဲ့ချိန်မှာ မင်္ဂလာပွဲ မလုပ်ခဲ့ရဘူးလို့ အဲ့ဒီ အစီအစဉ်အစပိုင်းမှာ ပြောကြားခဲ့ပါတယ်။ မင်္ဂလာပွဲမှာ သူဟာ လက်ထပ် ကတိကဝတ်စကားကို နောက်ထပ်တကြိမ် ပြောဆိုခဲ့ပြီး လွန်ခဲ့တဲ့ ၂၄ နှစ်၊ သူတို့နှစ်ဦး စတင်တွဲခဲ့ချိန်ကစလို့ သူ့ဘေးနားမှာ ရပ်တည်ပေးခဲ့တဲ့အတွက် ကျေးဇူးတင်တယ်လို့ ပြောဆိုခဲ့ပါတယ်။
လက်ထပ်လက်စွပ်နဲ့ အတူ ဒူးထောက်ပြီး နောက်တကြိမ် ချစ်ခွင့်ပန်ခဲ့တာကိုလည်း တွေ့ရပါတယ်။ ပြီးတော့ နှစ်ပေါင်း ၁ သောင်းအထိ ချစ်ပါ့မယ်လို့လည်း ကတိပြုခဲ့ပါတယ်။ ဇနီး Lin က သူ့ရဲ့ ချစ်ခွင့်ပန်မှုကို မျက်ရည်တွေနဲ့ လက်ခံခဲ့ပါတယ်။
ဒါ့အပြင် မင်းသားနဲ့ ဇနီးတို့ဟာ တူညီတဲ့ ဆေးရုံတခုမှာ ၅ နာရီစီခြားပြီး မွေးဖွားခဲ့ကြတယ်ဆိုတာကို သိနိုင်တဲ့ မွေးစာရင်းကိုလည်း မြင်တွေ့ခွင့်ရခဲ့ကြပါတယ်။ သူတို့ရဲ့ မင်္ဂလာပွဲအခမ်းအနားမှာ အသက် ၉ နှစ်အရွယ် သမီးလေး Xinyi က ပန်းကြဲခဲ့တာကိုလည်း တွေ့ရပါတယ်။
Image may be NSFW.
Clik here to view.
သူတို့နှစ်ဦးရဲ့ သားလေး Max ကတော့ အသက် ၆ နှစ်ရှိနေပြီဖြစ်ပါတယ်။ မင်းသား Wu က Weibo လူမှုကွန်ရက်မှာ သူ့မင်္ဂလာပွဲက ဓာတ်ပုံတွေကို ဝေမျှခဲ့ပြီး ကိုရိုနာဗိုင်းရပ်စ် ကပ်ရောဂါဖြစ်နေချိန်မှာ လက်ထပ်ပွဲကို ကျင်းပနိုင်အောင် ဆောင်ရွက်ပေးခဲ့ကြတဲ့ ထုတ်လုပ်ရေး အဖွဲ့ကို ကျေးဇူးတင်ကြောင်း ပြောဆိုခဲ့ပါတယ်။
၂၀၀၄ ခုနှစ်တုန်းက သူလက်ထပ်လိုက်ပြီဖြစ်ကြောင်း မင်းသား Wu ရဲ့ ပြောကြားချက်ကြောင့် သူ့ရဲ့ ပရိသတ်တွေကြားမှာ တော်တော်လေး ဂယက်ရိုက်ခဲ့ပြီး ၂၀၁၃ ခုနှစ်မှာတော့ သူဟာ ၂၀၀၉ ခုနှစ်ကတည်းက လက်ထပ်ခဲ့ပြီးဖြစ်တယ်လို့် ပြန်လည်ပြောဆိုခဲ့ပါတယ်။
အဲ့ဒီနောက် ၂၀၁၃ ခုနှစ်တုန်းက မီဒီယာတခုရဲ့ အမေးကို ပြန်လည်ဖြေကြားရာမှာတော့ သူလက်ထပ်ခဲ့တဲ့ခုနှစ်ကို မမှတ်မိတဲ့အကြောင်း ပြန်လည်ရှင်းလင်းခဲ့ပြီး အဲ့ဒီကိစ္စအကြောင်း ပရိသတ်ရှေ့မှာ ဝန်ခံရမှာ အရမ်းရှက်မိတယ်လို့ဆိုပါတယ်။
ဒါ့အပြင် ကလေးတွေရဲ့ မွေးနေ့ကို သူတို့နှစ်ဦးရဲ့ မွေးနေ့နဲ့ ချိန်ညှိဖို့ ဇနီးကို ခွဲစိတ်ရက်ကို လိုချင်တဲ့ရက် အတိအကျ ဖြစ်အောင် အတင်းအကျပ် လုပ်ဆောင်ခဲ့တယ်ဆိုတဲ့ စွပ်စွဲချက်တွေကိုတော့ ငြင်းဆိုခဲ့ပါတယ်။ သမီးလေးဖြစ်တဲ့ Xinyi ဟာ မင်းသား Wu ရဲ့ မွေးနေ့ ဖြစ်တဲ့ အောက်တိုဘာလ ၁၀ ရက်နေ့နဲ့ သားလေးဖြစ်တဲ့ Max ဟာ ဇနီး Lin ရဲ့ မွေးနေ့ဖြစ်တဲ့ အောက်တိုဘာလ ၁၁ ရက်နေ့မှာ မွေးဖွားခဲ့ကြတာဖြစ်ပါတယ်။
Ref: straitstimes
You may also like these stories:
HBO Max ကနေ “Gone with the Wind” ရုပ်ရှင် ဖယ်ရှားခံရ
လိင်ပြောင်းအမျိုးသမီးတွေဟာလည်း အမျိုးသမီးတွေပဲလို့ Daniel Radcliffe ပြော
အသားဖြူဝင်းအောင် ပြုလုပ်မှုကို ထောက်ခံတဲ့ ဘောလိဝုဒ် အနုပညာရှင်များ ဝေဖန်ခံရ
The post လက်ထပ်အပြီး ၁၆ နှစ်ကြာမှ မင်္ဂလာပွဲပြုလုပ်ခဲ့တဲ့ မင်းသား Wu Chun appeared first on ဧရာဝတီ.
