“သူစိမ်းအိမ်” ရုပ်ရှင်ဇာတ်ကားမှာ “မြ” ဆိုတဲ့ ကာရိုက်တာနဲ့ ပရိသတ်တွေရဲ့အားပေးမှု ရရှိခဲ့တဲ့ ကူးကူးဇင်အောင်ကတော့ မကြာခင် ဇာတ်လမ်းတွဲ အသစ်တခုမှာ ထပ်တွေ့ရဦးမယ်လို့ သိရပါတယ်။

“ကူးက “I can see you” ဆိုတဲ့ ဇာတ်လမ်းတွဲလေး ရိုက်ထားတယ်။ သိပ်မကြာခင်မှာ ကြေညာပါတော့မယ်။ ကြေညာပြီးတော့ Cookie App မှာ ထုတ်လွှင့်မယ်လို့လည်း သိရပါတယ်။ သိပ်မကြာခင် လပိုင်းမှာ ကြည့်ရှုအားပေးကြပါဦး” လို့ ကူးကူးဇင်အောင်က ပြောပါတယ်။

ဒီဇာတ်လမ်းတွဲကတော့ ဝိညာဉ်ကားဖြစ်တာကြောင့် သရဲမလေးလို့ ထပ်ခေါ်ဦးမလားဆိုတာကိုလည်း ရင်ခုန်နေတယ်လို့ ဆိုပါတယ်။

“ဒီကားရဲ့ပုံစံကတော့ ကောင်လေးနဲ့ ကောင်မလေးရဲ့ ဝိညာဉ်ပုံစံမျိုးလေးတွေ ပါတယ်။ ဘဝမတူတဲ့ ပုံစံမျိုးလေးတွေပေါ့။ နည်းနည်းတော့ ထူးထူးဆန်းဆန်းလေး ဖြစ်တာပေါ့။ ရင်ခုန်ပါတယ်။ ဒီကားက သူစိမ်းအိမ်ပြီးတော့ ဒုတိယကားလည်း ဖြစ်တယ်။ ပြီးတော့ သူစိမ်းအိမ်ပြီးတော့ ကူးကိုတော်တော်များများက သရဲမလေးလို့ ခေါ်ကြတယ်”

“ဒီကားကလည်း ဝိညာဉ်ကားဆိုတော့ သရဲမလေးပဲ ထပ်ခေါ်မှာလားဆိုတာ ရင်ခုန်ပါတယ်။ ဒီကားလေးက ချစ်ဖို့ ကောင်းတယ်။ လူငယ်ဇာတ်လမ်း၊ ဇာတ်လမ်းလေးကလည်း ဆန်းတယ်။ ရင်ခုန်နေပါတယ်” လို့ ကူးကူးဇင်အောင်က ပြောပါတယ်။

အခုလိုရိုက်ကူးရေး အားလပ်တဲ့အချိန်မှာတော့ သရုပ်ဆောင်ကောင်းတယောက်ဖြစ်ဖို့ လေ့လာဖြစ်နေတယ်လို့ ဆိုပါတယ်။

“သရုပ်ဆောင်ကောင်း တယောက် ဖြစ်ဖို့အတွက်တော့ အမြဲတမ်း လေ့လာနေရတာပဲပေါ့။ အမြဲတမ်း ဒီအရာကို၊ ဒီအလုပ်ကို ချစ်လည်းချစ်တယ်၊ တန်ဖိုးလည်းထားတယ်ဆိုတော့ အမြဲတမ်းတော့ လေ့လာဖြစ်ပါတယ်။ ရိုက်ကူးရေး ရှိရှိ၊ မရှိရှိ သင်ယူစရာတွေ ရှိတယ်ဆိုရင် ရုပ်ရှင်တွေ ကြည့်တယ်။ စာအုပ်တွေ ဖတ်တယ်။ အဲ့လိုအရာတွေကနေ လေ့လာ ဖြစ်ပါတယ်” လို့ ကူးကူးဇင်အောင်က ပြောပါတယ်။

ပရိသတ်တွေနဲ့ နီးစပ်စေဖို့အတွက်လည်း တပတ်တခါ Live လွှင့်ပြီးစကားပြောဖြစ်တယ်လို့ သိရပါတယ်။

“အခုတလော ပုံလေးတွေ တင်ဖြစ်နေတယ်။ Live လွှင့်နေကျလူ မဟုတ်ပေမယ့် ဒီရက်ပိုင်းမှာတော့ တပတ်တခါလောက် လွှင့်နေတာ ၂ ခါလောက် ရှိပြီ။ ပရိသတ်နဲ့ ပိုပြီးတော့ နီးကပ်လာတယ်။ ကူးလည်း ပိုပြီးတော့ သုံးဖြစ်လာတယ်။ Live လွှင့်ပြီး စကားပြောရင် တရင်းတနှီးလည်း ပိုဖြစ်တယ်” လို့ ကူးကူးဇင်အောင်က ပြောပါတယ်။

ကူးကူးဇင်အောင်ကတော့ ဒါရိုက်တာ ထူးပိုင်ဇော်ဦးရိုက်ကူးတဲ့ “Yangon In Love” ဆိုတဲ့ ရုပ်ရှင်ဇာတ်ကားကို ရိုက်ကူးရင်း ကိုဗစ်ကာလကြောင့် ရပ်နားခဲ့ရတာဖြစ်ပြီး “လရဲ့အောက်ဘက် မိုင်အဝေးမှာ” ရုပ်ရှင်ဇာတ်ကားကိုတော့ ရိုက်ကူးခဲ့ပြီး ဖြစ်ပါတယ်။

သရုပ်ဆောင် ကူးကူးဇင်အောင်ကတော့ မကြာခင်မှာ “ဝဿန်ရုပ်ရှင်ပွဲတော်” ရဲ့ ၁၀ နှစ်ပြည့်ပွဲအတွက်လည်း သရုပ်ဆောင်ကြေး မယူဘဲ အခမဲ့ ပါဝင်သရုပ်ဆောင်ပေးမယ်လို့ သိရပါတယ်။

You may also like these stories:

နာမည်ကျော် ကိုရီးယားမင်းသား ၃ ဦးရဲ့ ဒရာမာအသစ်များ အောင်မြင်မှု မရ

ကမ္ဘာ့အခက်ခဲဆုံး ခရီးကြမ်း ပြိုင်ပွဲကို Amazon Prime မှ ပြသမည်

“အသက်ကြီးလာလို့ တခြားအလုပ်လုပ်ဖို့ မစဉ်းစားတော့ဘူး”လို့ မလုံးတင် ပြော

The post ဇာတ်လမ်းတွဲအသစ်တခုမှာ မြင်ရဦးမယ့် ကူးကူးဇင်အောင် appeared first on ဧရာဝတီ.

မြန်မာနိုင်ငံမှာ COVID-19 ရောဂါ ဖြစ်ပွားမှုများကြောင့် ၂ လလောက် အိမ်မှာ နေခဲ့ရတဲ့ သရုပ်ဆောင် လူမင်းကတော့ ဒီကာလမှာ မိသားစုကို အချိန် ပိုပေးဖြစ်တယ်လို့ ဆိုပါတယ်။

“ကျနော့် တသက်မှာ အချိန် ၂ လကျော်လောက် အိမ်ထဲက အိမ်ပြင်မထွက်ဘဲ မနေဖူးဘူး။ အခုလို နေဖြစ်တော့ မိသားစုကို အချိန်တွေ ပိုပေးဖြစ်တယ်။ ကလေးတွေကို အာရုံ ပိုစိုက်ဖြစ်တယ်။ စာတွေ၊ လေ့ကျင့်ခန်းတွေ၊ ကျန်းမာရေး လေ့ကျင့်ခန်းတွေ ဘုရားစာတွေကအစ အကုန်သင်ပေးဖြစ်တယ်”လို့ လူမင်းက ပြောပါတယ်။

မကြာခင် ကျောင်းတွေ ပြန်ဖွင့်တော့မယ့် သတင်းတွေနဲ့ ပတ်သက်ပြီးတော့လည်း လူမင်းက ကလေးတွေကို ရောဂါ အခြေအနေပေါ် မူတည်ပြီး ကျောင်းလွှတ်သင့်၊ မသင့် စဉ်းစားရမယ်လို့ ဆိုပါတယ်။

“ကျနော့် ကလေးတွေကျောင်းက မဖွင့်သေးဘူး။ မပိတ်ခင်မှာတော့ အဝေးရောက် သင်ကြားမှုနဲ့ပဲ ဖြတ်သန်းခဲ့ကြတယ်။ ပြန်ဖွင့်ရင်တော့ ဒီရောဂါ အခြေအနေပေါ်ကြည့်ပြီး ကျောင်းလွှတ်သင့်၊ မလွှတ်သင့်၊ ဘယ်လောက်ထိ လုံခြုံစိတ်ချမလဲဆိုတဲ့ အပေါ်မှာပဲ ကျနော်တို့ စဉ်းစားရမှာပေါ့။ ကိုဗစ်ကာလမှာတော့ ကလေးတွေနဲ့ အတူတူ နေဖြစ်သွားတယ်”လို့ လူမင်းက ပြောပါတယ်။

ပညာရေး သင်ရိုးညွှန်းတန်းတွေမှာ Sex Education နဲ့ ပတ်သက်ပြီး သင်ရိုးတခု ထပ်တိုးလာမယ့်အပေါ်လည်း အခုလို ပြောပါတယ်။

“ဒီ ခေါင်းစဉ်က ကြည့်ပြီးပြောရင်တော့ ၂ မျိုး ရှိတယ်။ သူ့အရွယ်နဲ့ သိသင့်သိထိုက်တဲ့ Education မျိုးပေါ့။ အရွယ်နဲ့ လိုက်တယ် သိသင့်သိထိုက်တဲ့ Education မျိုးတော့ ပေးကို ပေးရမယ်။ ဒါဟာ နှိုးဆွ၊ မြူဆွယ်တဲ့ဟာ မဟုတ်ဘူးဆိုတာကို နားလည်ရင်တော့ သင်သင့်ပါတယ်”

“ခေါင်းစဉ်က ၂ မျိုးဖြစ်နေလို့သာ ငြင်းခုန်နေကြတာ။ ကျနော့် အထင်ကတော့ ခေါင်းစဉ်က နှိုးဆွ မြူဆွယ် ဖြားယောင်းတဲ့ သင်ခန်းစာမဟုတ်ဘူး။ သူ့အရွယ်နဲ့ သိသင့်သိထိုက်တဲ့ မဖြစ်မနေ သိရမယ့် အကြောင်းအရာကို သင်ကြားပေးခြင်း ဆိုတာမျိုးတော့ ရှိသင့်တာပေါ့”လို့ လူမင်းက ပြောပါတယ်။

သရုပ်ဆောင် လူမင်းနဲ့ ခင်စံပယ်ဦးတို့ ဇနီးမောင်နှံကတော့ သားတယောက် သမီးတယောက်နဲ့ သာယာတဲ့ အိမ်ထောင်ရေးကို ပိုင်ဆိုင်ထားပါတယ်။ လူမင်းက လက်ရှိမှာ “အောင်ဆန်း” ရုပ်ရှင်ကို ကိုယ်တိုင်ဒါရိုက်တာလုပ်ပြီး ရိုက်ကူးလျက် ရှိပါတယ်။ ကိုဗစ်ကာလဖြစ်တာကြောင့် ရိုက်ကူးရေးကိုလည်း ခဏ ရပ်နားထားတယ်လို့ သိရပါတယ်။

You may also like these stories:

ဂဠုန်ဦးစော ဇာတ်ရုပ် လူပြောင်းတဲ့အကြောင်း ပြောပြတဲ့ လူမင်း

“နောက်တက်မယ့် ဥက္ကဋ္ဌကို ပြတ်ပြတ်သားသား လုပ်တဲ့သူမျိုး ဖြစ်စေချင်တယ်”

ဇာတ်ဝင်ခန်းမှာ စကားမှားပြောတာကို Troll နေကြတဲ့အပေါ် စိတ်မဆိုးတဲ့ လူမင်း

The post “အခြေအနေပေါ် မူတည်ပြီး ကလေးတွေ ကျောင်းလွှတ်သင့်၊ မသင့် စဉ်းစားမယ်” appeared first on ဧရာဝတီ.

လတ်တလော လူမှုကွန်ရက် စာမျက်နှာမှာ ဝေဖန်မှု မြင့်တက်နေတဲ့ သရုပ်ဆောင် ချစ်သုဝေရဲ့ ဖခင်ဖြစ်သူ ရေးဆွဲထားသော နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ရဲ့ ပုံတူပန်းချီကားနဲ့ပတ်သက်ပြီး ချစ်သုဝေက အခုလို ပြန်လည် ဖြေရှင်းခဲ့ပါတယ်။

“ကျမ ဖေဖေ ရေးဆွဲသော ပန်းချီတခုနဲ့ ပတ်သက်ပြီး အနည်းငယ်ပြောဖို့ ရှိလာပါတယ်။ အဲဒီနေ့က လူထုခေါင်းဆောင် အမေ့မွေးနေ့ ကျမ ဖေဖေက မွေးနေ့ပန်းချီကားတချပ် ဆွဲထားလို့ ဖေဖေ့အိမ်ကို သွားပါတယ်။ ရည်ရွယ်ချက်က ကျမတို့ ပန်းချီကားနဲ့ အမှတ်တရ မွေးနေ့ ဆုမွန်တောင်းဖို့ပါ။ ရိုးရိုးသားသားပြောရရင် ဖြစ်ကြောင်းကုန်စင်က ဒီလောက်ပါပဲ” လို့ ချစ်သုဝေက ပြောထားပါတယ်။

ချစ်သုဝေ ကိုယ်တိုင်လည်း ပန်းချီကားနဲ့ ပတ်သက်ပြီး အားနည်းချက် ရှိတာကြောင့် ဖခင်ဖြစ်သူကို အကြံဉာဏ် မပေးနိုင်ခဲ့ဘဲ ဖခင်ဖြစ်သူကလည်း ဇွန်လ ၂၁ ရက်နေ့က တောင်းပန်ထားတယ်လို့ ဆိုပါတယ်။

“ဒီပန်းချီကားနဲ့ ပတ်သက်ပြီး ကျမမှာ အားနည်းချက်တခု ရှိခဲ့ပါတယ်။ ဥဏ္ဏလုံ မွှေးရှင်တော်နဲ့ ပတ်သက်ပြီး ပန်းချီကားထဲ ထည့်ဆွဲသင့် ၊ မသင့်ကိုတော့ ကျမ ဖေဖေကို အကြံဉာဏ် မပေးနိုင်ခဲ့ပါ။ ဘာကြောင့်လဲဆိုရင် ကျမ လုံးဝမကြားဖူးလို့ဟုသာ အမှန်အတိုင်း ဝန်ခံပါသည်”

“ဥဏ္ဏလုံမွှေးရှင်တော် သင်္ကေတအနက် အဓိပ္ပာယ်ကို ကျမအခုမှပင် ဆရာတော်တွေကိုလျှောက် လူကြီးတွေကို မေးလုပ်ရပါတယ်။ ဒါနဲ့ပတ်သက်ပြီးလည်း ကျမ ဖေဖေမှ ဆရာတော်ကြီးအား လျှောက်ထားမေးမြန်း၍ သိရှိနားလည်ကာ လေ့လာမှု ချို့ယွင်းချက်ကြောင့်သော်လည်းကောင်း၊ နားလည်မှု လွဲမှား၍သော်လည်းကောင်း ဇွန်လ ၂၁ ရက်နေ့က တောင်းပန်ထားပါတယ်” လို့ ချစ်သုဝေက ဆိုထားပါတယ်။

ဗုဒ္ဓဘာသာအပေါ် မလေးမစား စော်ကားတယ်ဆိုတဲ့ ထင်မြင်ချက်များအပေါ်လည်း ချစ်သုဝေက အခုလို ပြောပါတယ်။

“ဖေဖေနဲ့ ကျမ ခင်ပွန်းသည် ကိုးကွယ်တဲ့ ဗုဒ္ဓဘာသာအပေါ် ကျမက မလေးမစား စော်ကားတယ်ဆိုတဲ့ ထင်မြင်ချက်အချို့နဲ့ ပတ်သက်ပြီး အခုထိ ကျမ နားမလည်နိုင်သေးပါ။ ကျမတို့မိသားစု အလှူ၊ ဘုရားကျောင်းဆောင်၊ မုခ်ဦး၊ တန်ဆောင်း၊ ကထိန်အလှူများ ဖော်ပြ၍လည်း မရှင်းပြချင်ပါ။ အဲဒီ အလှူတွေဟာ သဒ္ဒါ၍ လှူချင်လို့ လှူခဲ့ခြင်း ဖြစ်ပါသည်။ ထိုအလှူများရဲ့ မှတ်တမ်းမှတ်ရာ ဓာတ်ပုံများစွာလည်း ဒီလူမှုကွန်ရက်ပေါ်မှာ ရှိပါတယ်” လို့ ချစ်သုဝေက ရှင်းပြထားပါတယ်။

ဆက်လက်ပြီး “ကျမသည် ခရစ်ယာန် ဘာသာဝင် ဖြစ်ပါသည်။ ကျမရဲ့ဇာတိ အမိနိုင်ငံသည် ဗုဒ္ဓသာသနာထွန်းကားရာ မြန်မာနိုင်ငံ ဖြစ်ပါသည်။ ကျမဖေဖေနှင့် ကျမ ခင်ပွန်းသည် ဗုဒ္ဓသာသနာကို ဆည်းကပ် ပူဇော်သည်။ ကျမ မယ်သီလရှင် မဝတ်ပါ။ သို့သော် ဦးဇင်းဆရာတော်များနှင့် မယ်သီလရှင်ဆရာလေးများကိုတော့ ရှိခိုးကန်တော့ပါသည်”

“ဘာကြောင့် ကန်တော့လဲဟုမေးလျှင် လေးစားကြည်ညို၍ဟုသာ ဖြေပါမည်။ ဒီလိုကန်တော့လို့ ကျမနှင့် ဘာသာတူအချို့မှ ပြောဆိုမှုများရှိရင်လည်း ချစ်ခြင်း၊ မုန်းခြင်း မဖြစ်ပါ။ ကိုလင်းပြောသော စကားတခွန်းကို အမြဲမှတ်ထားသည်။ “လူတဦးချင်း တယောက်ချင်းဟာ သူ့ရဲ့ဘာသာရေးနဲ့ပတ်သက်ရင် သူ့နှလုံးသားမှာ ကိန်းဝပ်နေရင်ပြီးတာပဲ”

“တရားတွေကို လုပ်နိုင်၊မလုပ်နိုင် ကတော့ ဘဝကြီးထဲမှာ သူဘယ်လိုရပ်တည် ရှင်သန်မလဲ အပေါ်မှာ မူတည်တာပဲ”တဲ့။ ကိုလင်းရဲ့ ဒီစကားကြောင့် ကျမရဲ့ဘာသာတရားအပေါ်လည်း ပိုမိုယုံကြည်ခိုင်မာလာသလို တပါးသူ၏ ဘာသာတရားအပေါ်လည်း လေးစားမှု ပိုမိုခဲ့ပါသည်။ အားလုံး စိတ်နှလုံးချမ်းမြေ့ပါစေ”လို့ ချစ်သုဝေက ဆိုထားပါတယ်။

ဒီအကြောင်းအရာတွေကိုတော့ ချစ်သုဝေက သူ့ရဲ့ လူမှုကွန်ရက် Facebook အကောင့်ကနေ တဆင့် လူအများ အထင်လွဲနေသည့် ကိစ္စရပ်အပေါ် ပြန်လည် ဖြေရှင်းထားခြင်းပဲ ဖြစ်ပါတယ်။

အဆိုပါ ဒေါ်အောင်ဆန်းစုကြည်ပုံ ဆွဲထားတဲ့ ပန်းချီကားနဲ့ ပတ်သက်ပြီး ချစ်သုဝေနဲ့ သူမရဲ့ဖခင်ဖြစ်သူတို့အား အမျိုးသားရေးအဖွဲ့ရှေ့နေ ဦးအေးပိုင်မှ သင်္ဃန်းကျွန်းမြို့နယ် တရားရုံးသို့ ဦးတိုက်လျှောက်ထားကာ တရားစွဲဆိုထားတယ်လို့ သိရပါတယ်။

You may also like these stories:

ကိုရိုနာဗိုင်းရပ်စ် ကူးစက်ရောဂါ ကာကွယ်ဖို့ အကြံပေးစကား ပြောခဲ့တဲ့ ချစ်သုဝေ

မြန်မာ ပန်းချီပညာရှင်များကို ဒေါ်အောင်ဆန်းစုကြည် ချီးကျူး

The post ဖခင်ဖြစ်သူရဲ့ ပန်းချီကားနဲ့ ပတ်သက်ပြီး ရှင်းပြခဲ့တဲ့ ချစ်သုဝေ appeared first on ဧရာဝတီ.

COVID-19 ကပ်ရောဂါကာလမှာ စားဝတ်နေရေး ခက်ခဲနေတဲ့ ဇာတ်ပို့၊ ဇာတ်ရံ သရုပ်ဆောင်များကို မြန်မာနိုင်ငံ ရုပ်ရှင်အစည်းအရုံးနဲ့ တတ်နိုင်တဲ့သူများက လှူပေးနေတဲ့အပေါ် ဝမ်းသာမိတယ်လို့ ဇာတ်ပို့ သရုပ်ဆောင် မောင်မောင်မျိုးသန့်က ပြောပါတယ်။

“COVID-19 ကပ်ရောဂါ ဖြစ်ပွားနေတော့ အလုပ်မလုပ်ရဘဲ ထိုင်နေရတာ ကြာပြီလေ။ စားဝတ်နေရေးအတွက်တော့ အခက်အခဲတွေ ရှိပါတယ်။ ဒါပေမဲ့ မကြာမကြာ အထောက်ပံ့လေးတွေတော့ ရပါတယ်။ အဲ့လိုရတော့ ဝမ်းသာပါတယ်။ အနုပညာလောကသား အကုန်လုံး အဆင်မပြေ ဖြစ်နေကြတာ။ အနုပညာသမားသာ ဖြစ်နေကြတာ၊ ဆင်းရဲသူတွေ အများကြီး ရှိပါတယ်”

“ရုပ်ရှင်အစည်းအရုံးက ဆန်တွေ၊ ဆီတွေ လှူတော့ တော်တော် အဆင်ပြေတာပါ။ အတိုင်းထက်အလွန် ဝမ်းသာမိပါတယ်။ ကိုယ့်အနုပညာသမားတွေကို ပံ့ပိုးကူညီပေးနေတဲ့သူတွေကို ကျေးဇူးလည်း တင်တယ်”လို့ မောင်မောင်မျိုးသန့်က ပြောပါတယ်။

အသက်အရွယ် ရလာတာကြောင့် အိုပယ်တွေလို ဖြစ်လာပြီလို့ မောင်မောင်မျိုးသန့်က ဆိုပြီး နောက်ပိုင်းလူငယ်တွေက ကြိုးစားကြသလို ထိုးဖောက်နိုင်ကြတယ်လို့ ဆိုပါတယ်။

“ကျနော် အသက်လေးလည်း ရပြီဆိုတော့ တချိန်တုန်းက ဘယ်လောက်နေရာ ရခဲ့ရခဲ့ ကိုယ့်နေရာကို အစားထိုး ဝင်ရောက်လာတဲ့ လူငယ်ပိုင်းတွေ အများကြီး ပေါ်ပေါက်လာပြီ။ တော်လည်း တော်ကြတယ်။ ထိုးလည်း ထိုးဖောက်နိုင်ကြတယ်။ ကြိုးလည်း ကြိုးစားကြတယ်။ ကိုယ်လည်း ရသင့်ရထိုက်တဲ့ နေရာလေးတွေ ရကြတယ်။ ကျနော်တို့ လူဟောင်းတွေက ဖယ်ပေးရမှာပဲလေ”

“အချိန်တန် သူတို့နေရာ ရလာကြတော့ ကျနော်တို့က အိုပယ်တွေလို ဖြစ်လာတယ်။ လုပ်တာက လုပ်ချင်စိတ် ရှိပေမယ့် ခေါ်ချင်တဲ့သူကလည်း ကိုယ်နဲ့ ဘယ်လောက်ပဲ ရင်းနှီးရင်းနှီး ဒီဇာတ်လမ်းနဲ့ ပတ်သက်လို့ ဝိတ်အင်အားတွေ အများကြီး လိုချင်ကြတယ်။ ဘယ်မှာပဲ ပေါ်ပြုလာ ဖြစ်လာတဲ့သူတွေကို သူတို့တွေက ကမ်းလှမ်းကြတယ်”လို့ မောင်မောင်မျိုးသန့်က ပြောပါတယ်။

ဆက်ပြီး “သူတို့ နာမည်ဝိတ်တွေကိုလည်း ဒီဇာတ်ကားမှာ လိုချင်တာ ဖြစ်တာကြောင့် သူတို့တွေနဲ့ ရိုက်ကြတယ်။ နိုင်ငံခြားက ရိုက်ကြတာမျိုးတွေ ရှိတော့ ကျနော်တို့က တဖြည်းဖြည်း ဘေးရောက်လာကြတယ်။ အဲ့တော့ ကျနော်တို့မှာ လုပ်စားစရာ မရှိတော့ဘူး”လို့ ဆိုပါတယ်။

ဇာတ်ကားတွေ ရိုက်ကူးဖို့လည်း မျှော်လင့်နေသေးတယ်လို့ မောင်မောင်မျိုးသန့်က ဆိုပါတယ်။

“ကျနော်တို့ကို Channel တွေက ခေါ်ရိုက်ပေမယ့် Daily ပဲ ရိုက်ရတာပေါ့။ အရင်လို ကန်ထရိုက်ပေးရိုက်တာ မဟုတ်တော့ဘူးပေါ့။ အလုပ်လေး လုပ်နေရတယ်ဆိုတဲ့ ဂုဏ်ပဲ ရှိတာပေါ့။ တော်တော်လေးတော့ ချို့ချို့တဲ့တဲ့နဲ့ ကိုယ့်ကို အလုပ်ပေးများ ပေးမလားလို့ လာမယ့် အလုပ်ကို မျှော်လင့်နေတုန်းပါပဲ။ အခုကာလမှာ အကုန်လုံးက ကျပ်တည်းနေကြတာဆိုတော့ ရိုက်ရဖို့တော့ မျှော်လင့်နေပါသေးတယ်”လို့ ပြောပါတယ်။

သရုပ်ဆောင် မောင်မောင်မျိုးသန့်ကတော့ ယခင်ကတည်းက ရုပ်ရှင်နဲ့ ဗီဒီယို ဇာတ်ကားပေါင်းများစွာမှာ ဇာတ်ပို့၊ ဇာတ်ရံ တဦးအနေနဲ့ ပါဝင် သရုပ်ဆောင်ခဲ့သူ ဖြစ်ပါတယ်။

You may also like these stories:

“အသက်ကြီးလာလို့ တခြားအလုပ်လုပ်ဖို့ မစဉ်းစားတော့ဘူး”လို့ မလုံးတင် ပြော

အနုပညာသက် ၆၀ ကျော်ပေမယ့် အကယ်ဒမီ မရသေးတဲ့ ဒေါ်စန်းစန်းဝင်း

“အနုပညာအလုပ်က အသက်ကြီးရင် အာမခံချက် မရှိဘူး”

The post “အနုပညာသမားဖြစ်ပေမယ့် ဆင်းရဲသူတွေ အများကြီး ရှိတယ်” appeared first on ဧရာဝတီ.

ကမ္ဘာတဝှမ်း ကိုရိုနာဗိုင်းရပ်စ် ကူးစက်မှုတွေကြောင့် နေထိုင်မှု ဘဝပုံစံတွေ ပြောင်းလဲလာခဲ့ကြသလို၊ ဒီအခြေအနေအတွင်းမှာ ပုံမှန်လုပ်နေကျ အရာတွေကနေ ကွဲထွက်ပြီး ဆန်းသစ်တဲ့ အရာတွေနဲ့လည်း ထိတွေ့လာခဲ့ကြရပါတယ်။

ကိုဗစ်အလွန် ပြောင်းလဲလာတဲ့ လူမှုပုံစံတွေထဲက တခုကတော့ ကမ္ဘာပေါ်မှာ ပရိသတ်တွေ အများဆုံးကို ဖမ်းစားထားနိုင်တဲ့ အနုပညာ နယ်ပယ်ကလည်း သူတို့ရဲ့ လှုပ်ရှားမှုပုံရိပ်တွေကို ကန့်သတ်ချက်တွေကြားကနေ အိမ်ထဲအရောက် ဖျော်ဖြေ တင်ဆက်မှုတွေ ပြုလုပ်လာကြပါပြီ။

တောင်ကိုရီးယားနိုင်ငံရဲ့ ထိပ်တန်းအေဂျင်စီဖြစ်တဲ့ SM နဲ့ Naver တို့ပူးပေါင်းပြီး Live video streaming service တခုဖြစ်တဲ့ V Live ကနေတဆင့် ပထမဆုံးအကြိမ် အခပေး Online Concert (အွန်လိုင်း ဖျော်ဖြေပွဲ) ကို ဧပြီလ အတွင်းက ပြုလုပ်ခဲ့ပါတယ်။

SM ရဲ့ “Beyond Live” ခေါင်းစဉ်အောက်ကနေ Super M အဖွဲ့ ဖျော်ဖြေပွဲကို နိုင်ငံတကာ ပရိသတ်ပေါင်း ၇ သောင်းခွဲကျော် V Live ကတဆင့် ကြည့်ရှု အားပေးခဲ့ကြပါတယ်။ နိုင်ငံ တနိုင်ငံနဲ့တနိုင်ငံ ခရီးသွားလာခွင့်တွေ ကန့်သတ်ထားချိန်မှာ အခုလို အွန်ုလိုင်းကတဆင့် ကြည့်ရှု ခံစားနိုင်မယ့် ဖျော်ဖြေပွဲတွေဟာ ပရိသတ်တွေရဲ့ အာရုံစိုက်မှုကို အပြည့်အဝ ရခဲ့ပါတယ်။

ဧပြီလ ၂၆ ရက်က ကျင်းပခဲ့တဲ့ ဖျော်ဖြေပွဲကို ရုပ်လုံးကြွ 3D ပုံရိပ်တွေနဲ့ မြင်တွေ့ခဲ့ရသလို ပရိသတ်တွေကလည်း အနုပညာရှင်တွေနဲ့အတူ Comment ကတဆင့် အချိန်နဲ့ တပြေးညီ တချိန်တည်းမှာပဲ စကားတွေ အပြန်အလှန် ပြောဆိုခွင့် ရခဲ့ပါတယ်။

၂ နာရီကြာမြင့်တဲ့ Super M ဖျော်ဖြေပွဲကို နိုင်ငံပေါင်း ၁၀၉ နိုင်ငံက ပရိသတ် ၇ သောင်းခွဲကျော်ကြည့်ရှုခဲ့ကြပြီး လက်မှတ် ဈေးနှုန်းကတော့ အမေရိကန်ဒေါ်လာ ၂၇ (တောင်ကိုရီးယားဝမ် ၃၃,၀၀၀) ကျသင့်ပါတယ်။

SM ကနေ ပထမဆုံးအကြိမ် စတင်ခဲ့တဲ့ Online live streaming ဖျော်ဖြေပွဲနောက်ပိုင်း နာမည်ကျော် K-pop အဖွဲ့ ဖြစ်တဲ့ BTS ကလည်း ဇွန် ၁၄ ရက်မှာ “Bang Bang Con: The Live” ကို Online live concert အနေနဲ့ ဖျော်ဖြေသွားခဲ့ပါတယ်။

SM ကနေ နောက်ထပ် NCT 127, TVXQ နဲ့ Super Junior အဖွဲ့တွေရဲ့ ဖျော်ဖြေပွဲကိုလည်း ဆက်လက်ကျင်းပပေးခဲ့ပါတယ်။ တောင်ကိုရီးယားနိုင်ငံက စတင်အခြေပြုခဲ့တဲ့ Online live concert တွေရဲ့ အကျိုးဆက်ကြောင့် ထိုင်းနိုင်ငံရဲ့ နာမည်ကြီး ရုပ်သံထုတ်လွှင့်ရေး အေဂျင်စီတခုဖြစ်တဲ့ GMM tv က လည်း သူတို့ရဲ့ နာမည်ကျော် ထိုင်းအနုပညာရှင်တွေနဲ့ Global Live Fanmeeting ကျင်းပခဲ့ပါတယ်။

အနုပညာရှင်တွေဟာ သူတို့ရဲ့ ကမ္ဘာတဝှမ်းက ပရိသတ်တွေကို Zoom နဲ့ V Live တို့ကတဆင့် အပြန်အလှန် တွေ့ဆုံခွင့်ရခဲ့ပါတယ်။ ပရိသတ်တွေထဲကမှ Lucky fan တွေကို ရွေးပြီး အနုပညာရှင်တွေနဲ့ အပြန်အလှန် စကားပြောခွင့်တွေပါ ရခဲ့ကြပါတယ်။ V Live ကတဆင့် ကြည့်ရှုသူတွေဟာ ၁၅၀၀ V coins (ထိုင်းဘတ်ငွေ ၉၀၀) ရှိရမှာဖြစ်ပါတယ်။

မြန်မာနိုင်ငံမှာဆိုရင်လည်း အဆိုတော် စိုင်းစိုင်းခမ်းလှိုင်က ဧပြီလအတွင်းမှာ သူ နှစ်စဉ် ကျင်းပနေကျ Birthday Show ကို အွန်လိုင်းကနေ ပြုလုပ်ခဲ့ပြီး အဲဒီ ဖျော်ဖြေပွဲကတဆင့် ရတဲ့ အလှူငွေများကိုလည်း COVID-19 ကုသရေး လုပ်ငန်းစဉ်တွေမှာ ပြန်လည် လှူဒါန်းခဲ့ပါတယ်။

Ref: South China Morning Post

The post ကိုဗစ်အလွန် ပြောင်းလဲလာတဲ့ ဖျော်ဖြေရေးကဏ္ဍ appeared first on ဧရာဝတီ.

မကြာခင် အခြေခံပညာ စာသင်ကျောင်းများ ဖွင့်လှစ်လာခဲ့ရင် ရောဂါအခြေအနေတွေ မတည်ငြိမ်သေးတာကြောင့် မိဘများက သားသမီးများကို ကျောင်းပို့ရမှာ စိုးရိမ်နေကြပါတယ်။ အဆိုတော် နီတာကလည်း ဒီလိုကာလမှာ သမီးတွေ ကျောင်းတက်ရမှာကို စိုးရိမ်တယ်လို့ ဆိုပါတယ်။

“ကျောင်းတွေ ပြန်ဖွင့်တော့မယ်ဆိုတော့ ကျောင်းတွေက ဘယ်လို ပုံစံ လုပ်မလဲဆိုတာတော့ မသိသေးဘူး။ သမီးတွေ တက်တဲ့ကျောင်းကလည်း ဆက်သွယ်တာတော့ မရှိသေးဘူး။ သမီးကြီးက ES4E မှာ တက်တယ်။ သမီးငယ်လေးကတော့ သာကေတထဲက အောင်ကောင်းကျော် အိမ်ရာမှာဖွင့်တဲ့ GYS မှာ တက်ပါတယ်။ သမီးတွေ ကျောင်းပြန်တက်ရမှာကိုတော့ စိုးရိမ်မှု ရှိပါတယ်”

“ကလေးတွေ ငယ်သေးတော့ အရမ်းနုနယ်သေးတယ်။ ခံနိုင်ရည်လည်း လူကြီးတွေလောက် မရှိဘူးဆိုတော့ အဲ့အတွက်ကြောင့် စိတ်ပူတဲ့အပိုင်းတော့ အများကြီး ရှိပါတယ်။ ကျောင်းတက်ရတော့မယ် ဆိုရင်လည်း ဘယ်လိုပုံစံနဲ့ တက်ရမယ်၊ သူတို့အတွက် ဘယ်လောက် လုံခြုံစိတ်ချရတယ်ဆိုတာကို ကြည့်ပြီး ကျောင်းပေးတက်ဖို့ ဆုံးဖြတ်ရမှာပါ။ ကျောင်းတနှစ် မတက်ဖို့ ဆိုတာလည်း အခြေအနေပေါ်မူတည်ပြီးမှပဲ ဆုံးဖြတ်မှာပါ”အဆိုတော် နီတာက ပြောပါတယ်။

ဆက်ပြီး နီတာက ဘယ်မိဘပဲဖြစ်ဖြစ် ဒီအချိန်မှာ အားလုံးက စိုးရိမ်နေကြတာမို့ အတတ်နိုင်ဆုံး ကာကွယ်ကြရမယ်လို့ ဆိုပါတယ်။

“ဘယ်ကလေးပဲဖြစ်ဖြစ်၊ ဘယ်ကလေးမိဘပဲဖြစ်ဖြစ် အကုန်လုံးကလည်း စိုးရိမ်မှုရှိကြမှာပါ။ ရောဂါက ကုသပေးဖို့လည်း ဆေးမရှိသေးဘူး။ အတတ်နိုင်ဆုံးတော့ ကာကွယ်ရမှာပဲ။ ကျနော် Positive ဖြစ်ချိန်တုန်းက ကလေးတွေ တယောက်မှ မကူးခဲ့တော့ ကလေးတွေက ရာခိုင်းနှုန်းအရဆိုရင် ကူးနိုင်ခြေ နည်းပါတယ်”

“ဒါပေမဲ့ ကလေးတွေက ပါးစပ်နဲ့ နှာခေါင်းတွေ နှိုက်တာတို့က အမြဲလုပ်တတ်တဲ့ အကျင့်ရှိကြတော့ အဲ့တာတော့ စိုးရိမ်စရာ ရှိတယ်။ ကလေးတွေ အများကြီးနဲ့ ဆော့ကြပြုကြ ဆိုတော့ စိးရိမ်စရာတော့ ရှိတယ်။ ကျောင်းတွေကလည်း ဘယ်လိုပုံစံနဲ့ သူတို့လုပ်မလဲ ဆိုတဲ့အပေါ် မူတည်ပြီး လိုက်နာဖို့နဲ့ အန္တရာယ်ကင်းဖို့ လုပ်ရမှာပေါ့”လို့ နီတာက ပြောပါတယ်။

ကိုဗစ် ဖြစ်နေချိန်မှာ သမီးတွေကို အချိန်ပေးဖြစ်အောင် ကြိုးစားတယ်လို့ နီတာက ဆိုပါတယ်။

“အခု သမီးလေးတွေနဲ့ ကျောင်းမဖွင့်သေးတော့ ကိုဗစ်ကာလလေးမှာ အချိန်တွေ ပေးဖြစ်တယ်။ သူတို့ပျော်အောင် ထားတယ်။ သူတို့ စားချင်တာ လိုက်ကျွေးတယ်။ သူတို့က ဂီတကို ဝါသနာပါတော့ သူတို့ကို ဂီတနဲ့ ပတ်သက်တာတွေ ပြောပြဖြစ်သလို သင်ပေးတယ်။ စတူဒီယိုခန်းထဲမှာ သူတို့ကလည်း ပျော်တယ်။ အခုတော့ သမီးတွေကို အချိန် အများကြီး ပေးနိုင်အောင် ကြိုးစားပါတယ်”လို့ နီတာက ပြောပါတယ်။

အဆိုတော် နီတာမှာတော့ သမီးနှစ်ယောက်ရှိပြီး သာယာတဲ့ မိသားစုကို ပိုင်ဆိုင်ထားပါတယ်။ နီတာဟာ မိသားစု စီးပွားရေးလုပ်ငန်း အနေနဲ့ “Honey 7” တံဆိပ် ကြက်အူချောင်း၊ ဝက်အူချောင်းတွေလည်း ရောင်းချနေပါတယ်။

The post သမီးတွေ ကျောင်းပြန်တက်ရမှာ စိုးရိမ်နေတဲ့ အဆိုတော် နီတာ appeared first on ဧရာဝတီ.

COVID-19 ကာလမှာ အနုပညာလုပ်ငန်းတွေ မလုပ်ရသေးတာကြောင့် စိတ်မလေအောင် စီးပွားရေးအနေနဲ့ ဟင်းချက် ရောင်းချနေတယ်လို့ သရုပ်ဆောင် ပွင့်က ဧရာဝတီကို ပြောပါတယ်။

“Stay home ကာလမှာ ဟင်းတွေ ချက်ရောင်းဖြစ်တယ်။ ပထမ လူနာတွေ့တာ များတုန်းက ကိုယ်တိုင်လည်း အရမ်းတုန်လှုပ်တော့ ဘာမှမလုပ်ဘဲ အိမ်ထဲမှာပဲ ဘုရားတရား ပိုလုပ်ဖြစ်တယ်။ လုပ်ငန်းတွေ နည်းနည်း ပြန်ပွင့်လာတော့ အိမ်မှာနေတာ စိတ်လေလာတယ်”

“စိတ်တွေ မလေအောင်လို့ ကိုယ်ဝါသနာပါရာ အလုပ်လေးလုပ်ရင်တော့ စိတ်မလေဘူးဆိုပြီး ပြီးခဲ့တဲ့ လကုန်လောက်ကစပြီး တပတ်ကို ၂ ရက် ဟင်းလေးတွေ ချက်ပြီး ရောင်းဖြစ်တယ်။ ရောင်းတာတော့ မနှစ်ကတည်းက ရောင်းနေတာပါ”လို့ ပွင့်က ပြောပါတယ်။

“မှာတဲ့သူတွေက နေ့တိုင်းကို စားချင်နေတာ။ ကိုယ်တိုင်က နေ့တိုင်း မလုပ်နိုင်ဘူး။ တယောက်တည်း သန့်သန့်ရှင်းရှင်း လုပ်တာဆိုတော့ တနိုင်ပဲ လုပ်တယ်။ ရောင်းတာတော့ အကုန်ရောင်းတယ်။ မုန့်ဟင်းခါး၊ ကြက်ကောက်ညှင်း၊ ကက်ကြေးကိုက်၊ ကြက်သားပလာတာ၊ နို့စိမ်းခေါက်ဆွဲ၊ နန်းကြီးသုပ်၊ ငချိတ်ပေါင်း၊ ဟင်းတွေရော မုန့်တွေရော အစုံရောင်းတယ်။ သန့်ရှင်းမှုပိုင်းရော၊ စေတနာရော ထည့်ချက်ပါတယ်။ နောက်က ကွာလတီကောင်းတဲ့ ပစ္စည်းတွေပဲ သုံးပါတယ်”လို့ ပွင့်က ပြောပါတယ်။

သရုပ်ဆောင် ပွင့်ကတော့ “အချစ်မြို့သူ” လို့ နာမည်ပေးပြီး အစားအသောက်တွေ ရောင်းချပေမယ့် သူနဲ့ တွဲမမြင်ကြတာကြောင့် “ဘေဘီပွင့်” လို့ နာမည်ပြောင်းဖို့ ရှိကြောင်းလည်း အခုလို ဆိုပါတယ်။

“အချစ်မြို့သူလို့ နာမည် ပေးဖြစ်တာက လူတိုင်းက အချစ်နဲ့ မကင်းကြဘူးလေ။ အဲ့အတွက် အချစ်မြို့သူလို့ ပေးတာ။ ဒါပေမဲ့ စားသုံးတဲ့ မိတ်ဆွေတွေ၊ စားနေကျသူကသာ ပွင့်နဲ့ အချစ်မြို့သူကို တွဲသိတာ တခြားသူတွေက ပွင့်နဲ့ တွဲမမြင်ဘူး။ ဘေဘီပွင့်လို့ ပေးပါလို့ ပြောနေကြတယ်။ ဒီရက်ထဲမှာတော့ ပြန်စဉ်းစားတယ်။ “ဘေဘီပွင့် Online Food” ဆိုပြီး ပြန်ပြောင်းဖို့တော့ လုပ်နေတယ်။ လောလောဆယ်တော့ အချစ်မြို့သူနာမည်နဲ့ သွားနေတယ်”လို့ ပွင့်က ပြောပါတယ်။

ဆက်လက်ပြီး ပွင့်က အခုလို အချက်အပြုတ် လုပ်တာဟာ ပေါ်ပင်လုပ်တာ မဟုတ်ဘဲ ဝါသနာအရ ကိုယ်တိုင် အစားအသောက်ပုံတွေ တင်ရင်း ရောင်းချဖြစ်ခဲ့တာလို့လည်း ဆိုပါတယ်။

“ပွင့်က မနှစ်ကတည်းက ဒီချက်ပြုတ်တာကို လုပ်နေတာ ပေါ်ပင်လုပ်တာလည်း မဟုတ်ဘူး။ ဝါသနာလည်း ပါတယ်။ ကိုယ်တိုင်က အစားအသောက်တွေ လုပ်စားရင် ပုံတွေ တင်တော့ တော်တော်များများကလည်း စားချင်တယ်။ သူငယ်ချင်းတွေကို ခေါ်ကျွေးတော့လည်း အလကားစားရတာ အားနာတယ်၊ ရောင်းပါဆိုတာနဲ့ စရောင်းလိုက်တာကနေ အခုချိန်ထိ ရောင်းဖြစ်သွားတာပါ။ အားပေးကြလို့ အရမ်းပျော်တယ်။ ပရိသတ်တွေနဲ့လည်း ရင်းရင်းနှီးနှီး ထိတွေ့ခံစားရတာကြောင့် ပျော်တယ်”လို့ ပွင့်က ဆိုပါတယ်။

ဟာသ သရုပ်ဆောင် ပွင့်ကတော့ ရုပ်ရှင်နှင့် ဗီဒီယို ဇာတ်ကားပေါင်းများစွာမှာ ပါဝင်သရုပ်ဆောင်ခဲ့ပြီး “ဘေဘီပွင့်” ဆိုတဲ့ တေးစီးရီးလည်း ထွက်ရှိထားပါတယ်။

The post ကိုဗစ်ကာလမှာ စိတ်မလေအောင် အစားအသောက်တွေ ချက်ရောင်းတဲ့ ပွင့် appeared first on ဧရာဝတီ.

မြန်မာသံစဉ် သီချင်းများနဲ့ ပရိသတ် အားပေးမှု ရရှိခဲ့တဲ့ တွံတေးစိုးအောင်က အနုပညာ ဝါသနာပါတဲ့ သားဖြစ်သူကိုလည်း တေးစီးရီးခွေ ထုတ်ပေးဖို့ ရှိတယ်လို့ ဧရာဝတီကို ပြောပါတယ်။

“ကျနော့်မှာ သားလေးတယောက် ရှိတယ်။ သူက ၁၉ နှစ်ပါ။ အိမ်နာမည်ကတော့ သီဟစိုးအောင်၊ အနုပညာ ဝါသနာပါတော့ သီဟစိုးအောင် နာမည်နဲ့ လိုင်းပေါ် သီချင်းလေးတွေ တင်ပေးတယ်။ တေးစီးရီးကိုတော့ မိုးမြင့်သူ နာမည်နဲ့ သီတင်းကျွတ်မှာ ထွက်ဖို့ လုပ်ပေးနေတယ်။ သားကိုလည်း မြန်မာသံလေးတွေ လေ့ကျင့်မှု တော်တော်များများ လုပ်ပေးတယ်”

“သူက မြန်မာသံဆိုတာ ဝါသနာပါတော့ အသံကို ရဲရဲဝံ့ဝံ့ ဆိုဖို့နဲ့ မကြောက်ဖို့ သင်ပေးရပါတယ်။ သားက လူငယ်ဆိုတော့ မြန်မာသံကိုပဲ နည်းနည်း မြူးကြွတဲ့အပိုင်း လုပ်ပေးထားပါတယ်။ သားအခွေအတွက် တခွေလုံး ရေးပေးဖြစ်တယ်။ ကျနော့်ကို အရင်ကတည်းက ပရိသတ်တွေက အားပေးကြတယ်။ ကျနော့်ရဲ့ သားလေး မိုးမြင့်သူကိုလည်း ဆက်လက် အားပေးပေးပါ”လို့ တွံတေးစိုးအောင်က ပြောပါတယ်။

ခေတ်တွေ ပြောင်းလဲလာတာကြောင့် မြန်မာသံစဉ်သီချင်း သီဆိုတဲ့သူတွေအပေါ်လည်း တွံတေးစိုးအောင်က အခုလို ဆိုပါတယ်။

“အခုက ခေတ်ပေါ်တွေကလည်း အများကြီးပဲ။ ကျနော်တို့ ကိုယ်တိုင်လည်း ခေတ်ပေါ်ကြိုက်ပါတယ်။ မြန်မာသံကို ဆိုတဲ့သူတွေလည်း တော်တော်လေး များကြပါတယ်။ တချို့က အသံတွေ အရမ်းကောင်းကြတယ်။ တချို့ကျလည်း ကီးမြင့်တာကို အော်ဆိုဖို့ ကြောက်တဲ့ သဘောလေးတွေ ရှိတယ်”

“လူငယ်တွေ မြန်မာသံဆိုရင် ရဲရဲဝံ့ဝံ့ ဆိုစေချင်တယ်။ ခေတ်တွေ ပြောင်းလာတော့ မြန်မာသံတွေက နည်းလာတယ်။ လူငယ်တွေဆိုတော့ အမြူးအကြွတွေပဲ ကြိုက်ကြတာပေါ့။ အဲ့ဘက်ကို ဆိုတဲ့သူ တော်တော် များတယ်။ လူငယ်တွေ မြန်မာသံစဉ် သီချင်းတွေလည်း ဆိုစေချင်တယ်”လို့ တွံတေးစိုးအောင်က ပြောပါတယ်။

သီတင်းကျွတ်မှာ သီချင်းခွေထွက်ဖို့ ရှိတယ်ဆိုတဲ့ တွံတေးစိုးအောင်က COVID -19 ကာလ ဖြစ်တဲ့အတွက် အခွေထွက်ဖို့ စိုးရိမ်တာမျိုး မရှိဘူးလို့ ဆိုပါတယ်။

“ကူးခွေတွေ ပေါ်လာတော့ ခွေတွေက မရောင်းရတော့ဘူး။ ဒီလုပ်ငန်းက အဆင်မပြေတော့ဘူး။ ကျနော်ကလည်း ခွေက ၁၀၀ ကျော်၊ သီချင်းတွေက များတော့ ခဏနားလိုက်တာပေါ့။ စီးရီးတခွေ လုပ်သေးတယ်။ အဲ့ဒါ လုပ်ပြီး နားလိုက်တာ။ ပွဲတွေမှာ ပရိသတ်တွေက တွေ့ရင် သီချင်းသစ်တွေ ထွက်စေချင်ကြတယ်”

“အခုတလောမှာတော့ အသည်းကွဲဒဏ်ရာဆိုပြီး သီတင်းကျွတ်မှာ ထွက်ဖို့ ပြင်ဆင်နေပါတယ်။ အခွေထွက်ဖို့က အခု ကိုဗစ်လည်း ဖြစ်နေတယ်။ ဒါပေမဲ့ စိုးရိမ်မှုကတော့ မရှိပါဘူး။ အခွေထွက်လည်း အခုခေတ်က အွန်လိုင်းပေါ်မှာပဲ သီချင်း နားထောင်ကြတာဆိုတော့ အခွေကိုတော့ ပွဲမှာ ပရိသတ်တွေလက်ဆောင်ပေးတာလောက်ပဲ ရှိပါတယ်”လို့ တွံတေးစိုးအောင်က ပြောပါတယ်။

အဆိုတော် တွံတေးစိုးအောင်ကတော့ ဂီတသက်တမ်း ၂၅ နှစ်ရှိပြီဖြစ်ပြီး တေးစီးရီးပေါင်း ၁၁၀ ကျော် ထွက်ရှိထားတဲ့ မြန်မာသံ အဆိုတော်တဦး ဖြစ်ပါတယ်။

The post သားဖြစ်သူကို သီချင်းခွေသစ် ထုတ်ပေးမယ့် တွံတေးစိုးအောင် appeared first on ဧရာဝတီ.

အမေရိကန်သမ္မတ ဒေါ်နယ်ထရမ့်က သူ့ရဲ့ ကမ်ပိန်း လူထုစုဝေးပွဲတွေမှာ Rolling Stones အဖွဲ့ရဲ့ နာမည်ကျော် သီချင်း “You Can’t Always Get What You Want” ကို အသုံးပြုနေမှုနဲ့ ပတ်သက်ပြီး သမ္မတ ထရမ့်အား တရားစွဲဆိုသွားမယ်လို့ Rolling Stones အဖွဲ့က ပြောဆိုလိုက်ပါတယ်။

အဲဒီတီးဝိုင်းဟာ သမ္မတ ထရမ့်အနေနဲ့ သီချင်းအသုံးပြုမှု ရပ်တန့်ရေးအတွက် BMI ဖျော်ဖြေမှုဆိုင်ရာ အခွင့်အရေးအဖွဲ့ကို တာဝန် ပေးအပ်လိုက်ကြောင်း ဇွန်လ ၂၈ ရက်နေ့မှာ Deadline က ရရှိခဲ့တဲ့ ထုတ်ပြန်ချက်ထဲမှာ ဖော်ပြထားပါတယ်။

Rolling Stones ရဲ့ တရားဝင် Twitter အကောင့်မှာ ဖော်ပြထားတဲ့ ထုတ်ပြန်ချက်ထဲမှာတော့ “BMI အဖွဲ့ဟာ သူတို့ရဲ့ သီချင်းတွေကို ခွင့်မပြုဘဲ အသုံးပြုမှုဟာ လိုင်စင်သဘောတူညီချက်ကို ချိုးဖောက်ရာရောက်တယ်လို့ Rolling Stones တီးဝိုင်းကိုယ်စား Trump ကမ်ပိန်းအဖွဲ့ထံ သတိပေးခဲ့ကြောင်း” ဖော်ပြထားပါတယ်။

တကယ်လို့် သမ္မတ ဒေါ်နယ်ထရမ့်အနေနဲ့ ဒီကန့်ကွက်မှုကို လျစ်လျူရှုပြီး ဆက်ပြီးတော့ လုပ်ဆောင်နေမယ်ဆိုရင် ခွင့်ပြုချက် မတင်ဘဲ သီချင်းအသုံးပြုမှုနဲ့ တားမြစ်မှုကို ချိုးဖောက်မှုတွေနဲ့ တရားစွဲဆိုမှုအား ရင်ဆိုင်ရမယ်လို့ ပြောဆိုထားပါတယ်။

ပြီးခဲ့တဲ့ ၂၀၁၆ ခုနှစ်တုန်းကလည်း သမ္မတ ထရမ့်က သူ့ရဲ့ လူထုစုဝေးပွဲတွေမှာ အဲ့ဒီသီချင်းကို အသုံးပြုခဲ့မှုကြောင့်ပဲ တီးဝိုင်းကနေ ကမ်ပိန်းအဖွဲ့ထံ စာထုတ်ပြီး သတိပေးခဲ့ရပါတယ်။ အဲ့ဒီသီချင်းကို အရင်တုန်းကတော့ ရီပါဘလစ်ကန် ပါတီကနဦး ရွေးကောက်ပွဲတွေမှာ ဖွင့်ခဲ့တာဖြစ်ပါတယ်။

BMI အဖွဲ့ကတော့ သမ္မတ ထရမ့်အတွက် လုပ်ဆောင်ပေးနေတဲ့ ရှေ့နေတွေဆီကနေ တုံ့ပြန်ချက် တစုံတရာ မရသေးဘူးလို့ ဆိုပါတယ်။ အခုလိုမျိုး ထရမ့်အနေနဲ့ သူတို့ရဲ့သီချင်းအသုံးပြုမှု ရပ်တန့်ရေးအတွက် တောင်းဆိုခံရတာ ဒါပထမဆုံး အကြိမ်တော့ မဟုတ်ပါဘူး။

အခုလ အစောပိုင်းတုန်းကလည်း ရော့ခ်ဂီတပညာရှင် Tom Petty ရဲ့ မိသားစုက ပြီးခဲ့တဲ့ ဇွန်လ၂၀ ရက်နေ့၊ Tulsa မြို့မှာ ပြုလုပ်ခဲ့တဲ့ လူထုစုဝေးပွဲတခုမှာ သမ္မတထရန့်က “I Won’t Back Down” သီချင်း အသုံးပြုခဲ့မှု ကိစ္စနဲ့ ဆက်စပ်ပြီး အသုံးပြုမှုရပ်တန့်ရေး စာတစောင်ကို ထုတ်ပြန်ခဲ့ပါတယ်။

ကွယ်လွန်သူ အဆိုတော် Petty က သူ့ရဲ့ သီချင်းကို အမုန်းတရား ကမ်ပိန်းမှာ အသုံးပြုတဲ့ သီချင်း ဘယ်တုန်းကမှ မဖြစ်စေချင်ခဲ့ဘူးလို့ Twitter မှာ တင်ခဲ့တဲ့ မိသားစုရဲ့ အိတ်ဖွင့်ပေးစာထဲမှာ ဖော်ပြထားပါတယ်။

ထရမ့်ဟာ ပြီးခဲ့တဲ့ ၂၀၁၆ ခုနှစ် သမ္မတ ရွေးကောက်ပွဲ ယှဉ်ပြိုင်ခဲ့စဉ် ကာလတုန်းက အိုဟိုင်းယိုးပြည်နယ်၊ Cleveland မြို့မှာ ပြုလုပ်ခဲ့တဲ့ ရီပါဘလစ်ကန်ပါတီရဲ့ ပွဲတခုမှာ “We Are The Champions” သီချင်းကို အသုံးပြုခဲ့လို့ အဲ့ဒီသီချင်းသီဆိုသူ Queen အဖွဲ့က စောဒကတက်ခဲ့ပါတယ်။

သမ္မတက သူတို့ရဲ့ သီချင်းတွေကို အသုံးပြုမှုကို ဆန့်ကျင်ကြတဲ့သူတွေထဲမှာ Pharrell Williams, Rihanna, Aerosmith, Adele, Neil Young နဲ့ ကွယ်လွန်သူအဆိုတော်ကြီး Prince ရဲ့ ပိုင်ဆိုင်မှုအကျိုးဆောင် အဖွဲ့တို့ ပါဝင်ကြပါတယ်။

သမ္မတရဲ့ ကမ်ပိန်းလူထုစုဝေးမှုတွေမှာ “Memory” သီချင်းကို အသုံးပြုမှုရပ်တန့်ပေးရေးအတွက် တေးရေးဆရာ Andrew Lloyd Webber ကို အဆိုတော် Betty Buckley ကလည်း တိုက်တွန်းထားပါတယ်။ Rolling Stones အဖွဲ့ရဲ့ “You Can’t Always Get What You Want” သီချင်းဟာ ၁၉၆၉ ခုနှစ်မှာ ထွက်ရှိခဲ့တဲ့ “Let It Bleed” အယ်လ်ဘမ်ထဲက သီချင်းတပုဒ်ဖြစ်ပါတယ်။

အဖွဲ့ခေါင်းဆောင် Mick Jagger နဲ့ ဂီတာသမား Keith Richards တို့ရေးသားခဲ့ကြတဲ့ အဲ့ဒီသီချင်းဟာ သမိုင်းမှာအကြီးကျယ်ဆုံး သီချင်း ၅၀၀ ထဲက တပုဒ် ဖြစ်တယ်လို့ Rolling Stone မဂ္ဂဇင်းရဲ့ စစ်တမ်းတခုမှာဖော်ပြထားပါတယ်။

Ref: cnalifestyle

You may also like these stories:

သားဖြစ်သူကို သီချင်းခွေသစ် ထုတ်ပေးမယ့် တွံတေးစိုးအောင်

ကိုဗစ်ကာလမှာ စိတ်မလေအောင် အစားအသောက်တွေ ချက်ရောင်းတဲ့ ပွင့်

သမီးတွေ ကျောင်းပြန်တက်ရမှာ စိုးရိမ်နေတဲ့ အဆိုတော် နီတာ

The post သမ္မတ ထရမ့်ကို တရားစွဲမယ်လို့ Rolling Stones သတိပေး appeared first on ဧရာဝတီ.

အနုပညာတွေ မလုပ်ရချိန်မှာ ဖိနပ်ရောင်းချနေတဲ့ ဟာသ သရုပ်ဆောင် စည်သူ(ပလပ်ကျွတ်) က ဖိနပ်တွေ ရောင်းချရတဲ့ ငွေကြေးနဲ့ အိမ်လစာ ၃ လစာ ပေးနိုင်ခဲ့တယ်လို့ ဧရာဝတီကို ပြောပါတယ်။

“ကြိုးစားအားထုတ်မှုက တပိုင်းပေါ့။ ကျနော့်ကို ချစ်လို့ ခင်လို့ အားပေးတာရော၊ အနုပညာညီအစ်ကို မောင်နှမတွေက ချစ်လို့ ခင်လို့ အားပေးကြတာရော၊ တင်ပေးတဲ့ မီဒီယာတွေရောကြောင့် ကျနော့်ဖိနပ်တွေ အရမ်းရောင်းရတာပါ။ ဖိနပ်တွေ ရောင်းရပြီး အိမ်လခ ၆ လစာမှာ ၃ လစာ ပေးနိုင်တယ်။ ၃ လစာလည်း ချန်ပေးတဲ့အတွက် အရမ်းကျေးဇူးတင်ပါတယ်”

“ကျနော့်ကို အခုလို သရုပ်ဆောင်ဘက်မှာရော၊ အခုစီးပွားရေး လုပ်တဲ့ဘက်မှာရော အားပေးနေကြတာကြောင့်သာ အဆင်ပြေတာ။ မဟုတ်ရင် လမ်းဘေး ရောက်နေပြီ။ အဲ့အတွက် အကုန်လုံးကို ကျေးဇူးတင်ပါတယ်။ ဂုဏ်လည်း ယူပါတယ်။ ဝမ်းသာပါတယ်”လို့ စည်သူ(ပလပ်ကျွတ်)က ပြောပါတယ်။

မြန်မာနိုင်ငံ ရုပ်ရှင်အစည်းအရုံးနဲ့လည်း တတ်နိုင်တဲ့သူများက လှူပေးနေတဲ့အပေါ် အတိုင်းထက်အလွန် ဝမ်းသာမိတယ်လို့ ဆိုပါတယ်။

“ရုပ်ရှင်အစည်းအရုံးက ဆန်တွေ၊ ဆီတွေ လှူတော့ တော်တော် အဆင်ပြေတာပါ။ အတိုင်းထက်အလွန် ဝမ်းသာမိပါတယ်။ ကိုယ့်အနုပညာသမားတွေကို ပံ့ပိုးကူညီပေးနေတဲ့သူတွေကို ကျေးဇူးလည်း တင်တယ်။ အစည်းအရုံးက လူကြီးတွေကိုလည်း ကျနော်က ဝိဇ္ဇာကျော် ဆေးနဲ့ ဖိနပ် ၅ ရံ ကန်တော့ပါတယ်”

“ကျနော့်ကို ချစ်သည်ဖြစ်စေ၊ မုန်းသည်ဖြစ်စေ ကျနော်က မေတ္တာပဲ ပို့ပါတယ်။ ကျန်းမာချမ်းသာပါစေ၊ တယောက်ချင်းစီတိုင်း စိတ်ကျန်းမာ၊ ကိုယ်ချမ်းသာနဲ့ ဘဝကို ဖြတ်သန်းနိုင်ပါစေလို့ ဆုတောင်းပါတယ်။ ကျနော့်ကို အရင်လို သိပ်မဆဲကြတော့ဘူး။ အားပေးတဲ့သူတွေ များလာပါပြီ”လို့ စည်သူ(ပလပ်ကျွတ်)ကပြောပါတယ်။

စည်သူ (ပလပ်ကျွတ်) ကတော့ ရုပ်ရှင်နှင့် ဗီဒီယို ဇာတ်ကားပေါင်းများစွာမှာ ပါဝင်သရုပ်ဆောင်ခဲ့ပြီး စူပါဟီးရိုး ဝတ်စုံတွေ ဝတ်ဆင်လေ့ရှိတာကြောင့် လူသိများသူ တဦးပါ။ စည်သူ (ပလပ်ကျွတ်) ကတော့ “ကိုပေါ” ရုပ်ရှင် ဇာတ်ကားထဲမှာလည်း အဓိက သရုပ်ဆောင်အနေနဲ့ ပါဝင်ထားပါတယ်။

You may also like these stories:

အနုပညာသမားတိုင်း ပေါ်ပြူလာဖြစ်ချင်ပါတယ်ဆိုတဲ့ စည်သူ(ပလပ်ကျွတ်)

The post ဖိနပ်ရောင်းရတဲ့ ငွေနဲ့ အိမ်လခ ပေးနိုင်ခဲ့တဲ့ စည်သူ (ပလပ်ကျွတ်) appeared first on ဧရာဝတီ.

အဆိုတော် ရှိုင်းကတော့ “Perfector” ဆိုတဲ့ တကိုယ်တော်အခွေ ထွက်ရှိထားပြီး မကြာသေးခင်ကလည်း “၁၉၉၀” ဆိုတဲ့ အဖေနဲ့ ပတ်သက်တဲ့ ခံစားချက် အကြောင်းအရာများကို ရေးဖွဲ့ထားတဲ့ သီချင်း ထွက်ရှိထားပါတယ်။

ကိုယ်ပိုင်သီချင်းတွေ ရေးသားပြီး သီဆိုလေ့ရှိတဲ့အပြင် တေးရေးတယောက်အဖြစ်လည်း ရပ်တည်လျက်ရှိတဲ့ လူငယ် အဆိုတော် ရှိုင်းရဲ့ သီချင်းဖန်တီးမှု အကြောင်းအရာများ၊ ဂီတနဲ့ပတ်သက်တဲ့ ခံယူချက်များကို ဧရာဝတီက အခုလိုပဲ မေးမြန်းထားပါတယ်။

မေး။ ။ “၁၉၉၀” သီချင်းကို ဘယ်လို ဖန်တီးဖြစ်ခဲ့တာလဲ။

ဖြေ။ ။ သီချင်းကတော့ “အဖေများနေ့” အတွက် ရည်ရွယ်ပြီး ထုတ်တာတော့ မဟုတ်ဘူး။ ကျနော့်အဖေနဲ့ ပတ်သက်တဲ့ ခံစားချက်တချို့ကို စဉ်းစားပြီး ရေးတာဆိုပေမယ့် အဖေများနေ့မှာ တိုက်ဆိုင်သွားတယ်။ အကုန်လုံးကလည်း သီချင်းလေး နားထောင်ပြီးတော့ သူတို့ အဖေနဲ့ အမှတ်တရအကြောင်းအရာလေးတွေ ရေးကြတယ်။ အဖေနဲ့ ပတ်သက်တဲ့ မေတ္တာတရားတွေ ခံစားရတယ်ဆိုတော့ ဝမ်းသာပါတယ်။

မေး။ ။ အချိန်ဘယ်လောက် ယူခဲ့ရလဲ။

ဖြေ။ ။ အချိန်ကကျတော့ ကျနော်က သီချင်းတပုဒ် လုပ်တော့မယ်ဆိုရင် သီချင်းနဲ့ ပတ်သက်ပြီး ထိုင်တွေးနေတာ အဲဒါ ၁ လလောက် ကြာတယ်။ သီချင်းအကြောင်းအရာကို ထိုင်စဉ်းစားတာ ဘယ်လို Music အမျိုးအစားနဲ့ ပေါင်းပြီး သုံးမယ်၊ ဘယ်အကြောင်းအရာတွေကို ဦးတည်ပြီး ရေးမယ်။ အဲဒါတွေ စဉ်းစားတာပေါ့နော်။ ၁ လလောက် ကြာတယ်။ သီချင်းတကယ် လုပ်ပြီဆိုတဲ့အချိန်ကျမှ တထိုင်တည်း စဉ်းစားထားတာတွေ ထုတ်ပြီး ရေးတာဆိုတော့ လုပ်တာကတော့ ၁ ပတ် ၊ ၂ ပတ်လောက် အတွင်း ပြီးတယ်။ ကျနော်က ၂၀ ရက်နေ့ ထုတ်လိုက်တာ။

မေး။ ။ Music ပုံစံကလည်း ဆန်းတယ်၊ ဘယ်လိုပုံစံနဲ့ သွားထားတာလဲ။

ဖြေ။ ။ ၁၉၈၅ ပေါ့။ အရင်ခေတ်က Music ပုံစံကို ယူထားတာ။ အကြောင်းအရာကလည်း ကျနော့်အဖေရဲ့ လူငယ်ဘဝ အကြောင်းအရာကို ရေးထားတာဆိုတော့ သူတို့ ငယ်ငယ်တုန်းက လူပျိုဘဝတုန်းက Music ပေါ့။ အဲ့ခေတ်က ဂီတ အမျိုးအစားကိုပဲ ပေါင်းပြီးတော့ ကျနော့်ရဲ့သီချင်းကို ဖန်တီးထားတာပါ။

မေး။ ။ အခက်အခဲအနေနဲ့ ဘယ်လိုရှိခဲ့လဲ။

ဖြေ။ ။ အခက်အခဲက ရှိတယ်။ အဲ့ Music က ကျနော်လုပ်နေကျ မဟုတ်ဘူး။ လုံးဝ မဟုတ်ဘူး။ အဲ့တော့ ဘာဖြစ်လဲဆိုရင် ဒီ Music ကို ဒီအကြောင်းအရာနဲ့ ရအောင် လုပ်မယ်ဆိုပြီး စဉ်းစားပြီးတဲ့နောက်ပိုင်းမှာ အဲ့ Music တွေကို ထိုင်လေ့လာတယ်။ 80 ‘s Music ၊ 90’s Music အဲဒါတွေကို ဘယ်လိုဖန်တီးလဲ။ ဘယ်တူရိယာတွေ သုံးတာများလဲ။ အဲ့ Vibe ကို ရအောင် ဘယ်လို ဖန်တီးရမလဲ ဆိုတာတွေက အဲ့သီချင်းအကြောင်းအရာကို နားထဲစွဲနေအောင် နားထောင်ပြီး ဒီဘက်မှာ ပြန်ပေါင်းစပ်ရတယ်။

မေး။ ။ အဖေနဲ့ အမှတ်တရတွေကရော ဘယ်လို ရှိခဲ့လဲ။

ဖြေ။ ။ ကျနော့်အဖေက ၈ တန်းနှစ်မှာ ဆုံးသွားတယ်။ အမေ့ကိုလည်း ဒီသီချင်းရေးတာ မပြောပြဘူး။ အဓိက အကြောင်းအရာကကျတော့ ဘယ်လိုလဲဆိုတော့ ကျနော်က ၂၀၂၀ မှာ လူငယ်တယောက်ပေါ့နော်။ ကျနော် ခံစားနေရတဲ့ ခံစားချက်တွေ၊ လူငယ်ဘဝတွေ တွေ့ကြုံခံစားရတာတွေကို ကိုယ့်အဖေလည်း ခံစားခဲ့ရမှာပဲ။ သူခံစားခဲ့တုန်းကရော ဘယ်လိုဖြတ်ကျော်ခဲ့ရလဲဆိုတဲ့ အတွေးကို ရေးထားတာဆိုတော့လေ။

အမှတ်တရတွေကတော့ ရှိတယ်။ အရမ်းကြီး မမှတ်မိတော့ဘူး။ ဖေဖေကကျတော့ မိသားစုကို အရမ်းချစ်တဲ့ထဲမှာ ပါတယ်။ အစိုးရဝန်ထမ်းဆိုပေမယ့် အချိန်ရပြီဆိုရင် မိသားစုကို အချိန်ပေးတာ များတယ်။ ခရီးအမြဲတမ်း လိုက်ပို့တယ်။ တခါတလေ ညနေဘက်တွေ အားရင် နီးစပ်ရာမြို့နေရာတွေထိကို ဆိုင်ကယ် ပတ်မောင်းပြီး မုန့်လိုက်ကျွေးတာ ရှိတယ်။ ငယ်ငယ်က ဆုရရင် ဆိုင်ကယ်ပေါ် တင်မောင်းပြီး သူ့သား ဆုရပါတယ်ဆိုတဲ့အကြောင်းကို မြို့ပတ်ပြီး ပြောတယ်။

မေး။ ။ ဒီသီချင်းက မိဘဖွဲ့တေးဆိုရင် ပထမဆုံးလို့ ပြောရင်ရမလား။

ဖြေ။ ။ မိဘနဲ့ ပတ်သက်တာ ပထမဆုံး စရေးတာ။ ပထမဆုံးနဲ့ နောက်ဆုံး ဖြစ်နိုင်တယ်။ နောက်ဆုံး ဆိုတာက အဖေနဲ့ ပတ်သက်တာပေါ့။ ဒီလိုမျိုး သီချင်းထပ်လုပ်ဖို့က ကျနော့် ဘဝမှာ မလွယ်တော့ဘူး။ ဖန်တီးရကျိုးနပ်တယ်လို့ ပြောလို့ရတယ်။ ကျနော်ပေးချင်တဲ့ အကြောင်းအရာ ခံစားမှု ပရိသတ်ဆီကိုရောက်တယ်လို့ ခံစားရတယ်။

မေး။ ။ နောက်ပိုင်းကျရင်ရော ဘယ်လိုမျိုး Music ပုံစံတွေ ထပ်လုပ်သွားဖို့ ရှိမလဲ။

ဖြေ။ ။ ကျနော် တခါမှတော့ မပြောဖူးဘူး။ ပြောပြလိုက်မယ်။ ကျနော့်ကိုယ်ကျနော် ခံယူထားတာ အစကတော့ ကျနော့်ကိုအများစုက R&B Artist လို့ မြင်ကြတယ်။ ကျနော်ကလည်း အားသန်တာကို။ ဒါပေမဲ့ ကျနော် တကယ်တမ်း စဉ်းစားရင်းနဲ့ ဘယ်လို Artist လည်းလို့ စဉ်းစားမိတဲ့အချိန်မှာ ကျနော်က General Artist လို့ထင်တယ်။

ကျနော် ဘယ် Music အောက်မှာမှ အသေကြီးဝင်နေတာမျိုး မရှိဘူး။ အခုဆိုရင် 90’s Music ကို လုပ်တယ်။ တခါတလေကျရင် R& B ဆိုတယ်။ POP တွေ ဆိုတယ်။ ချစ်တေးသံသာဆို Pop လို့ ပြောလို့ရတယ်။ ခံစားလို့ ရတယ်။ လုပ်နိုင်တယ်ဆိုရင် လုပ်လိုက်တာပဲ။

မေး။ ။ ဒီလို ဂီတခရီးလမ်းကို ဖြည်းဖြည်းနဲ့ မှန်မှန်သွားနေတဲ့အတွက် အရမ်းကြီးကျော်ကြားတဲ့ထဲမှာမပါဘူးလို့ ပြောရင်ရမလား။

ဖြေ။ ။ ဒါကလည်း မဆန်းပါဘူး။ ကျနော်လုပ်နေတဲ့ Music ကခံယူချက်နဲ့လည်းဆိုင်တာပေါ့။ အမှန်အတိုင်းပြောရရင် Hit ဖြစ်ချင်တဲ့ Hit ဖြစ်လို့ရတဲ့သီချင်းတွေ မြန်မြန် လူသိများလာမယ့် အကြောင်းအရာတွေ မြန်မာနိုင်ငံမှာ လုပ်ရတာ အရမ်းလွယ်တယ်။ သူများတွေကို ထိခိုက်ပြီးပြောတာတော့မဟုတ်ဘူး။ မြန်မာနိုင်ငံမှာ နာမည်ကျော်ကြားဖို့လုပ်ရတာ လွယ်တယ်။ အနုပညာအစစ်နဲ့ ဖန်တီးရတာတော့ ခက်တယ်။

ကျနော့်ရဲ့ခံယူချက်ကလည်း နာမည်မြန်မြန်ကြီးချင်တဲ့ထဲမှာလည်းမပါဘူး။ သူငယ်ချင်းတွေကိုတောင်ပြောတယ်။ ငါကသီချင်းတွေ လုပ်နေရင်နဲ့ ချမ်းသာတဲ့ထဲတော့ ပါမှာ မဟုတ်ဘူးလို့ ကျနော် လုပ်တဲ့ Music ကလည်း ဒီဘက်လူတွေ နားလည်ချင်မှ နားလည်မယ်။ ဒါပေမဲ့ ကျနော် ဒီထဲမှာပဲ နေတယ်။ ဒီအတိုင်းပဲ ဆက်သွားတယ်။ ပေါ်ပြူလာဖြစ်တာ မဖြစ်တာတော့ လက်ခံနိုင်သူရဲ့လက်ခံနိုင်စွမ်းနဲ့ပဲ ဆိုင်တယ်။ ကျနော်ကတော့ ကျနော်ဖန်တီးတဲ့ Music ကို ယုံကြည်တဲ့အတွက် ဒီအတိုင်းပဲ သွားနေမှာပဲ။

မေး။ ။ အနုပညာရှင်နဲ့ ဖျော်ဖြေရေးသမားဆိုတာရဲ့ ကွဲပြားတဲ့အပေါ် အမြင်လေး ပြောပြပါဦး။

ဖြေ။ ။ ဖျော်ဖြေရေးသမားကတော့ ကျနော်ကြားဖူးတာ လက်လည်း လက်ခံတယ်။ ထူးအိမ်သင်ပြောဖူးတာ ရှိတယ်။ အနုပညာရဲ့အနိမ့်ဆုံးအဆင့်က ဖျော်ဖြေရေး၊ အမြင့်ဆုံးက ဝါဒရေး ကိုယ်ဘယ်ထဲမှာဝင်လျှောက်မလဲဆိုတာ ဆုံးဖြတ်ပေါ့။ ကျနော်ကတော့ ဗုဒ္ဓဘာသာဖြစ်တဲ့အတွက် မဇ္ဈိမ ပဋိပဋာ အလယ်အလတ် လမ်းစဉ်က အကောင်းဆုံးပဲ။ အရမ်းကြီး ဝါဒသီချင်းတွေလုပ်တာလည်း မကောင်းဘူး။

ဖျော်ဖြေရေး သီချင်းတွေပဲ လုပ်နေတာလည်း မကောင်းဘူး။ အဲ့လို ခံစားရတယ်။ တခါတလေကျရင်လည်း ပေါ့ပေါ့ပါးပါးလေး လုပ်သင့်ပါတယ်။ မလုပ်ရဘူးလို့ ကျနော် မပြောဘူး။ အတိုင်းအတာဆိုတာတော့ ရှိတယ်။ လူတွေကြားထဲမှာ ရေပန်းစားနေတဲ့ အကြောင်းအရာတွေကို သီချင်းလုပ်ဆိုနေတာတော့လည်း မဟုတ်သေးဘူး။ နိုင်ငံရေးအကြောင်းအရာတွေ ဘာတွေကို သီချင်းလုပ်နေတာလည်း မကောင်းဘူး။ အလယ်အလတ်ပဲ ကောင်းတယ်။ အဲ့လိုမျိုးတော့ ကျနော် ခံစားရတယ်။

မေး။ ။ တချို့ Artist တွေကို ပရိသတ်တွေ လက်ခံနိုင်မယ့် အားနည်းနေသေးတဲ့အပေါ်မှာရော ဘယ်လိုမြင်ပါသလဲ။

ဖြေ။ ။ တကယ်လို့ ကိုယ်က အနုပညာရှင်ဆိုတဲ့ ခေါင်းစဉ်နဲ့ ရပ်တည်မယ်ဆိုရင်တော့ အရမ်းခေါင်းမာလို့တော့ မရဘူး။ ဒီနိုင်ငံမှာဆို ပိုများတယ်။ သီချင်းကို လက်ခံနိုင်တဲ့ လက်ခံနိုင်မှုအားက အရမ်းအားနည်းနေတဲ့ အနေအထားမှာ ကိုယ်က အရမ်းကို Artist ဖြစ်ပြမယ်။ ငါက Commercial လုံးဝ မလုပ်ဘူး။

ဒါတွေပဲ လုပ်ပြမယ်ဆိုရင် မတော်တာ မဟုတ်ဘူး၊ တော်တယ်။ ဒီနိုင်ငံက လက်ခံနိုင်တဲ့ အားနည်းနေသေးတော့ ဒါကိုလက်မခံပေးရင် ရပ်တည်လို့မရဘူး။ မာန်တော့ လျှော့ရမယ်။ Artist အရမ်းဖြစ်တာလည်း မကောင်းဘူး။ Commercial အရမ်းဖြစ်တာလည်း မကောင်းဘူး။

မေး။ ။ အဲ့တော့ ကိုယ်တိုင်ကရော ဘယ်လို ရပ်တည်သွားမလဲ။

ဖြေ။ ။ ကျနော့် စီနီယာတွေ လေးစားရတဲ့ အနုပညာရှင်တွေနဲ့လည်း အများကြီး စကားပြောဖြစ်တယ်။ သူတို့ဆီကလည်း အများကြီး သင်ယူရတယ်။ အလယ်အလတ်သွားတာ အကောင်းဆုံးပဲ။ စီးပွားရေးအရလည်း လုပ်လို့ရတယ်။ အနုပညာဆန်တာတွေလည်း လုပ်လို့ရတယ်။

ကျနော်ကတော့ ကျနော်နဲ့ ခင်တဲ့သူတွေကိုလည်း ပြောဖြစ်တယ်။ စီးပွားရေး မဆန်ဘူးဆိုရင် ရပ်တည်ဖို့ ခက်သွားလိမ့်မယ်။ နှမြောလို့ ပြောတာ။ ဆရာကြီးလုပ်တာ မဟုတ်ဘူး။ အကြံပေးချင်တာပါ။ ကျနော်လည်း အခုထိ ထိန်းထားရတုန်း။

မေး။ ။ ထပ်ပြီးတော့ ဖြည့်စွက် ပြောချင်တာရှိရင် ပြောပေးပါ။

ဖြေ။ ။ ကျနော်ကတော့ ကျနော်ယုံကြည်တဲ့အတိုင်း၊ ဆုံးဖြတ်ချက်ချထားတဲ့အတိုင်း ကျနော် လျှောက်ချင်တဲ့လမ်းကို အမြဲတမ်း လျှောက်နေမှာ။ ကျနော့်ကို ယုံကြည်တဲ့သူတွေ ကျနော့် နောက်ကို လိုက်ခဲ့စေချင်တယ်။ ကြိုးစားနေပါမယ်။ ယုံကြည်နေပေးပါ။ ။

You may also like these stories:

“Now & Ever” ရုပ်ရှင်မှာ ဇာတ်ဝင်တေးကို သီဆိုခဲ့တဲ့ အဆိုတော် ရှိုင်း

The post အဆိုတော် ရှိုင်းနဲ့ တွေ့ဆုံခြင်း appeared first on ဧရာဝတီ.

ကိုသားကြီးလို့ ချစ်စနိုးခေါ်ကြတဲ့ ဒွေးနဲ့ ရုပ်ရှင် ဇာတ်ကားများ၊ ဗီဒီယိုဇာတ်ကားများ များစွာ တွဲဖက်ရိုက်ကူးခဲ့တဲ့ ဇာတ်ပို့ သရုပ်ဆောင် ဘိုမကတော့ ဒွေးသာ ရှိနေသေးရင် အခုလို အခြေအနေမျိုး ဖြစ်မယ် မထင်ဘူးလို့ ဧရာဝတီကို ပြောပါတယ်။

“ကိုသားကြီး ဆုံးပြီးတဲ့နောက်ပိုင်းမှာ အနုပညာလောကနဲ့ တော်တော် ဝေးသွားတယ် ထင်ပါတယ်။ နှမြောတာပေါ့။ ဟိုတလောကတောင် ကိုသားကြီးနဲ့ ရိုက်ခဲ့တဲ့ကား “ချစ်ခြင်းရင်ခုန် ယုံကြည်စွာဖြင့်” လာတဲ့အခါကျတော့ အရမ်းဝမ်းနည်းတယ်။ တကယ်လို့ ကိုသားကြီးရှိခဲ့ရင် ကျမတို့လည်း အခုလိုအခြေအနေမျိုးဖြစ်မယ် မထင်ဘူး”

“အရမ်း ကူညီပေးတယ်။ အမြဲတမ်း ခေါ်ရိုက်တယ်။ ဝမ်းနည်းတာပေါ့။ ဝမ်းနည်းတာထက် ဆုံးရှုံးရတာကို မခံစားနိုင်ဘူး။ လက်မောင်းတဖက် ပြုတ်သွားသလို ခံစားရပါတယ်” လို့ ဘိုမက ပြောပါတယ်။

ဒွေးနဲ့ အမှတ်တရတချို့ကိုလည်း အခုလို ပြောပြခဲ့ပါတယ်။

“အမှတ်တရဆိုရင် ပြင်ဦးလွင်မှာ ရိုက်ခဲ့တဲ့ ကားပေါ့။ ဒါရိုက်တာ အောင်မင်းသိမ်း ရိုက်တဲ့ကား၊ ကိုသားကြီးက အတည်ပေါက် နောက်တတ်တယ်။ ကိုသားကြီးနဲ့ ကိုအောင်မင်းသိမ်းနဲ့ နောက်တာ ဘယ်လိုနောက်လဲဆိုရင် ဘိုမတဲ့ နင်ရေထဲ ဆင်းရမယ်။ ကျမက ရေကြောက်တယ်လေ။ မဆင်းရဲဘူးပေါ့။ ရေလည်း မကူးတတ်ဘူး”

“ဒီကားမှာတဲ့ ရေထဲဆင်းပြီး ရေနစ်သေရမှာတဲ့။ မဆင်းရဲဘူးပြောတော့ အဆင်မပြေဘူး၊ နင်ပြန်လိုက်တော့တဲ့ ဆိုလို့ ကိုသားကြီးကို ပြောပြတော့ နင့်အစား လူစားထိုးမယ် ပြောတော့ ကျမမှာ ထိုင်ငိုရတာ။ လူစားထိုးမှာစိုးလို့ ရေထဲ တကယ် ခုန်ချလိုက်တယ်။ နစ်နေလို့ လူကြမ်း အစ်ကိုကြီးတယောက်က ဆင်းပြီး လာကယ်ရတယ်။ ကိုသားကြီးက တကယ်လုပ်မယ် မထင်ဘူးတဲ့။ နင်တကယ် လုပ်သွားတာပဲဆိုပြီး အဲ့တခုတော့ အမှတ်ရခဲ့တယ်။ အမှတ်ရစရာတွေကတော့ အများကြီးပါပဲ” လို့ ဘိုမက ပြောပါတယ်။

ဒွေးရဲ့ ညီဖြစ်သူ သားညီကလည်း ဒါရိုက်တာအဖြစ် ရုပ်ရှင်များ ရိုက်ကူးနေတဲ့အတွက် ဇာတ်ကားများမှာ ပါဝင်ချင်ပေမယ့် မတွေ့ဖြစ်တာကြောင့် ခေါ်ရိုက်ဖို့အတွက် မပြောဖြစ်ဘူးလို့ သိရပါတယ်။

“ကိုသားကြီးကို လွမ်းတယ်။ ကိုအောင်မင်းသိမ်းကိုလည်း လွမ်းတယ်။ ကိုနီကိုရဲကိုလည်း လွမ်းတယ်။ သူတို့နဲ့ ရိုက်ရတာ ပျော်တယ်။ အမြဲတမ်းပေါ့။ သတိရတယ်။ သူတို့သာရှိရင် ကျမတို့ဒီလောက်ထိအခက်အခဲဖြစ်မယ် မထင်ဘူး” လို့ ဘိုမက ပြောပါတယ်။

ဒီကြားထဲမှာတော့ ဘိုမက ဇာတ်လမ်းတွဲတချို့မှာ ပါဝင်သရုပ်ဆောင်ခဲ့ပြီး ငွေရေးကြေးရေး အလိမ်ခံရတာကြောင့်လည်း အခက်အခဲတွေ ဖြစ်ခဲ့ရတယ်လို့ သိရပါတယ်။

You may also like these stories:

အဆိုတော် ရှိုင်းနဲ့ တွေ့ဆုံခြင်း

သားဖြစ်သူကို သီချင်းခွေသစ် ထုတ်ပေးမယ့် တွံတေးစိုးအောင်

The post “ဒွေး ရှိနေသေးရင် အခုလို အခြေအနေမျိုး ဖြစ်မယ် မထင်ဘူး” appeared first on ဧရာဝတီ.

အနုပညာကို ဝါသနာပါတဲ့ လူငယ်များအနေနဲ့ အလှအပနဲ့ အဖော်အချွတ်ပြတာမျိုးကို ဦးစားမပေးစေချင်ဘဲ အနုပညာနဲ့ ပတ်သက်တဲ့ ပညာရပ်များကို တတ်မြောက်အောင် သင်ယူစေချင်တယ်လို့ ဝါရင့် သရုပ်ဆောင် ညီဂျော်က ဧရာဝတီကို ပြောပါတယ်။

“အနုပညာကို အခြေခံတတ်မယ်ဆို သရုပ်ဆောင်မယ်ဆို သရုပ်ဆောင်ပညာ၊ သီချင်းဆိုမယ်ဆို သီချင်းဆို ပညာကို တတ်အောင် ကျွမ်းကျင်အောင် ကြိုးစားဖို့လိုပါတယ်။ အနုပညာတတ်မှ အဆင်ပြေမယ်။ ပညာရဲရင့် ပွဲလယ်တင့်မယ်ပေါ့။ ကိုယ်ကျွမ်းကျင်တဲ့ အနုပညာတတ်အောင် လုပ်ကြပါ။ တတ်အောင် မလုပ်ဘဲနဲ့ အပေါ်ယံလေးပဲလုပ်ပြီးတော့ အလှအပနဲ့ အဖော်အချွတ် ပြတာမျိုး ဦးစားမပေးစေချင်ဘူး”

“ရေရှည်မခံပါဘူး။ ပညာပြည့်ပြည့်စုံစုံ သင်ပြီးတော့ အများအကျိုးပြုအောင် လုပ်ပါ။ ပညာတတ်ရင် ဝင်ငွေက အလိုလို ဝင်လာမှာပါ။ ပညာက အရေးကြီးပါတယ်။ အပေါ်ယံ မလုပ်ပါနဲ့။ အဲဒါကို သတိပေးချင်ပါတယ်” လို့ ညီဂျော်က ပြောပါတယ်။

အခုခေတ် လူငယ်တွေမှာ စမတ်ဖုန်းများ ရှိကြတဲ့အတွက်လည်း အများကြီးလေ့လာနိုင်ပြီး အရင်ကထက် ၃ ၊ ၄ ဆ ကြိုးစားမှရမယ်လို့ ဆိုပါတယ်။

“အခုခေတ် လူငယ်တွေအားလုံးက အခုဆို စမတ်ဖုန်းတွေ အများကြီးရှိတဲ့အတွက် စမတ်ဖုန်းတွေထဲက သတင်းတွေကို လေ့လာရမယ်။ အနုပညာတွေကို အများကြီးလေ့လာရမယ်။ ကျနော်တို့တုန်းကထက် ကြိုးစားမှုနှုန်း ၃ ၊ ၄ ဆ ကြိုးစားမှရမယ်လို့ ထင်ပါတယ်” လို့ ညီဂျော်က ပြောပါတယ်။

ပွင့်လမ်းတွေ အများကြီးရှိနေပေမယ့် သရုပ်ဆောင်အသစ်တွေအတွက် တိုးရတာခက်ခဲတာကြောင့် ပိုပြီးတော့ အားထည့်ရမယ်လို့ ဆိုပါတယ်။

“အခုခေတ်က ပွင့်လမ်းတွေ အများကြီး ရှိတယ်။ ဇာတ်လမ်းတွဲတွေ ပေါ်လာတယ်။ ဗီဒီယိုပျက်သွားတဲ့အတွက်၊ ကိုဗစ်မတိုင်ခင် ဗီဒီယိုပျက်တာလည်း ဒီလောကသားတွေအတွက်တော့ အရမ်း ဒုက္ခရောက်ကြတယ်။ ရုပ်ရှင်ပဲ ရှိတော့တယ်။ ဇာတ်လမ်းတွဲ ရှိတယ်။ အဲ့ကနေ အွန်လိုင်းဇာတ်လမ်းတိုလေးတွေ ရှိတဲ့အတွက် ပွင့်လင်းမှုတော့ အများကြီးရှိတယ်”

“သို့သော် လုပ်ချင်တဲ့ သရုပ်ဆောင်အသစ်လေးတွေဆို တိုးရတာ ခက်တယ်။ နဂိုက ၁ ဆ ကြိုးစားရင် ၄ ၊ ၅ ဆ ကြိုးစားမှ အောင်မြင်နိုင်တဲ့ အနေအထား ရှိတယ်။ ပိုပြီးအားထည့်ရမယ်” လို့ ညီဂျော်က ပြောပါတယ်။

ဖခင်ဖြစ်သူ ဦးစီးလုပ်ကိုင်ခဲ့တဲ့ “ဂျော်လီဆွေနဲ့ သားများ” ရုပ်ရှင်ထုတ်လုပ်ရေးကိုလည်း ဗီဒီယိုလောကလုံးဝ မပျက်ခင် ၂၀၁၅ ခုနှစ်မှာပဲ ရပ်နားခဲ့ရတယ်လို့ သိရပါတယ်။ အခုအခါမှာတော့ အစ်ကိုဖြစ်သူ သရုပ်ဆောင် ထူးသာနဲ့အတူ “Oscar” ရုပ်ရှင်သင်တန်းကျောင်းကို တွဲဖက်ပြီး သင်ကြားပေးလျက်ရှိတယ်လို့ သိရပါတယ်။

You may also like these stories:

အဆိုတော် ရှိုင်းနဲ့ တွေ့ဆုံခြင်း

သားဖြစ်သူကို သီချင်းခွေသစ် ထုတ်ပေးမယ့် တွံတေးစိုးအောင်

“ဒွေး ရှိနေသေးရင် အခုလို အခြေအနေမျိုး ဖြစ်မယ် မထင်ဘူး”

The post “အလှအပနဲ့ အဖော်အချွတ်ပြတာမျိုး ဦးစားမပေးစေချင်ဘူး” appeared first on ဧရာဝတီ.

ကိုဗစ်ကာလအတွင်း ရုပ်ရှင် ရိုက်ကူးရေးများ ရပ်နားထားရပြီး မကြာခင် ရိုက်ကူးရေးတွေ စတော့မှာကို စိုးရိမ်မိတယ်လို့ ဟာသ သရုပ်ဆောင် ကောင်းစံက ပြောပါတယ်။

“ရိုက်ကူးတွေ ပြန်စလို့ ရိုက်ဖို့ ခေါ်ရင်တော့ ကောင်းတာပေါ့။ အကုန်လုံး ပြန်စရင်တော့ ရုပ်ရှင်လောကသားတွေ အလုပ်ပြန်ရကြမှာဆိုတော့ အရမ်းဝမ်းသာတာပေါ့။ ဒီအလုပ်ကြတဲ့သူတွေကလည်း ဒီအလုပ်ပဲ လုပ်တတ်ကြတယ်လေ။ အဲ့တော့ အလုပ်တွေ ပြန်ရစေချင်ပါတယ်။ ရိုက်ကူးရေး ပြန်စမှာကိုတော့ စိုးရိမ်တာပေါ့။ စိုးရိမ်နေရမှာပဲ။ ကျီးလန့်စာ စားနေရမယ့် ပုံပါပဲ။ မလုပ်လို့ကလည်း မရဘူးလေ။ ကိုဗစ်ဖြစ်တာကလည်း ရက်ကြီးက ကြာလာပြီလေ”

“ကျနော်တို့လည်း ဒုက္ခရောက်နေတာဆိုတော့ ကျနော်တို့ အနုပညာသမားအချင်းချင်းလည်း အကြံဉာဏ်တွေ မပေးတတ်တော့ဘူး။ စားစရာ မရှိတာလား ဆိုတော့လည်း မဟုတ်ဘူး။ ရှိတာလားဆိုတော့လည်း မဟုတ်ဘူး။ စုဆောင်းထားတာလေးတွေ စားတော့ ပြုတ်သလောက် ဖြစ်နေပြီ” လို့ ကောင်းစံက ဆိုပါတယ်။

ဆက်ပြီးတော့ “စီးပွားကျနေချိန် အလုပ်ချက်ချင်းရရင်တော့ ပြဿနာ မရှိဘူး။ မပေါ်ဘဲနဲ့ ဟနေမယ့် ကာလတခု အဲ့ကာလကို ဘယ်လို ဖြတ်သန်းမလဲ။ ကျနော်တို့ တယောက်တည်း မဟုတ်ပါဘူး။ အကုန်လုံး ဖြစ်နေကြတာ။ ရောဂါတွေလည်း မြန်မြန်ပျောက်ပါစေ ဆုတောင်းနေတယ်”လို့ ကောင်းစံက ပြောပါတယ်။

အနုပညာအလုပ်များ မလုပ်ရတာကြောင့် စားဝတ်နေရေးအတွက် ဘာလုပ်ရမလဲ စဉ်းစားနေတယ်လို့ ကောင်းစံက ဆိုပါတယ်။

“အခု လောလောဆယ်တော့ ဘာမှလုပ်ဖို့ သိပ်မရှိသေးဘူး။ လုပ်ဖို့တော့ စဉ်းစားနေတယ်။ ကျနော်တို့က ရုပ်ရှင် ရိုက်တတ်တယ်။ ဒါပဲ လုပ်တတ်တာလေ။ လောလောဆယ်တော့ အမျိုးသမီးက အိမ်ဆိုင်လေးဖွင့်တယ်။ ချဉ်ပေါင်ကြော်၊ ဘာလချောင်ကြော်၊ ငါးခြောက်ကြော်တွေ ရောင်းတယ်”

“မကိုက်ဘူး။ ချဉ်ပေါင်ကြော်တဘူး တထောင် ၁၅၀၀၊ Deli ခ ဘယ်လို သွားတောင်းမလဲ။ ရပ်ကွက်ထဲတော့ လောလောဆယ် ရောင်းနေတယ်။ နောက် အဖေ့ မုန့်ဟင်းခါးခြောက် လုပ်တာလေး ဝိုင်းလုပ်ပေးတယ်။ နောက်ထပ် စားဝတ်နေရေးအတွက် ဘာလုပ်ရမလဲ စဉ်းစားနေတယ်”လို့ ကောင်းစံက ပြောပါတယ်။

ဖြူဖြူထွေးနဲ့ ဗီဒီယို အတိုလေး အတူတူ တွဲရိုက်ထားတဲ့ ကောင်းစံက ဖြူဖြူထွေး ကြိုးစားတဲ့သူ ဖြစ်တယ်လို့ ဆိုပါတယ်။

“ဖြူဖြူထွေးလေးက တော်ပါတယ်။ ကျနော့်ကို ကန်တော့ချင်တယ်။ ကန်တော့ရင်းနဲ့ ဗီဒီယို အတိုလေးရိုက်မယ်ပြောတော့ ရိုက်ပေးဖြစ်တယ်။ သူ့စိတ်ထားလေးလည်း မဆိုးဘူး ကောင်းတယ်။ ကျနော်တို့ အနုပညာထဲက လူတွေကို ကန်တော့နေတာ ကျနော် တွေ့တယ်”

“ဖြူဖြူထွေးက ရှေ့လျှောက် အောင်မြင်မှာပါ။ သူက ကြိုးစားတယ်။ မိန်းကလေးဖြစ်ပေမယ့် သူ့ဟာနဲ့ သူ အရှက်ကြောက် တရားကို ထိန်းသိမ်းပြီး လုပ်တတ်တယ်။ တချို့ရယ်စရာတွေက အရှက်အကြောက်ကင်းမှ လုပ်လို့ ဖြစ်တာလေ။ ကျနော်က Facebook ကောင်းကောင်း မသုံးတတ်ပေမယ့် ဗီဒီယိုလေးတွေ ကြည့်တာတော့ ကောင်းတယ်”လို့ ကောင်းစံက ပြောပါတယ်။

ကောင်းစံကတော့ ဇာတ်ပို့ ဇာတ်ရံ သရုပ်ဆောင် တဦးဖြစ်သလို ဟာသ လူရွှင်တော် မိုးဒီရဲ့ သားလည်း ဖြစ်ပါတယ်။

You may also like these stories:

အနုပညာသက် ၆၀ ကျော်ပေမယ့် အကယ်ဒမီ မရသေးတဲ့ ဒေါ်စန်းစန်းဝင်း

Stay home ကာလ အိမ်မှာနေရတာ စိတ်အပန်းပြေတယ်ဆိုတဲ့ ရွှေသမီး

COVID-19 ရောဂါ မပြန့်ပွားအောင် အိမ်မှာပဲ နေကြဖို့ မောင်မောင်အေး ပြော

The post “ရိုက်ကူးရေးတွေ ပြန်စမှာကို စိုးရိမ်မိတယ်”လို့ ကောင်းစံ ပြော appeared first on ဧရာဝတီ.

လူမှုကွန်ရက် ဆိုရှယ်မီဒီယာ အသုံးပြုသူများလာတာနဲ့ အမျှ အွန်လိုင်းပေါ်မှာ အကြောင်းအမျိုးမျိုးကြောင့် နာမည်ကြီးလာကြသူတွေလည်း မနည်းပါဘူး။ Food Blogger၊ Travel Bolgger ၊ Beauty Blogger တွေအပြင် Social Influencer စတဲ့ အရာတွေနဲ့ နာမည်ကြီး လူသိများသူတွေလည်း ပေါ်ထွက်လာကြပါတယ်။

အရင်က Facebook ပေါ်မှာ “မောင်မောင်စေတန်” ဆိုတဲ့ Page တခုရှိခဲ့ပြီး ဒီ Page ကနေ ရေပန်းစားနေတဲ့ မင်းသမီး၊ မော်ဒယ်တချို့ရဲ့ ခပ်ဟော့ဟော့ ပုံတွေကို တင်လေ့ ရှိခဲ့ပါတယ်။ အဲ့ဒီအချိန်က ဆိုရှယ်မီဒီယာ အသုံးပြုသူတွေကြားမှာ ဒီ Page က ပုံတွေက ရေပန်းစားခဲ့ပါတယ်။ သူကတော့ ကာယကံရှင်ရဲ့ ခွင့်ပြုချက်နဲ့ တင်ခဲ့တာတော့ မဟုတ်ပါဘူး။

အခုဆိုရင်တော့ လူမှုကွန်ရက် ဆိုရှယ်မီဒီယာ တခုဖြစ်တဲ့ Facebook ပေါ်မှာ Follower များပြီး Sexy ဆန်ဆန် ပုံများကို တင်ကာ အမျိုးသားထုကြီးရဲ့ ဝန်းရံမှုကို ရရှိလာခဲ့တဲ့ မော်ဒယ်၊ သရုပ်ဆောင်တွေ အများအပြား ရှိလာခဲ့ပါပြီ။ ဒီထဲကမှ Follower များပြီး၊ အထူးသဖြင့် အမျိုးသား ပရိသတ်တွေကြားမှာ ရေပန်းစားတဲ့ အမျိုးသမီး Sexy မော်ဒယ်တွေ အကြောင်းကို ဖော်ပြပေးချင်ပါတယ်။

သင်ဇာဝင့်ကျော်

အရင်က နာမည်ကြီး ထိပ်တန်းမင်းသမီးတဦး ဖြစ်ခဲ့ပေမယ့် နောက်ပိုင်းမှာတော့ အရင်နဲ့ မတူ ခန္ဓာကိုယ်အသားပေး ဖော်ပြမှုများနဲ့ ပရိသတ်တွေရဲ့ စိတ်ဝင်စားမှုကို တဖန်ပြန်လည် ရယူထားနိုင်သူပါ။ အရင်က ပွဲလမ်းသဘင်တွေမှာဆို သင်ဇာဝင့်ကျော် ပွဲတက်မှ ဒီပွဲက လူစိတ်ဝင်စားမှုအမြင့်ဆုံးကို ဖြစ်စေနိုင်ခဲ့သူပါ။ သူမရဲ့ ပွဲတက်လာတဲ့ ခန္ဓာကိုယ်ကောက်ကြောင်းအလှ ဖော်ပြထားတဲ့ ဖက်ရှင်တွေကြောင့်ပါ။

သင်ဇာဝင့်ကျော်က ဒီလိုဖက်ရှင်တခုတည်းကြောင့်လည်း သူမကို ပရိသတ်စိတ်ဝင်စားစေခဲ့တာ မဟုတ်ပါဘူး။ သူမရဲ့ ခန္ဓာကိုယ်ကိုလည်း အချိုးအစားကျအောင် Gym ကစားရင်း အပင်ပန်းခံရင်းနဲ့ ပြုပြင်ပြောင်းလဲယူခဲ့သူပါ။

Facebook ပေါ်မှာ Follower သိန်း ၂၀ နီးပါး ရှိပြီး သူမ တင်တဲ့ ပို့စ်တွေကလည်း အမြဲတမ်းလိုလို ခန္ဓာကိုယ် အလှအပကို ဖော်ပြထားတဲ့ပုံတွေ များပါတယ်။ ဝေဖန်မှုအခံရဆုံး အနုပညာရှင်ထဲမှာ ပါဝင်ပေမယ့် သင်ဇာဝင့်ကျော်ကတော့ လူမှုကွန်ရက်ပေါ်မှာ စိတ်ဝင်စားမှုအခံရဆုံး အဖြစ်လည်း တည်ရှိနေပါတယ်။

လုလုအောင်

ကချင်တိုင်းရင်းသူ မော်ဒယ် လုလုအောင်ကတော့ သူမရဲ့ Page မှာ Follower ၉ သိန်းကျော် ရှိတဲ့ Sexy မော်ဒယ်တဦးဖြစ်ပြီး သူမကတော့ ၂၀၁၆ ခုနှစ်နောက်ပိုင်းမှာ ဆိုရှယ်မီဒီယာမှာ နာမည်ကြီးလာသူပါ။ သူမရဲ့ အချိုးကျလှပတဲ့ ခန္ဓာကိုယ်ကောက်ကြောင်းနဲ့အတူ Sexy Pose တွေကြောင့် ဆိုရှယ်မီဒီယာအသုံးပြုတဲ့ အမျိုးသားထုကြားမှာ ရေပန်းစားလာခဲ့သူပါ။

Single Mother လို့ ကိုယ်တိုင်ဝန်ခံထားပြီး ပွင့်ပွင့်လင်းလင်း ရေးသားဖော်ပြတတ်လို့ သူမကို ဝေဖန်မှုတွေ ရှိခဲ့ပေမယ့် နောက်ပိုင်းမှာ ကြော်ငြာတွေပါ ရိုက်ကူးလာခဲ့ရပြီး Pose တခုကို Like အနည်းဆုံး တသိန်းကျော်ကနေ ရှိနေတတ်သူပါ။

လုလုအောင်၊ သင်ဇာဝင့်ကျော်နဲ့ ရွှေအိမ်စည်တို့ ၃ ဦးအတူ ပါဝင်ထားတဲ့ ဓာတ်မြေသြဇာ ကြော်ငြာတခုကတော့ ပရိသတ်တွေ အတော်စိတ်ဝင်စားခဲ့ကြတဲ့ ကြော်ငြာ ဖြစ်ခဲ့ပါတယ်။ သူတို့ ၃ ဦးရဲ့ ဖွံ့ဖြိုးတဲ့ ခန္ဓာကိုယ်အလှကို ပြသခဲ့ရတဲ့ ကြော်ငြာလည်း ဖြစ်နေလို့ပါ။ ဝေဖန်မှုတွေ ရှိခဲ့ပေမယ့် အောင်မြင်ခဲ့တဲ့ ကြော်ငြာလို့ ပြောလို့ ရပါတယ်။

နန်းမွေစံ

ခန္ဓာကိုယ်အလှ Sexy ပုံများကို မကြာခဏ Facebook ပေါ်တင်တာကြောင့် ဆေးကုသခွင့် ဆမ လက်မှတ်ကို အသိမ်းခံခဲ့ရပြီး ပရိသတ်များကြား စိတ်ဝင်စားခြင်းခံခဲ့ရတဲ့ နန်းမွေစံကတော့ လက်ရှိမှာ လူမှုကွန်ရက် အသုံးပြုသူများကြား ရေပန်းအစားဆုံး Sexy Model တဦး ဖြစ်နေပါတယ်။

ဝတ်လစ်စလစ်နဲ့ သူ ကိုယ်တိုင် ရိုက်ကူးထားတဲ့ ဗီဒီယိုတခုကို Porn Hub ဝက်ဘ်ဆိုက်မှာ တင်ခဲ့လို့ စိတ်ဝင်စားမှု အခံရဆုံးနဲ့ ဝေဖန်မှုအခံရဆုံး ဖြစ်နေတာပါ။ နန်းမွေစံရဲ့ Facebook Page က Follower ၉ သိန်းကျော်ပဲ ရှိပေမယ့် အခုဆိုရင် သူတင်တဲ့ ပို့စ်တွေကိုတော့ ပရိသတ်တွေက စောင့်ကြည့်ရလောက်အောင် ဖြစ်လာခဲ့သူပါ။

နွယ်နွယ်ထွန်း

“အိန်ဂျယ်ရစ်ရစ်” လို့ Facebook ပေါ်မှာ လူများတဲ့ နွယ်နွယ်ထွန်းကလည်း သူ့ရဲ့ ခရီးသွားရင်း အလှရိုက်ထားတဲ့ Sexy ဆန်ဆန် ပုံများကြောင့် လူသိများပါတယ်။ သူကတော့ Follower ၅ သိန်းကျော် ရှိပေမယ့် သူတင်တဲ့ Pose တခုချင်းစီက ပရိသတ် Like ၂သိန်းကျော်က စပြီး ရရှိထားသူပါ။

အလွမ်းစာသားတွေနဲ့ ခရီးသွားပုံတွေ တင်တတ်သလို မကြာခဏ ရေကူးကန်ထဲက ခန္ဓာကိုယ်ပေါ်ပုံတွေတင်တတ်လို့ အမျိုးသားထုကြားမှာ “ရစ်” ဆိုပြီး ရေပန်းစားသူတဦးပါ။

နွယ်နွယ်ထွန်းကတော့ လူမှုကွန်ရက်ပေါ်မှာသာ ပုံတွေတင်လေ့ရှိပြီး အနုပညာနဲ့ ပတ်သက်လို့ လှုပ်ရှားမှု မရှိသူ တဦးလည်း ဖြစ်ပါတယ်။ အရင်တော့ မဂ္ဂဇင်းကာဗာ၊ အလှပုံတွေမှာ ဖော်ပြခြင်းခံခဲ့ရပြီး အခုချိန်မှာတော့ လူမှုကွန်ရက်ဖြစ်တဲ့ Facebook ပေါ်မှာ နာမည်ကြီးနေသူ တဦးပါ။

သဇင်ဦး

ကိုဗစ်ကာလမှာ Mask တွေကို ခန္ဓာကိုယ် အပေါ်ပိုင်းနဲ့ အောက်ပိုင်းမှာ Two Pieces ပုံစံတပ်ဆင်ပြီး ရိုက်ခဲ့လို့ လူမှုကွန်ရက်မှာ ဝေဖန်ခံခဲ့ရသူကတော့ သဇင်ဦးပါ။ သူမကတော့ ပညာပေးဆိုတဲ့ ပုံစံနဲ့ ဒီလိုရိုက်ကူးခဲ့ပေမယ့် Mask တွေနဲ့ မရိုက်သင့်ဘူးဆိုပြီး ဝေဖန်ခံခဲ့ရသူပါ။

သဇင်ဦးကတော့ အနုပညာလှုပ်ရှားမှုအနေနဲ့ ကြီးကြီးမားမား မရှိသေးဘဲ Facebook ပေါ်မှာသာ ခန္ဓာကိုယ် အနောက်ပိုင်းအလှတွေကို မကြာခဏ တင်လေ့ရှိသူဖြစ်လို့ အမျိုးသား ပရိသတ်တွေ ကြိုက်နှစ်သက်ခြင်း ခံနေရသူပါ။ ကိုယ်တိုင်လည်း Sexy Model လို့ ခံယူထားပြီး တင်တဲ့ ပို့စ်တိုင်းကလည်း ခန္ဓာကိုယ် အသားပေးပုံတွေချည်းပဲ ဖြစ်ပါတယ်။

သူမတင်တဲ့ ပို့စ်တိုင်းကလည်း Facebook Like အနည်းဆုံး ၂ သောင်းကျော်ကနေ စတင် ရရှိထားသူဖြစ်လို့ လူမှုကွန်ရက်မှာ Sexy Model အဖြစ် လူသိများတဲ့အထဲမှာ ပါဝင်နေသူပါ။

You may also like these stories:

ခန္ဓာကိုယ်က တက်တူးတွေအကြောင်းပြောပြတဲ့ Sexy မော်ဒယ် နန်းသီရိမောင်

၂၀၁၇ – ၂၀၁၈ အတွက် ကမ္ဘာ့ထိပ်တန်း အလှဆုံးအမျိုးသမီး ၁၀ ဦး

The post အွန်လိုင်းပေါ်မှာ ရေပန်းစားနေတဲ့ မြန်မာ Sexy Model များ appeared first on ဧရာဝတီ.

သရုပ်ဆောင် ဘိုမကတော့ သူနဲ့ နာမည်တူ နောက်တယောက် ရှိနေတဲ့အပေါ် အနုပညာလောကမှာ ကိုယ့်နာမည်နဲ့ကိုယ် လုပ်စားတာကောင်းတာပေါ့လို့ ဧရာဝတီကို ပြောပါတယ်။

“ဘိုမဆိုတဲ့ နာမည်နဲ့ ပရိသတ်တွေက ကျမကို သိခဲ့ကြတယ်။ ကျမရဲ့ အသံစာစာနဲ့ စကားပြောသွက်တာကို သဘောကျကြတာ များတယ်။ ကိုယ်ငြိမ်လိုက်ရင် ကိုယ့်အိုက်တင် ပျောက်သွားလို့ မဖြစ်ဘူး။ ကိုယ်က စကား မြန်မြန်ပြောတယ်။ ဘိုမ စကားကို နားလည်ပြီး အားပေးခဲ့ကြတဲ့ ပရိသတ်က အားပေးတာ ကျေးဇူးတင်ပါတယ်။ ကျမနဲ့ နာမည်တူနေတဲ့ ညီမလေး တယောက် အင်တာဗျူးလေး တွေ့တယ်”

“ကျမတို့ထက်တော့ သူက နောက်ကျတာပေါ့။ သူက အရင်က နာမည်တခု၊ သူက ဘိုမဆိုပြီး ထွက်လာတာ။ ကျမက သူ့ကို ပြောဖူးတယ်။ ကိုယ့်နာမည်နဲ့ ကိုယ်လုပ်စားတာ ကောင်းတာပေါ့လို့ ပြောဖူးတယ်။ “ဟုတ်ကဲ့ ညီမနာမည်နဲ့ပဲ လုပ်မယ်” သူပြောတယ်။ ကိုယ့်ရှေ့လည်း သူက သူ့နာမည်ပဲ။ သူ့အိမ်နာမည်က ဘိုမပါလို့တော့ ပြောတယ်။ ခင်ဖို့တော့ ကောင်းပါတယ်”

“အနုပညာသမားချင်းဆိုတော့ တွေ့ရင်လည်း နှုတ်ဆက်ပါတယ်။ ကိုယ်လည်း မရိုက်တော့ သူက ဘိုမနဲ့ ရိုက်နေတာကို မပြောတော့ပါဘူး။ ကိုယ်လည်း အစွဲအလန်း မကြီးပါဘူး။ ကျမ အသိတွေက လာလာ ပြောကြတယ်။ ကိုယ်လည်း မလုပ်တော့ဘူးဆိုတော့ ပြောရင် ဘာမှပြန်မပြောတော့ဘူး”လို့ ဘိုမက ပြောပါတယ်။

အနုပညာလောကနဲ့ ဆယ်စုနှစ် တစုနီးပါး အဆက်ပြတ်နေခဲ့တဲ့ ဘိုမက အနုပညာ မလုပ်ဖြစ်တော့တာဟာ အသက်အရွယ် ရလာလို့ နားချင်တဲ့အတွက်ကြောင့် မလုပ်ဖြစ်တော့တာလို့လည်း ဆိုပါတယ်။

“အနုပညာအလုပ်တွေ မလုပ်တာ ၂၀၀၈ ခုနှစ် လောက်ကတည်းက မလုပ်တော့တာ။ အနုပညာတော့ ဝါသနာ ပါတယ်။ ဒါပေမဲ့ အခုတော့ စီးပွားရေး လုပ်နေတယ်။ ကျန်းမာရေးအတွက် အရွယ်တင် နုပျိုစေမယ့် Prouduct တွေ ရောင်းတယ်။ အနုပညာက အသက်အရွယ် ရလာလို့ နားချင်တာလည်း ပါတယ်။ ရှုတင်ကျတော့ နေပူမိုးရွာ မရှောင် ရိုက်ရတာ ဆိုတော့ ကိုယ့်ကျန်းမာရေးနဲ့က အဆင်မပြေဘူး”

“ဇာတ်ကားတွေ မရိုက်တော့ဘဲ နားမိသွားတဲ့အချိန်မှာ တော်တော်လေး အဆက်ပြတ်သွားတာပေါ့။ အဲဒါကြောင့် မရိုက်ဖြစ်တော့တာပါ။ အနုပညာပိုးကတော့ ဘယ်တော့မှ သေသွားမှာ မဟုတ်ပါဘူး။ ကိုယ်တွေက ဒီအနုပညာအလုပ်ကို စီးပွားရေး တခုအတွက် အရင်းခံပြီး စလုပ်ခဲ့တာ မဟုတ်ဘူးလေ”

“တကယ် ဝါသနာပါပြီးတော့မှ ရိုက်ခဲ့တဲ့သူဆိုတော့ အနုပညာအပေါ် ချစ်တဲ့ စိတ်ကတော့ ရင်ထဲမှာ အပြည့် ရှိပါတယ်။ ကိုယ်ကလည်း နားလိုက်တာ ကြာသွားတဲ့အတွက် မရိုက်ချင်တော့တာပါ”လို့ ဘိုမက ဆိုပါတယ်။

ဘိုမဟာ တချိန်က ဇာတ်ပို့ ဇာတ်ရံ သရုပ်ဆောင် တဦးဖြစ်သလို အနုပညာသက်တမ်း ၁၉ နှစ်ကျော်လောက်မှာ ကားမရိုက်ဘဲ အနားယူခဲ့သူ ဖြစ်ပါတယ်။

You may also like these stories:

အွန်လိုင်းပေါ်မှာ ရေပန်းစားနေတဲ့ မြန်မာ Sexy Model များ

“အလှအပနဲ့ အဖော်အချွတ်ပြတာမျိုး ဦးစားမပေးစေချင်ဘူး”

“ဒွေး ရှိနေသေးရင် အခုလို အခြေအနေမျိုး ဖြစ်မယ် မထင်ဘူး”

The post နာမည်တူ ရှိနေတဲ့အပေါ် ခံစားချက် ပြောပြတဲ့ ဘိုမ appeared first on ဧရာဝတီ.

အင်ဒိုနီးရှား သရုပ်ဆောင် မင်းသမီးတဦးဖြစ်တဲ့ Anya Geraldine က သူ့ဘဝတလျှောက်လုံး ထိန်းသိမ်းခဲ့တဲ့ လျှို့ဝှက်ချက်တခုကို ထုတ်ဖော် ပြောဆိုခဲ့ပါတယ်။

ပြီးခဲ့တဲ့ ဇွန်လ ၂၇ ရက်နေ့တုန်းက မင်းသမီးဟာ ကလေးနို့ဘူးနဲ့ နို့သောက်နေတဲ့ သူ့ရဲ့ပုံကို Twitter မှာ တင်ခဲ့ပြီး “ငါ့ရဲ့ည” လို့ ပုံစာရေးခဲ့ပါတယ်။ “Yowis Ben 2” ရုပ်ရှင်မင်းသမီးက နှစ်ပေါင်းများစွာကြာ စွဲလမ်းခဲ့တဲ့ အဲ့ဒီအကျင့်ကို ပြုပြင်ဖို့ ကြိုးစားခဲ့ဖူးပေမယ့် မအောင်မြင်ခဲ့ကြောင်း Follower ၈ သိန်းကျော်ရှိတဲ့သူ့ရဲ့ Twitter အကောင့်မှာ ရှင်းပြခဲ့ပါတယ်။

သူ့ရဲ့ မိဘတွေကတော့ သူ ၆ တန်းကျောင်းသူ အချိန်တုန်းက အဲ့ဒီအကျင့်ကို ပြင်ဖို့ တိုက်တွန်းခဲ့တယ်လို့ မင်းသမီးက ဆိုပါတယ်။ မင်းသမီးရဲ့ ကလေးနို့ဘူး အားလုံးကို မိဘတွေက လွှင့်ပစ်ခဲ့တယ်လို့ သိရပါတယ်။ ဒါပေမဲ့ မင်းသမီးဟာ တက္ကသိုလ်ကျောင်းစတက်ချိန်မှာ နို့ဘူးတွေကို ပြန်သောက်ခဲ့တယ်လို့ ဝန်ခံခဲ့ပါတယ်။

အသက် ၂၄ နှစ်အရွယ် မင်းသမီးက သူ့ဘာသာ သီးခြားခွဲထွက်နေထိုင်ခဲ့ချိန်မှာ အဲ့ဒီအကျင့်ကို ပြန်လည် လုပ်ဆောင်ခဲ့ပေမယ့် မိဘတွေ သူ့အိမ်ကို ပြန်လာတဲ့အချိန်မှာ အဲ့ဒီ နို့ဘူးတွေကို လွှင့်ပစ်ကြတယ်လို့် ဆိုပါတယ်။

မင်းသမီးက သူ့ရဲ့မိခင်နဲ့ စာတို အပြန်အလှန် ပြောဆိုထားတဲ့ ပို့စ်တခုကိုလည်း ပြသခဲ့ပါတယ်။ အဲ့ဒီစာတို အပြန်အလှန် ပြောဆိုမှုထဲမှာ မိဘတွေက မင်းသမီးရဲ့အကျင့်ကြောင့် သွားတွေ ပျက်စီးမှာ စိုးရိမ်နေတယ်လို့ ဖော်ပြထားပါတယ်။ ဒါပေမဲ့ အခုလိုမျိုး မင်းသမီးရဲ့ ထုတ်ဖော်ပြောဆိုမှုကြောင့် ပရိသတ်တွေကြားမှာ လှောင်ပြောင်ပြောဆိုမှုကနေ စိတ်ရှုပ်ထွေးမှုတွေအထိ ဖြစ်ပေါ်စေခဲ့ပါတယ်။

အဲ့ဒီမှတ်ချက် စကားတွေထဲမှာ ပရိသတ်တဦး ဘယ်နို့ အမှတ်တံဆိပ်ကို သောက်သုံးနေတာလဲဆိုတာကို မင်းသမီးထံ မေးမြန်းခဲ့ပါတယ်။ အဲ့ဒီအခါမှာ မင်းသမီး Anya က “Dancow နဲ့ Pediasure” နို့မှုန့်ဖြစ်တယ်လို့ ပြန်လည် ဖြေကြားခဲ့ပါတယ်။

Ref: cnalifestyle

You may also like these stories:

ခန္ဓာကိုယ်က တက်တူးတွေအကြောင်းပြောပြတဲ့ Sexy မော်ဒယ် နန်းသီရိမောင်

၂၀၁၇ – ၂၀၁၈ အတွက် ကမ္ဘာ့ထိပ်တန်း အလှဆုံးအမျိုးသမီး ၁၀ ဦး

The post ကလေးနို့ဘူးနဲ့ နို့သောက်နေဆဲလို့ ဖွင့်ဟလိုက်တဲ့ အင်ဒိုနီးရှားမင်းသမီး appeared first on ဧရာဝတီ.

“365 Days” ရုပ်ရှင်မင်းသား Michele Morrone က အခုလတ်တလော လူပြောများနေတဲ့ လိင်အသားပေး ရုပ်ရှင်ရဲ့ နောက်ဆက်တွဲ ဇာတ်လမ်းရှိလာမှာဖြစ်ကြောင်း အတည်ပြုလိုက်ပါတယ်။

အဲ့ဒီမူရင်း ရုပ်ရှင်ကို Netflix ကနေ ပြသခဲ့ပေမယ့် ဖယ်ရှားဖြုတ်ချပေးလို့ ဝေဖန်သူတွေက လက်မှတ်ရေးထိုး တောင်းဆိုထားကြပါတယ်။ “Fifty Shades of Grey” လို့ တင်စားကြတဲ့ အဲ့ဒီ ပိုလန်ရုပ်ရှင်ကို “365 DNI” လို့လည်း လူသိများပြီး လိင်အသားပေး ဇာတ်ဝင်ခန်းတွေ ပါဝင်မှုနဲ့ အဆိပ်အတောက်ဖြစ်စေတဲ့ ဇာတ်လမ်းအကြောင်းအရာကြောင့် ဝေဖန်မှုတွေလည်း ထွက်ပေါ်ခဲ့ပါတယ်။

မူရင်းဇာတ်လမ်းထဲမှာတော့ ပိုလန်နိုင်ငံမှာရှိတဲ့ ဇိမ်ခံဟိုတယ်တခုရဲ့ အရောင်းဒါရိုက်တာ Laura Biel နဲ့ သူ့ကို ပြန်ပေးဆွဲခဲ့တဲ့ မာဖီးယားခေါင်းဆောင် Massimo Torricelli တို့ရဲ့ ဇာတ်လမ်းအကြောင်းအရာ ဖြစ်ပါတယ်။ Biel ဟာ မာဖီးယားခေါင်းဆောင်ရဲ့ ဗီလာထဲမှာ ထိန်းသိမ်းခံခဲ့ရပြီး အဲ့ဒီခေါင်းဆောင်ကို ချစ်ဖို့ အချိန် ၃၆၅ ရက် ရရှိခဲ့ပါတယ်။

ရုပ်ရှင်ပရိသတ်တွေကတော့ နောက်ဆက်တွဲဇာတ်လမ်း ထုတ်ပေးဖို့ တောင်းဆိုခဲ့ကြပြီး အခုတော့ ပရိသတ်တွေရဲ့ ဆန္ဒအတိုင်း မင်းသား Michele က ဖြည့်ဆည်းပေးလိုက်တာ ဖြစ်ပါတယ်။

အီတလီမင်းသား Michele က အရှေ့အလယ်ပိုင်းမှာ သုံးကြတဲ့ မီဒီယာပလက်ဖောင်းဖြစ်တဲ့ HalaHi မှာ ပရိသတ်တဦးနဲ့ စကားပြောဆိုနေချိန် အခုလိုမျိုး သတင်းကို အတည်ပြုလုပ်တာဖြစ်ပါတယ်။ မင်းသားက “အဖြေကတော့ Yes ပါပဲ။ ကျနော်တို့ဟာ ဒုတိယအပိုင်းကို ရိုက်ကူးမှာပါ” လို့ ဆိုပါတယ်။

ဒါပေမဲ့ ကိုရိုနာဗိုင်းရပ်စ် ကပ်ရောဂါကြောင့် ရိုက်ကူးရေးကို ရပ်ဆိုင်းထားရမှာလားဆိုတဲ့ မေးခွန်းကိုလည်း မင်းသားက ဖြေဆိုခဲ့ပါတယ်။

သူက “ကမ္ဘာကြီး ရင်ဆိုင်နေရတဲ့ COVID – 19 ပြဿနာကြောင့် ကျနော်တို့ မသိနိုင်သေးပါဘူး။ ဒါပေမဲ့ ကျနော်တို့ ရိုက်ကူးမယ်ဆိုတာကတော့ သေချာပါတယ်” လို့ ဆိုပါတယ်။ Newsweek မီဒီယာရဲ့ အဆိုအရ “365 Days” နောက်ဆက်တွဲ ရုပ်ရှင်ရိုက်ကူးရေးကို ပထမဆုံးရုပ်ရှင်ထဲမှာ ပါဝင်ခဲ့တဲ့ Sicilian ဒေသမှာ လာမယ့် သြဂုတ်လကျရင် ရိုက်ကူးဖို့ စီစဉ်ထားတယ်လို့ ဆိုပါတယ်။

Change.org မှာလည်း မုဒိမ်းမှုဆိုင်ရာ ယဉ်ကျေးမှုကို အားပေးရာရောက်တဲ့အတွက် Netflix ကနေ ဖယ်ရှားပေးဖို့ တောင်းဆိုမှုတွေလည် တဖက်မှာ အရှိန်မြင့်လာခဲ့ပါတယ်။

Ref: metro

You may also like these stories:

အွန်လိုင်းပေါ်မှာ ရေပန်းစားနေတဲ့ မြန်မာ Sexy Model များ

ကလေးနို့ဘူးနဲ့ နို့သောက်နေဆဲလို့ ဖွင့်ဟလိုက်တဲ့ အင်ဒိုနီးရှားမင်းသမီး

“အလှအပနဲ့ အဖော်အချွတ်ပြတာမျိုး ဦးစားမပေးစေချင်ဘူး”

The post “365 Days” ရုပ်ရှင် နောက်ဆက်တွဲ ဇာတ်လမ်းကို ဖန်တီးနေပြီ appeared first on ဧရာဝတီ.

အမေရိကန်နိုင်ငံမှာ နေထိုင်နေတဲ့ သရုပ်ဆောင် ဥက္ကာမင်းမောင်က မြန်မာနိုင်ငံ ပြန်လာရင် သီချင်းအသစ်လေးတွေ ထွက်ဖို့ ကြိုတင်ပြင်ဆင်နေပြီလို့ သူရဲ့ Facebook အကောင့်မှာ ရေးသားထားပါတယ်။ အရင်က တကိုယ်တော်ခွေထွက်ခဲ့ဖူးပေမယ့် Music Video ရိုက်ကူးဖို့ ငွေကြေး မတတ်နိုင်တဲ့အတွက် မရိုက်ကူးဖြစ်ခဲ့ကြောင်း ဆိုပါတယ်။

“သီချင်း အသစ်တပုဒ်တော့ ရေးပြီးပြီ။ အတီးကို အပ်ထားတယ်။ စာသားနည်းနည်း ကြမ်းမယ်။ EDM ပုံစံလေးပါ။ ရန်ကုန် ပြန်လာတဲ့အခါ သွင်းမယ်။ ကိုယ့်အရင် “18” အခွေလည်း Music Video တပုဒ်မှ မရိုက်လိုက်ရဘူး။ သီချင်းတွေတီးတာ ၁၈ ပုဒ် လောက် ရှိတယ်။ အခွေထဲထည့်တာ ၁၂ ပုဒ်ပါ”

“ပိုက်ဆံတွေ သိန်း ၂၀၀ နီးပါးလောက် ရင်းပြီး Music Video အတွက် ထပ်မရင်းနိုင်တော့လို့၊ Music video ရိုက်ဖို့ သူငယ်ချင်းအဆိုတော်တွေမေးကြည့်တော့ တပုဒ်ကို ရိုက်ကူးကုန်ကျစရိတ် အောက်ထစ် သိန်း ၂၀ လောက်ကျတယ်တဲ့။ အလင်းရောင်က သူ့သီချင်းတပုဒ် ပြင်ဦးလွင် တက်ရိုက်ထားတာ သိန်း ၆၀ လောက်ကုန်တယ် ဆိုတော့ ကိုယ့်မှာလည်း အမလေး တပြီး လက်လျှော့လိုက်တယ်”လို့ ဥက္ကာမင်းမောင်က ပြောထားပါတယ်။

“18” လို့ အမည်ရတဲ့ တကိုယ်တော် ပထမအခွေ ထုတ်ခဲ့တုန်းက အမှတ်တရတွေကိုလည်း ဥက္ကာမင်းမောင်က အခုလို ဆိုထားပါသေးတယ်။

“ငယ်ငယ်က ကာရာအိုကေတွေမှာ သရုပ်ဆောင်ခဲ့သလို စုံတွဲတွေ ဟိုပြေးဒီပြေး ရိုးရိုးကြီးတွေလည်း မရိုက်ချင်ဘူး။ ကိုယ်လုပ်ချင်တဲ့ အိုင်ဒီယာအဆန်းတွေ Production ပိုင်းတွေက ပိုက်ဆံကုန်ပေါက်တွေချည်းပဲ။ စိတ်လျှော့လိုက်ပါတယ်။ ခေတ်က အွန်လိုင်းပဲ တင်ရတဲ့ခေတ် ဆိုတော့ Music Video အတွက် သုံးတဲ့ပိုက်ဆံက ပြန်မှ မရတာလေ။ နာမည်ကြီး အဆိုတော် မဟုတ်တော့ ရှာရ ပိုခက်တယ်”

“ကံကောင်းလို့ အခွေထုတ်ပြီး နယ်ပွဲတချို့ လာငှားတော့ လိုက်ဆိုပြီး အခွေအတွက် သုံးခဲ့တာ ပြန်ရှာခဲ့တာ ၃ ပုံ ၁ ပုံ လောက်တော့ ပြန်ရခဲ့တယ်။ ဒါပေမဲ့ ကိုယ်က မြန်မာပြည်မှာ အမြဲနေတဲ့သူ မဟုတ်တော့ ပွဲတွေ လိုက်ဆိုဖို့ အဆင်မပြေပါဘူး။ ဘယ်နယ်မှလည်း ပရိုမိုးရှင်း မဆင်းနိုင်ခဲ့ဘူး။ နယ်တွေမှာ လက်မှတ်ထိုးဖို့က မင်းသား၊ မင်းသမီး၊ အဆိုတော်၊ သူငယ်ချင်းတွေကို စရိတ်စက တာဝန်ယူပြီး ခေါ်သွားရတာလေ” လို့ ဥက္ကာမင်းမောင်က ပြောပါတယ်။

ဂီတကို ဝါသနာပါသူဖြစ်တာကြောင့် သီချင်းတွေကိုလည်း အွန်လိုင်းကနေ တင်ပေးမယ်လို့ ဥက္ကာမင်းမောင်က ဆိုပါတယ်။

“အခွေရောင်းရတာထက် ပွဲလုပ်တဲ့စရိတ်တွေ အသုံးစရိတ်တွေက ပိုများတော့ မတတ်နိုင်ခဲ့ဘူး။ ဒီတခါတော့ Music Video လေးပါ ရအောင် ရိုက်မယ်။ ခေတ်ကာလက တပုဒ်ချင်းစီ အွန်လိုင်းတင်တဲ့ခေတ် ရောက်သွားတော့ ကောင်းပါတယ်။ ဝါသနာ ဝါသနာ၊ ဒီသီချင်းလေးကတော့ မြူးမြူးကြမ်းကြမ်း ညစ်တီးညစ်ပတ်လေးပေါ့”လို့ ဥက္ကာမင်းမောင် ကပြောပါတယ်။

သရုပ်ဆောင် ဥက္ကာမင်းမောင်ဟာ လက်ရှိ အမေရိကန်နိုင်ငံမှာ နေထိုင်နေပြီး သူကတော့ Mister Tourism World 2016 Winner ဆုကို ရရှိ ပိုင်ဆိုင်ထားသူပါ။

အနုပညာလှုပ်ရှားမှုအနေနဲ့ သရုပ်ဆောင် အလုပ်ကော၊ ဂီတအလုပ်ပါ လုပ်ကိုင်ခဲ့ပြီး “18 Album” ဆိုတဲ့ တကိုယ်တော် အခွေလည်း ထွက်ရှိထားပါတယ်။ သူဟာ အမေရိကန် ရုပ်ရှင်ဇာတ်ကားတကားဖြစ်တဲ့ “Dead Of Night” Short Film မှာလည်း ပါဝင် သရုပ်ဆောင်ထားပါသေးတယ်။

You may also like these stories:

“365 Days” ရုပ်ရှင် နောက်ဆက်တွဲ ဇာတ်လမ်းကို ဖန်တီးနေပြီ

ကလေးနို့ဘူးနဲ့ နို့သောက်နေဆဲလို့ ဖွင့်ဟလိုက်တဲ့ အင်ဒိုနီးရှားမင်းသမီး

ဝူဟန်မြို့အခြေအနေ ပုံမှန်အတိုင်း ပြန်ဖြစ်လာ

The post ပိုက်ဆံ မရင်းနှီးနိုင်လို့ Music Video မထွက်ခဲ့တာလို့ ဥက္ကာမင်းမောင် ပြော appeared first on ဧရာဝတီ.

စာရေးဆရာမ စန္ဒာရဲ့ ဝတ္ထု “ဂျီဟောသူ” ကို ဇာတ်လမ်းတွဲအဖြစ် ပြန်လည် ရိုက်ကူးထားပြီး လက်ရှိ MRTV-4 ရုပ်သံလိုင်းမှာ ပြသနေပါတယ်။ ဒီဇာတ်လမ်းတွဲမှာတော့ ကာရိုက်တာအရ ညိုထွေးဖြစ်ရင်ကိုပဲ ကျေနပ်ပြီလို့ မေမီကိုကိုက ဧရာဝတီကို ပြောပါတယ်။

“ညိုထွေးက အခုလက်ရှိ အချိန်ထိဆိုရင် မြိုင်လောက်တော့ မရှိသေးဘူး ခံစားရတယ်။ နောက်ပိုင်းဆက်ကြည့်ရဦးမယ်။ ညိုထွေးဖြစ်ရင်ကို ကျေနပ်ပါပြီ။ ဘာမှကြီးကြီးမားမားလည်း မမျှော်လင့်ထားပါဘူး။ ညိုထွေး ကာရိုက်တာမှာ ကိုယ့်ကို တာဝန်ကျေတယ်လို့ သတ်မှတ်ပေးရင်တော့ ကိုယ့်အတွက် ပီတိနဲ့ တာဝန်ကျေတယ်ပေါ့” လို့ မေမီကိုကိုက ပြောပါတယ်။

မေမီကိုကိုဆိုပြီး ပရိသတ်ရင်ထဲ ရောက်သွားစေတဲ့ “ပျားရည်အိုင်” ဇာတ်လမ်းတွဲမှာတော့ ကာရိုက်တာအရမ်းမများတဲ့အတွက် သိဖို့လွယ်ခဲ့ပြီး “ဂျီဟောသူ” ထဲမှာတော့ ကာရိုက်တာတွေက များတာကြောင့် စန်းရှိတဲ့သူက ပိုနာမည်ရသွားမှာ ဖြစ်တယ်လို့ ဆိုပါတယ်။

“ပျားရည်အိုင်ကကျတော့ ဇာတ်ကို ဆောင်တဲ့ သဘောပေါ့လေ။ ကာရိုက်တာတွေကလည်း အရမ်းကြီးမများဘူး။ ဒီမှာကျတော့ ကာရိုက်တာတွေ အရမ်းများတော့လေ။ စန်းရှိသလောက်ပေါ့လေ။ မေမီလည်း ပါတော့ပါနေတာပဲ။ ဒါပေမဲ့ Tempo တွေကျတော့ သက်သက်ကြီး ချော်ထွက်နေတာတွေ မရှိဘူး”

“အရမ်းကြီး ဇာတ်ကို ဆောင်သွားတာ မရှိဘူး။ တဖွဲ့လုံး ကြိုးစားထားတယ်။ အကုန်လုံးကို အသိအမှတ် ပြုစေချင်တယ်။ ဒီထဲမှာမှ စန်းရှိတဲ့သူ ဘယ်ကာရိုက်တာပဲဖြစ်ဖြစ် စန်းရှိတဲ့သူကတော့ ပိုနာမည်ရသွားမှာပေါ့” လို့ မေမီကိုကိုက ပြောပါတယ်။

ညိုထွေး ကာရိုက်တာကို လွန်ခဲ့တဲ့ ၁ နှစ်က ရိုက်ကူးထားတာဖြစ်ပြီး ဇာတ်လမ်းတွဲအနေနဲ့ ပြန်မြင်ရတဲ့အခါမှာတော့ အထူးအဆန်းအနေနဲ့ ဖြစ်မိတယ်လို့ ဆိုပါတယ်။

“ညိုထွေး ကာရိုက်တာကို ရိုက်ခဲ့တာလည်း တနှစ်လောက်ရှိပြီဆိုတော့ ပြန်မြင်ရတော့ အထူးအဆန်းလည်း ဖြစ်တယ်။ မေမီတို့ ရိုက်တုန်းက တခြားသူတွေ ရိုက်တာကို မမြင်ရတဲ့ရက်တွေလည်း ရှိတယ်။ အခုကျတော့ ကိုယ်ရိုက်ထားတာပဲ မဟုတ်ဘူး။ အစုံမြင်ရတာကြောင့် အထူးအဆန်းဖြစ်တယ်။ အရင်ခေတ်ကို ကြည့်နေရသလိုပဲ။ အရင်ခေတ်ကို ပြန်ခံစားနေရတာပေါ့” လို့ မေမီကိုကိုက ပြောပါတယ်။

“ဂျီဟောသူ” ဇာတ်လမ်းတွဲ ရိုက်ဖို့အတွက် လေ့ကျင့်မှုများ၊ ပြင်ဆင်မှုများစွာ လုပ်ခဲ့ရတယ်လို့ သိရပါတယ်။

“မေမီတို့ဆိုရင် ဒီကားအတွက် ဘော်လီဘော သင်တန်းတွေ တက်ရတယ်။ ဆရာ ဦးငြိမ်းမင်းနဲ့လည်း Training တွေ၊ စကားအပြောအဆိုတွေ ကဗျာရွတ်တဲ့အခါ လေယူလေသိမ်းတွေ အဖြတ်အတောက်တွေပေါ့။ အဖြတ်အတောက်တွေကျတော့ မသိဘူးလေ။ ဒီခေတ် ကဗျာတောင် အဖြတ်အတောက်က ကောင်းကောင်း မသိဘူး။ အရင်ခေတ်က ကဗျာဆိုတော့ ဆရာနဲ့ မေးဖြစ်တာပေါ့” လို့ မေမီကိုကိုက ပြောပါတယ်။

ဆက်လက်ပြီး “မိတ်ကပ်ကျတော့ ဝတ္ထုထဲက အတိုင်းပဲလေ။ အစကတည်းက သေချာ စီစဉ်ထားတဲ့ပဲ။ ဘာမှ လိမ်းခွင့်မရှိဘူး။ ဘာမှ မလိမ်းရဘူးဆိုပေမယ့် အိမ်ကနေ မျက်နှာသစ်ပြီးသွားလို့လည်း မရဘူး။ ကင်မရာထဲမှာ မေမီတို့၊ အသားညီတာ၊ မညီတာက မတူတော့ တယောက်နဲ့ တယောက် တူသွားအောင် ဖောင်ဒေးရှင်းတို့ လိမ်းရတယ်”

“မျက်ခုံးမွေး ပေးမဆွဲဘူး။ ရှိတဲ့ မျက်ခုံးကိုလည်း မရိတ်ခိုင်းဘူး။ နှုတ်ခမ်းနီဆိုလည်း သဘာဝကျတဲ့အရောင်ပဲ ဆိုးရတယ်။ မျက်တောင်ဆိုရင် အဓိက မျက်လုံးနဲ့ သရုပ်ဆောင်ရတာဆိုတော့ နည်းနည်းပဲကော့ခိုင်းတယ်။ ကျန်တာက သနပ်ခါးပဲ။ ကာလာတွေခြယ်လို့ မရဘူး” လို့ မေမီကိုကိုက ပြောပါတယ်။

“ဂျီဟောသူ” ဇာတ်လမ်းတွဲကတော့ လက်ရှိအချိန်မှာတော့ အပိုင်း ၈ ပိုင်းအထိ ပြသပြီး ဖြစ်ပါတယ်။

You may also like these stories:

ပိုက်ဆံ မရင်းနှီးနိုင်လို့ Music Video မထွက်ခဲ့တာလို့ ဥက္ကာမင်းမောင် ပြော

“365 Days” ရုပ်ရှင် နောက်ဆက်တွဲ ဇာတ်လမ်းကို ဖန်တီးနေပြီ

အွန်လိုင်းပေါ်မှာ ရေပန်းစားနေတဲ့ မြန်မာ Sexy Model များ

The post “ဂျီဟောသူမှာ ညိုထွေးဖြစ်ရင်ပဲ ကျေနပ်ပြီ”လို့ မေမီကိုကို ပြော appeared first on ဧရာဝတီ.