သရုပ်ဆောင် မေမြင့်မိုရ်ရဲ့ မောင်လေး သျှင်းမြတ်ကတော့ အနုပညာလှုပ်ရှားမှုတွေမှာ အစ်မဖြစ်သူကြောင့် မျက်နှာ မငယ်ရပေမယ့် သူ့နာမည် သျှင်းမြတ်အနေနဲ့လည်း လူသိအောင် ကြိုးစားသွားမယ်လို့ ဆိုပါတယ်။

“အစ်မ မေမြင့်မိုရ်က အခုဆိုရင် အနုပညာလောကမှာ နေရာ တနေရာ ရနေပြီ။ သူကြောင့်ပဲ ကျနော့်ရဲ့ အနုပညာလှုပ်ရှားမှုတွေမှာဆိုရင် မျက်နှာ မငယ်ရဘူးပေါ့။ တဖက်က ကြည့်မယ် ဆိုရင်လည်း မေမြင့်မိုရ်ရဲ့ မောင်လေးအနေနဲ့ သိကြတာပေါ့နော်။ ဒါကြောင့် သျှင်းမြတ်အနေနဲ့ သိရအောင်လို့လည်း ကြိုးစားသွားဦးမှာပါ”လို့ သျှင်းမြတ်က ပြောပါတယ်။

အစ်မဖြစ်သူ မေမြင့်မိုရ်နဲ့လည်း ဇာတ်ကား အတူတွဲရိုက်ဖို့ အခြေအနေ မရှိသေးပေမယ့် ဘဝမှာ အမှတ်တရဖြစ်အောင် ဇာတ်ကား အတူရိုက်ချင်တယ်လို့ ဆိုပါတယ်။

“အစ်မနဲ့ ဇာတ်ကား အတူတွဲရိုက်ဖို့ အခြေအနေက လောလောဆယ် မရှိသေးဘူး။ အတူ တွဲရိုက်သင့်တယ်လို့လည်း ထင်ပါတယ်။ အစ်မနဲ့အတူ အနုပညာအလုပ်တွေ လုပ်လာတာကြာလည်း ကြာပြီဆိုတော့ ဘဝမှာ အမှတ်တရလေးဖြစ်အောင် ဆုံဖူးချင်ပါတယ်။ ကျနော်လည်း အခုဆို ဇာတ်လမ်းတွဲ ၃ ခု ရိုက်ဖူးတယ်။ ရုပ်ရှင်ဇာတ်ကားကြီး ၁ ကား ရိုက်ဖူးတယ်”

“ကျနော် လုပ်ချင်တဲ့ ကာရိုက်တာတွေလည်း အများကြီး ရှိသေးတယ်။ အခွင့်အရေး ရလာရင်လည်း အများကြီး ကြိုးစားမှာပါ ”လို့ သျှင်းမြတ်က ပြောပါတယ်။

သျှင်းမြတ်ကတော့ ကိုဗစ်ကာလ မတိုင်ခင်က “ဧဒင် Challenge” ဆိုတဲ့ ဇာတ်လမ်းတွဲ ရိုက်ကူးခဲ့ပြီး လက်ရှိမှာတော့ ရိုက်ကူးရေးတွေ ရပ်နားထားတာ ၂ လ၊ ၃ လခန့် ရှိပြီလို့ ပြောပါတယ်။

“အခုက ကျနော် “ဧဒင် Challenge” ဆိုတာလေး ရိုက်နေတာပေါ့။ အဲ့အချိန်မှာ ကိုဗစ်ဖြစ်သွားတော့ လုံးဝ နားလိုက်တာ ၂ လ၊ ၃ လလောက် ရှိနေပြီ။ ပြန်လည်း ရိုက်ချင်နေပါပြီ။ ဧဒင် Challenge က လူငယ် ဖန်စီကားလေးပါ။ ပရိသတ်ချစ်တဲ့ အနုပညာရှင်တွေလည်း ပါတယ်။ ကျနော်က အဲ့ကားထဲမှာ မိုးစက်ဆိုတဲ့ ဂီတကို ရူးသွပ်တဲ့ ကောင်လေးတယောက် အနေနဲ့ တွေ့ရမှာပါ။ လူငယ်နှစ်ဖွဲ့ပြိုင်တဲ့ ကားလေးပေါ့”လို့ သျှင်းမြတ်က ပြောပါတယ်။

ကိုယ်တိုင်လည်း ဇာတ်လမ်းတွဲတွေ လွှင့်တဲ့အခါ ပြန်ကြည့်ပြီး ဘာတွေ လိုအပ်လဲဆိုတာ လိုအပ်ချက်တွေ ပြန်သုံးသပ်တယ်လို့ ဆိုပါတယ်။

“ကျနော် အလုပ်တခုပြီးရင် ကိုယ့်ကိုယ်ကိုယ် ပြန်သုံးသပ်တယ်။ အကောင်းဆုံးတော့ ကြိုးစားလုပ်ခဲ့ပေမယ့် တကယ် သေချာလုပ်ခဲ့လား၊ ဘာတွေ လိုအပ်လဲဆိုတာ ပြန်သုံးသပ်တယ်။ ထွက်လာလို့ ပြန်ကြည့်ရင် လိုအပ်ချက်လေးတွေတော့ တွေ့ တာပေါ့။ အနုပညာဝမ်းစာကိုတော့ ကိုယ့်စီနီယာ အစ်ကို၊ အစ်မတွေဆီက လေ့လာတယ်။ ပညာယူတယ်။ အစ်မကိုလည်း တိုင်ပင်ဖြစ်တယ်”လို့ သျှင်းမြတ်က ပြောပါတယ်။

You may also like these stories:

မိုးအောင်ရင်ဘက်မှ သက်သေများအား ရုံးချိန်း ၇ ချိန်းဖြင့် စစ်ဆေးမည်

Personal Attack လုပ်ခံရတဲ့အကြောင်း ရင်ဖွင့်ခဲ့တဲ့ အဆိုတော် Mary

နေကြာဆီရဲ့ Brand Ambassador ခန့်အပ်ခံရလို့ ဝမ်းသာနေတဲ့ ညီနန္ဒ

The post “သျှင်းမြတ်အနေနဲ့ လူသိအောင် ကြိုးစားသွားမယ်” appeared first on ဧရာဝတီ.

အနုပညာအလုပ်တွေ ရပ်နားပြီး သာသနာ့ဘောင်ထဲ အပြီးတိုင်ဝင်သွားခဲ့တဲ့ ဥူးဇင်း ဦးကိတ္တိသာရ (သရုပ်ဆောင် အကယ်ဒမီ ကျော်ဟိန်း) ပျံလွန်တော်မူသွားတဲ့အပေါ် အနုပညာရှင်များရဲ့ ဝမ်းနည်းစကားများကို ဧရာဝတီက အခုလို မေးမြန်းထားပါတယ်။

သရုပ်ဆောင် ချိုပြုံး

“မေချိုရဲ့ အချစ်ဆုံးရဆုံး သူငယ်ချင်းပါ။ အခုလို ကွယ်လွန်တဲ့ သတင်းကြားတော့ စိတ်မကောင်းဘူး။ ဘယ်လို ပြောပြရမှန်းတောင် မသိဘူး။ မေချို ထမင်းတောင် မစားနိုင်ဘူး။ သူနဲ့ ဇာတ်ကား အများကြီး တွဲရိုက်ခဲ့တာပါ။ အမှတ်တရတွေလည်း အများကြီးပဲ။ အရမ်း စိတ်မကောင်းဖြစ်ရတယ်။ မနက်ဖြန် သူ့အတွက် ဝါဆို သင်္ကန်းလေး ကပ်ပြီး အလှူလေး လုပ်ပေးမယ်”

သရုပ်ဆောင် လူမင်း

“ဦးကျော်ဟိန်းဆိုတာ ဒီနေ့ ဒီချိန်ထိ စံထားပြီး အတုယူ လေးစားရတဲ့ တကယ့် ဝါရင့် သမ္ဘာရင့်၊ သရုပ်ဆောင်နဲ့ ပတ်သက်ရင် တဖက်ကမ်းခပ် တော်တဲ့ အနုပညာရှင်တယောက်ပေါ့။ သူ့ဘဝကိုလည်း အပြောင်းအလဲကို စိတ်နိုင်စွာ သာသနာ့ဘောင် ဝင်ရောက်သွားတယ်။ ရဟန်းဝတ်နဲ့ပဲ ဘဝတပါး ပြောင်းသွားတယ်။ သူကွယ်လွန်သွားတဲ့အထိ သူ့အကြောင်းကတော့ ပြောလို့ ဆုံးမှာ မဟုတ်ဘူး”

“နာမည်ကျန်ရစ်ဦးမယ့် အနုပညာရှင်တယောက်ပါ။ ကျန်းမာရေး မကောင်းတာတော့ သတင်းကြားပါတယ်။ အခုလောက် စောစောဖြစ်လိမ့်မယ်လို့ မမျှော်လင့်ထားဘူး။ အခုလို အနုပညာရှင် ကြွေလွင့်တဲ့ အတွက်လည်း စိတ်မကောင်း နှမြောတသ ဖြစ်ရပါတယ်”လို့ လူမင်းက ပြောပါတယ်။

သရုပ်ဆောင် ကျော်ကျော်ဗိုလ်

“ကျနော်တို့ အနုပညာလောကအတွက် ဆုံးရှုံးမှု တခုပါပဲ။ ကျနော်တို့ရဲ့ အနုပညာဖြတ်သန်းမှု ဘဝအစမှာ ဦးကျော်ဟိန်းက ကျနော်တို့ကို ကူညီခဲ့တယ်၊ ဖေးမခဲ့တယ်။ သင်ကြား ပြသခဲ့တယ်။ ကျနော့်ရဲ့ လက်ဦးဆရာထဲမှာလည်း ပါတယ်။ ငြိမ်းငြိမ်းချမ်းချမ်းနဲ့ အနားယူသွားတယ်လို့ ကျနော်တို့ကသတ်မှတ်ပါတယ်။ ကျနော်ရဲ့ ပထမဆုံး ဇာတ်ကားက ဦးကျော်ဟိန်းနဲ့ ရိုက်တဲ့ကား၊ ကျနော့်အတွက် အမှတ်တရပေါ့။ အခုလို ကွယ်လွန်သွားတဲ့အတွက်လည်း စိတ်မကောင်းဖြစ်ရပါတယ်”

သရုပ်ဆောင် ဘိုမ

“ဦးကျော်ဟိန်း ကွယ်လွန်သွားတာ သိရတော့ အရမ်းစိတ်မကောင်းဖြစ်ရပါတယ်။ သင်ဆရာ၊ မြင်ဆရာတွေထဲက ဆရာတယောက်ပါ။ အခုလို ဆုံးသွားတော့ အရမ်းဝမ်းနည်းရပါတယ်။ ဦးကျော်ဟိန်းနဲ့ အမှတ်တရ ဆိုရင် ဦးကျော် ဆုံးမတာလေးပေါ့။ “အလုပ်တခု လုပ်ရင် အောင်မြင်အောင် လုပ်ရမယ်၊ အောင်မြင်ပြီးသွားရင်လည်း ကျရှုံးမှု မဖြစ်အောင် ထိန်းသိမ်းရမယ်။” ဦးကျော်က အဲ့လိုလေး ဆုံးမတာတွေ အရမ်းသတိရတယ်”လို့ ဘိုမက ပြောပါတယ်။

သြစတေးလျနိုင်ငံမှာ သီတင်းသုံး နေထိုင်ခဲ့တဲ့ ဆရာတော် ဦးကိတ္တိသာရ (မင်းသားကြီး ကျော်ဟိန်း) ဟာ သက်တော် ၇၃ နှစ်၊ ဝါတော် ၁၂ ဝါ ရှိပြီဖြစ်ပြီး ယနေ့၊ ဇူလိုင်လ ၁၁ ရက်နေ့၊ မြန်မာစံတော်ချိန် မနက် ၉ နာရီ ၂၇ မိနစ်မှာ ၉၆ ပါးရောဂါနဲ့ ပျံလွန်တော်မူ သွားခဲ့တာ ဖြစ်ပါတယ်။ တိုက်ဆိုင်စွာပဲ ဒီနေ့ဟာ သရုပ်ဆောင် ဒွေး (ခ) ကိုသားကြီး ကွယ်လွန်ခြင်း ၁၃ နှစ်ပြည့်နေ့လည်း ဖြစ်ပါတယ်။

You may also like these stories:

မင်းသားကြီး ကျော်ဟိန်းရဲ့ ဘဝအကြောင်း

The post ဦးကိတ္တိသာရ (ကျော်ဟိန်း) အပေါ် အနုပညာရှင်များရဲ့ ဝမ်းနည်းစကား appeared first on ဧရာဝတီ.

နာမည်ကျော် ဘောလိဝုဒ်မင်းသားကြီး အမီတာဘဂျမ်းဟာ COVID-19 ကူးစက်ခံခဲ့ရကြောင်း ဆေးစစ်အဖြေ ထွက်ခဲ့ပြီးတဲ့နောက် မွမ်ဘိုင်းမြို့မှာရှိတဲ့ ဆေးရုံတခုမှာ တက်ရောက် ကုသမှုခံယူခဲ့ရတယ်လို့သိရပါတယ်။

အသက် ၇၇ နှစ်အရွယ်၊ မင်းသားကြီး အမီတာဘဂျမ်းဟာ အဲ့ဒီသတင်းကို Twitter ကနေ  အတည်ပြုခဲ့တာဖြစ်ပြီး သူ့ရဲ့ မိသားစုနဲ့ ဝန်ထမ်းတွေလည်း ဆေးစစ်ခံထားရတယ်လို့ ဆိုပါတယ်။ မင်းသားကြီးရဲ့သားဖြစ်သူ မင်းသား Abhishek Bachchan ဟာလည်း COVID-19 ကူးစက်ခံထားရကြောင်း ဆေးစစ်အဖြေ ထွက်ထားတယ်လို့ သိရပါတယ်။

မင်းသားကြီး ဘဂျမ်းက “ကျနော် COVID-19 ရောဂါ Positive စမ်းသပ် တွေ့ရှိပါတယ်။ ဆေးရုံတက်ခဲ့ရပါတယ်။ မိသားစုနဲ့ ဝန်ထမ်းတွေ ဆေးကုသမှုခံယူဖို့ ဆေးရုံကနေ အာဏာပိုင်တွေဆီ သတင်းပို့ပါတယ်။ ရလဒ်တွေကို စောင့်နေဆဲပါ။ လွန်ခဲ့တဲ့ ၁၀ ရက်အတွင်း ကျနော်နဲ့ အနီးကပ် ထိတွေ့ခဲ့တဲ့သူအားလုံးကို စမ်းသပ်မှုခံယူဖို့ မေတ္တာရပ်ခံထားပါတယ်”လို့ ပြီးခဲ့တဲ့ ဇူလိုင်လ ၁၁ ရက် ညပိုင်းမှာပြောဆိုခဲ့ပါတယ်။

ဆေးရုံမှာ ရှိနေတဲ့ သတင်းရင်းမြစ်တွေရဲ့အဆိုအရ မင်းသားကြီးဟာ အသက်ရှုရ ခက်ခဲမှုနဲ့ ရင်ဆိုင်နေရတယ်လို့ သိရပါတယ်။

ဆေးရုံမှ ဆရာဝန်တဦးက “သူဟာ အသေးစား အသက်ရှုရ ခက်ခဲတာမျိုး ရှိနေပေမယ့် တည်ငြိမ်ပါတယ်။ ဒါပေမဲ့ တီဘီရောဂါအပါအဝင် အရင်က ရောဂါအခံနဲ့ သူ့ရဲ့ အသက်အရွယ်ကြောင့် သူ့အခြေအနေဟာ ပိုဆိုးရွားလာနိုင်ပါတယ်”လို့ ပြောဆိုခဲ့ပါတယ်။

ပြီးခဲ့တဲ့ ဇူလိုင်လ ၁၁ ရက်၊ ည ၁၀ နာရီလောက်မှာ သူ့ကို ဆေးရုံတင်ခဲ့တာလည်းဖြစ်ပါတယ်။ တခြားဘောလိဝုဒ်သရုပ်ဆောင်တွေနဲ့ လုပ်ဖော်ကိုင်ဖက်တွေက မင်းသားကြီး အမြန်ဆုံး ပြန်လည်သက်သာလာ စေရေးအတွက် ဆုမွန်ကောင်းတောင်းပေးခဲ့ကြပါတယ်။

အိန္ဒိယကျန်းမာရေးဝန်ကြီး Harsh Vardhan က “ခင်ရတဲ့ အမီတာကြီးရေ၊ ခင်ဗျားအမြန်ဆုံး ပြန်လည်သက်သာစေရဖို့ ဆုတောင်းကြတဲ့ တနိုင်ငံလုံးနဲ့ ကျနော် ပူးပေါင်းပါတယ်။ ခင်ဗျားဟာ ဒီနိုင်ငံက လူသန်းပေါင်းများစွာရဲ့ Idol လည်း ဖြစ်ပါတယ်။ ထင်ရှားတဲ့ စူပါစတားလည်းဖြစ်ပါတယ်။ ကျနော်တို့အားလုံး ခင်ဗျားကို အကောင်းဆုံး စောင့်ရှောက်ပါ့မယ်။ အမြန်ဆုံး ပြန်လည်သက်သာလာပါစေဖို့ဆုတောင်းပေးလိုက်ပါတယ်” လို့ ရေးသားခဲ့ပါတယ်။

မင်းသားကြီးနဲ့အတူ “Pink” နဲ့ “Badla” ရုပ်ရှင်တွေမှာ အတူပါဝင်ခဲ့တဲ့ မင်းသမီး Taapsee Pannu က “အမြန်ဆုံး ကျန်းမာပျော်ရွှင်ပါစေ” လို့ ဆုတောင်းပေးခဲ့သလို မင်းသား Sonu Sood ကလည်း “ဆရာ အမြန်ဆုံး သက်သာပါစေ”လို့ ပြောဆိုခဲ့ပါတယ်။

မင်းသားကြီးဟာ အခုနောက်ဆုံး Amazon Prime ကနေပြသခဲ့တဲ့ “Gulabo Sitabo” ရုပ်ရှင်မှာ ပါဝင်ထားပါတယ်။ သူ့ရဲ့ ရုပ်ရှင်သစ်နှစ်ကားဖြစ်တဲ့ “Jhund” နဲ့ “Chehre” တို့ဟာလည်း ပြသဖို့ အဆင်သင့်ဖြစ်နေပါပြီ။ သူဟာ မင်းသား Ranbir Kapoor ၊ မင်းသမီး Alia Bhatt တို့နဲ့အတူ “Brahmastra” ရုပ်ရှင်မှာ ပါဝင်သရုပ်ဆောင်နေပါတယ်။

Ref: hindustantimes

The post မင်းသားကြီး အမီတာဘဂျမ်း COVID-19 ကူးစက်ခံရ appeared first on ဧရာဝတီ.

ပြည်သူတွေအားလုံး ချစ်ခင် အားပေးရတဲ့ မင်းသားကြီး ကျော်ဟိန်း (ဆရာတော် ဦးကိတ္တိသာရ) ဟာ ဇူလိုင် ၁၁ ရက်နေ့၊ မြန်မာစံတော်ချိန် မနက် ၉ နာရီ ၂၇ မိနစ် အချိန်က ဩစတေးလျနိုင်ငံ၊ ကင်မ်ဘာရာမြို့မှာ ပျံလွန်တော်မူသွားခဲ့ပါတယ်။

ထိတ်ထိတ်ကြဲ စွယ်စုံရ အနုပညာရှင်တဦး ဖြစ်ခဲ့တဲ့ မင်းသားကြီး ကျော်ဟိန်း ဆုံးရှုံးမှုအပေါ် အနုပညာလောကသားတွေက ကြေကွဲ ဝမ်းနည်း နှမြောတသ ဖြစ်နေကြပါတယ်။ ဦးကိတ္တိသာရ (မင်းသား ကျော်ဟိန်း) အပေါ် အနုပညာရှင်များရဲ့ ဝမ်းနည်းစကားများကို စုစည်း ဖော်ပြ လိုက်ပါတယ်။

“ကျောင်းသူ ဘဝကနေ သရုပ်ဆောင် မို့မို့မြင့်အောင် ဖြစ်အောင် အနုပညာတွေ တတ်အောင် သင်ပေးတဲ့၊ ခွန်အားတွေပေးတဲ့ လမ်းပြကြယ်ကြီးပါ။ မို့အတွက် ဆုံးရှုံးမှု အကြီးကြီးပါပဲ။ မို့ အနုပညာမှာဈေးကွက်ပြောရင် မိန်းမ ကျော်ဟိန်းလို့ တင်စားခံရပါတယ်။ မို့ ဆရာတွေ မရှိတော့ဘူး။ ဆရာ မောင်တင်ဦးလည်း ဆုံးပြီ။ အခု ဆရာ ဘုန်းဘုန်းကြီး ကျော်ဟိန်းလည်း ဆုံးပြီ။ မို့ ခံစားလိုက်ရတာ။ ဆုံးရှုံးလိုက်ရတာ”

“မို့နဲ့ ကားရိုက်ရင် ငိုတဲ့အခန်းပါရင် မို့က မျက်ရည်အစစ်နဲ့ ငိုတော့ နှပ်တွေထွက်လို့ နှပ်ညှစ်ရင် ကျေနပ်တဲ့အပြုံးနဲ့ အရမ်းကောင်း နို့ဆီတွေ ရမယ်ဆိုပြီး စတတ်တဲ့ အသံကို ကြားနေတုန်းပါ။ ဘုန်းကြီးဝတ်နဲ့ နောက်ဆုံး ဘုန်းဘုန်းကြီးဘဝနဲ့ တွေ့ရတော့ တွေ့တွေ့ချင်း သမီး အနုပညာတွေလောဘ မကြီးနဲ့နော်လို့ဆူမယ် အောက်မေ့တာ”

“သမီးမို့မို့ အနုပညာတွေ ရပ်မပစ်နဲ့နော်။ ဆက်လုပ်ရမယ်လို့ သတိတွေ တွန်းအားတွေ အများကြီးနဲ့ ပြောတာ မို့ တအံ့တသြ ဖြစ်ရပါတယ်။ အဲဒီတုန်းကလည်း တဝကြီး ငိုခဲ့ရသေးတယ်။ အခုလည်း တဝကြီး ငိုပါရစေ”လို့ အကယ်ဒမီများရှင် မို့မို့မြင့်အောင်က ဝမ်းနည်းစကား ဆိုထားပါတယ်။

“ဘဝမှာ ဇာတ်ကား တကားပဲ ဦးကျော်ဟိန်းနဲ့ ဆုံခဲ့ဖူးတယ်။ ကိုယ်အရမ်း လေးစားအားကျရသော သူ၊ အနုပညာရှင်အသစ်လေးတွေ များစွာကို မြေတောင် မြှောက်ပေးခဲ့တဲ့သူ၊ ပြည်သူတွေအတွက် ပညာရစေမယ့် ဇာတ်ကားပေါင်းများစွာ ရိုက်ခဲ့ပြီး ပြည်သူတွေရဲ့ ဘဝတွေကို ပြောင်းလဲစေခဲ့တဲ့သူ၊ ရုပ်ရှင်လောကမှာလည်း ပြောင်းလဲခြင်းတွေ လုပ်ပေးခဲ့တဲ့သူ”

“သူ့ရဲ့ သရုပ်ဆောင်ပညာရပ်ဟာ နှစ်ယောက် မရှိအောင် တော်လွန်းတဲ့သူ၊ ရုပ်ရှင်လောကကနေ ထွက်ခွာပြီး ဘုန်းကြီးဝတ်သွားတော့လည်း သူ့ဘဝအတွက် သံသရာ ဘဝအဆက်ဆက်အတွက် ဝတ်သွားတယ်ဆိုပေမယ့် ကိုယ်ကလည်း သူ့ပရိတ်သတ် ဆိုတော့ သူ့ရဲ့ ရုပ်ရှင်သစ်တွေ ဆက်မကြည့်ရတော့ ဘူးဆိုတာကြောင့် ဝမ်းသာဝမ်းနည်း ဖြစ်ခဲ့ရတယ်”လို့ ဥက္ကာမင်းမောင်က ဆိုထားပါတယ်။

ဆက်လက်ပြီး “အဲ့လို လူ့ဘောင် လောကကို လုံးဝ စွန့်ပစ်ဖို့က မလွယ်ဘူးလေ။ တကယ်ကို လေးစားစရာပါ။ သူ့ဘဝမှာ သူလုပ်ချင်တာတွေချည်းပဲ သူလုပ်သွားတာ။ အရမ်းလည်း တော်တဲ့ တန်ဖိုးရှိတဲ့ သူတယောက်၊ အခုလို ဘဝတပါးသို့ ပြောင်းပြီး ပျံလွန်တော်မူသွားတယ်ဆိုတဲ့ သတင်းကြားတော့ စိတ်ထဲ တော်တော် မကောင်းလိုက်တာ”

“သူ့ရဲ့ နာမည် ဂုဏ်သတင်းနဲ့ သူရေးခဲ့တဲ့ သမိုင်းဟာ လူသေပေမယ့် ဘယ်တော့မှ တိမ်မြှုပ် ပျောက်ကွယ်သွားမှာ မဟုတ်ပါဘူး။ သူနဲ့ ဆုံခွင့်ရခဲ့တာ ကံကောင်းတယ်လို့ ခံစားရတယ်။ “ဘာ” ဆိုတဲ့ ဇာတ်ကားလေး ရိုက်ခဲ့တဲ့အချိန်တွေကိုလည်း အခုထိ အမှတ်ရနေဆဲပါ။ အဲ့ဇာတ်ကားမှာ ငိုလိုက်ရတာဆိုတာ ငိုခန်းတွေ အများကြီးပဲ။ မှတ်မိသေးတယ်။ ကောင်းရာ သုဂတိလားပါစေ။ ဖြစ်လေရာ ဘဝမှာ အေးချမ်းပါစေ”လို့ ဥက္ကာမင်းမောင်က ဝမ်းနည်းစကား ဆိုထားပါတယ်။

“အဖေ တယောက်လို၊ ဆရာတယောက်လို သွန်သင်ဆုံးမပေးခဲ့တယ်။ တသက် မမေ့ပါဘူး။ ဘဝမှာ တန်ဖိုးဖြတ်မရတဲ့ ဆုံးရှုံးမှုကြီးတခုကို ဆုံးရှုံးသွားရသလို ခံစားရပါတယ်။ အဖေ ဆရာနဲ့ ရိုက်ထားခဲ့ဖူးတဲ့ စုထားမိသလောက် ပိုစတာလေးများ အမှတ်တရ ရှိနေသေးတယ်”

“မွေးလတူ၊ မွေးရက် ၅ ဂဏန်းတူ၊ ရာသီဖွားတူ၊ လက္ခဏာ လမ်းကြောင်းတွေ တူတဲ့ ဆရာ့ တပည့်တယောက် အနေနဲ့ နင့်နေအောင် ခံစား ကြေကွဲရပါတယ်။ နောက်နှစ် သြစတြေးလျကို သွားတွေ့ဖို့ စီစဉ်ထားတာ ခုတော့ တွေ့ခွင့်မရတော့ဘူးပေါ့”လို့ ကျော်ဟိန်းရဲ့ တပည့်ရင်း သရုပ်ဆောင် ခွန်းဆင့်နေခြည်က စိတ်မကောင်းစကား ဆိုထားပါတယ်။

မင်းသားကြီး ကျော်ဟိန်းဟာ ၁၉၆၇ ခုနှစ်မှာ ရုပ်ရှင်လောကကို စတင် ဝင်ရောက်ခဲ့ပြီး ၂၀၀၈ ခုနှစ်ထိ အနုပညာ သက်တမ်း နှစ်ပေါင်း ၄၁ နှစ်အတွင်း ရိုက်ကူးခဲ့တဲ့ ရုပ်ရှင် ကားပေါင်း ၂၂၂ ကား ရှိပြီး ဗီဒီယို ကားပေါင်း ၃၆၂ ကားနဲ့ သီဆိုခဲ့တဲ့ သီချင်းခွေပေါင်း ၁၄ ခွေအထိ ရှိခဲ့ပါတယ်။

ကျော်ဟိန်းဟာ ၂၀၀၈ ခုနှစ်၊ နိုဝင်ဘာ ၄ ရက်နေ့မှာတော့ ရုပ်ရှင်လောကက အနားယူပြီး ရဟန်းဝတ်ခဲ့ပါတယ်။ ဘွဲ့တော်က ဦးကိတ္တိသာရ ဖြစ်ပြီး ရဟန်းမဝတ်ခင်ကလည်း “ကျော်ဟိန်း၏ နောက်ဆုံးနှုတ်ဆက်ခရီးစဉ်”လို့ အမည်ပေးပြီး မြန်မာနိုင်ငံ အနှံ့သို့ သွားရောက်ခဲ့ပါတယ်။

သြစတေးလျနိုင်ငံမှာ သီတင်းသုံး နေထိုင်ခဲ့တဲ့ ဆရာတော် ဦးကိတ္တိသာရ (မင်းသားကြီး ကျော်ဟိန်း) ဟာ ဇူလိုင်လ ၁၁ ရက်နေ့မှာ ပျံလွန်တော်မူခဲ့ပြီး ပျံလွန်တော်မူချိန်မှာ သက်တော် ၇၃ နှစ်၊ ဝါတော် ၁၂ ဝါ ရှိပြီဖြစ်ပါတယ်။ တိုက်ဆိုင်စွာပဲ ဇူလိုင်လ ၁၁ ရက်နေ့ဟာ ကျော်ဟိန်းရဲ့ တူဖြစ်သူ သရုပ်ဆောင် ဒွေး (ခ) ကိုသားကြီး ကွယ်လွန်ခြင်း ၁၃ နှစ်ပြည့်နေ့လည်း ဖြစ်ပါတယ်။

ဆက်စပ် သတင်းလင့်ခ်များ

ဦးကိတ္တိသာရ (ကျော်ဟိန်း) အပေါ် အနုပညာရှင်များရဲ့ ဝမ်းနည်းစကား

မင်းသားကြီး ကျော်ဟိန်းရဲ့ ဘဝအကြောင်း

ကျော်ဟိန်းကတော့ ကျော်ဟိန်းပါပဲ

The post ဦးကိတ္တိသာရ (ကျော်ဟိန်း) အပေါ် အနုပညာရှင်များရဲ့ ဝမ်းနည်းစကား (၂) appeared first on ဧရာဝတီ.

ကိုဗစ်ကာလမှာ ရိုက်ကူးရေးတွေ ရပ်နားထားတာကြောင့် အလုပ်မရှိတဲ့ အတွက် ဝင်ငွေ လျော့နည်းနေပြီး ရိုက်ကူးရေးတွေ ပြန်စမယ့်ရက်ကို စောင့်နေရတယ်လို့ သရုပ်ဆောင် ဇင်မျိုးက ပြောပါတယ်။

“ကိုဗစ်ကာလမှာ အကုန်လုံး အလုပ် မရှိဘူး။ ကျနော်လည်း အလုပ်မရှိဘူး။ လုပ်တတ်တာကလည်း အနုပညာအလုပ်ပဲ လုပ်တတ်တာဆိုတော့ အနုပညာပဲ စိတ်ထဲမှာထည့်၊ ခေါင်းထဲမှာ ထည့်ထားတာပေါ့။ အခုလိုဖြစ်တော့ ဝင်ငွေတွေ လျော့ကုန်တာပေါ့။ အခုတော့ ထိုင်စားပေါ့။ စီးပွားရေးကတော့ စိတ်ပဲ ရှိတယ်။ မလုပ်နိုင်သေးဘူးပေါ့။ ဇွဲရှိရှိနဲ့ သရုပ်ဆောင် အလုပ်လေးပဲ စောင့်နေတာပေါ့”

“ကိုဗစ်ပြီးသွားရင် ကျနော် ဇာတ်လမ်းတွဲ ရိုက်ထားတာ ရှိတယ်။ မပြီးသေးဘူး။ ကျနော် ၁ လလောက်ပဲ ရိုက်ရသေးတယ်။ နောက် ကိုပေါက်နဲ့ ယောမှာ ရိုက်နေတဲ့ ကားရှိတယ်။ စီးရီးတွဲလည်း ရိုက်ဖို့ရှိတယ်။ ၁၅ ရက် တခါ တိုးတိုးနေတော့ မျှော်လင့်ချက်ကတော့ အားနည်းသွားတာပေါ့။ ၁၅ ရက်ပြီးရင် ရိုက်ရပြီဆိုပြီး အားတင်းနေတာ ၁၅ ရက်တခါ တိုးတော့ အားလျော့လာတာပေါ့”လို့ ဇင်မျိုးက ပြောပါတယ်။

အနုပညာလောကမှာ ရပ်တည်လာတာ နှစ် ၂၀ နီးပါး ရှိပြီဖြစ်တဲ့ ဇင်မျိုးက အရင်ခေတ်တုန်းက သရုပ်ဆောင်အဖြစ် ဖြတ်သန်းခဲ့ပုံနဲ့ အခုခေတ်ရဲ့ ကွာခြားပုံလည်း အခုလို ဆိုပါတယ်။

“အနုပညာလောကမှာ ရပ်တည်လာတာလည်း ကြာပြီ။ ကြိုးစားခဲ့ရတဲ့ အခက်အခဲတွေကလည်း အများကြီးပဲ။ ကျနော်တို့ စရိုက်တုန်းက ဖလင်ခေတ်၊ ကိုယ့်ရိုက်ရမယ့် ကားဆိုလည်း ကိုယ့်ကို တော်တော် ယုံကြည်မှ ခေါ်ရိုက်တာ။ အသစ်တယောက်ကိုတော့ မရိုက်ရဲကြဘူး”

“ဖလင်တွေက ဈေးကြီးတော့ သရုပ်ဆောင်ရတဲ့သူတွေ နည်းတာပေါ့။ ကျနော်တို့ တော်တော် ကြိုးစားခဲ့ရတယ်။ နောက်ပိုင်း ဗီဒီယိုတွေ ရိုက်ရတော့ ဗီဒီယိုတွေမှာ အဖွဲ့တွေ အများကြီး ဖြစ်သွားတယ်။ အသစ်တွေရော အဟောင်းတွေရောနဲ့ ဆုံတယ်။ ကိုယ်ချင်းစာစိတ်လေးနဲ့ပဲ ကျနော် ရပ်တည်လာတာပါ” လို့ ဇင်မျိုးက ပြောပါတယ်။

ဆက်လက်ပြီး ဇင်မျိုးက သရုပ်ဆောင် တယောက်ဖြစ်ချင်တဲ့အတွက် ကျရာ ဇာတ်ရုပ်ကိုသာ အကောင်းဆုံး သရုပ်ဆောင်ခဲ့ပြီး ကြိုးစားနေတယ်လို့ ပြောပါတယ်။

“ဒီအလုပ်ကို ကျနော်လုပ်တာ သရုပ်ဆောင်တယောက် ဖြစ်ချင်တာ။ မင်းသားလည်း လုပ်တာ မဟုတ်ဘူး။ သရုပ်ဆောင်တယောက် ဖြစ်ချင်တဲ့အတွက် သရုပ်ဆောင် အရည်အချင်းနဲ့ပဲ ကျရာနေရာမှာ အကောင်းဆုံး ကြိုးစားသရုပ်ဆောင်တယ်။ ဇာတ်ကတော့ ဇာတ်တခုလုံးကို ပို့ရတာပဲ။ ဒီအလုပ်က ကျနော့်ရဲ့ ထမင်းရှင်၊ ကျနော့်ရဲ့ ဘဝ၊ အဲ့အတွက် ဘယ်နေရာပဲဖြစ်ဖြစ် ကျရာနေရာမှာ သရုပ်ဆောင်မယ်” လို့ ဇင်မျိုးက ပြောပါတယ်။

သရုပ်ဆောင် ဇင်မျိုးကတော့ ရုပ်ရှင်နဲ့ ဗီဒီယိုဇာတ်ကားများစွာမှာ ကျရာ ဇာတ်ရုပ်နေရာများမှာ ပီပြင်စွာ သရုပ်ဆောင်ခဲ့တဲ့ ဇာတ်ပို့ သရုပ်ဆောင်တဦး ဖြစ်ပြီး ယခုနောက်ပိုင်း ဇာတ်လမ်းတွဲများမှာလည်း ပါဝင် သရုပ်ဆောင်နေတာ တွေ့ရပါတယ်။

The post ရိုက်ကူးရေးတွေ ပြန်စမယ့်ရက်ကို စောင့်နေတဲ့ ဇင်မျိုး appeared first on ဧရာဝတီ.

ဘောလိဝုဒ် မင်းသမီး Aishwarya Rai မှာ ကိုရိုနာဗိုင်းရပ်စ် ကူးစက်ခံထားရကြောင်း မွမ်ဘိုင်းမြို့ အာဏာပိုင်တွေက ဇူလိုင်လ ၁၂ ရက်နေ့မှာ ပြောဆိုလိုက်ပါတယ်။

ဒါဟာ မင်းသမီးရဲ့ ယောက္ခမဖြစ်သူ မင်းသား အမီတာဘဂျမ်း COVID-19 ကူးစက်ခံရပြီးနောက် ဆေးရုံတက်ပြီး တရက်အကြာမှာ အဲ့ဒီသတင်း ထွက်ပေါ်လာခဲ့တာ ဖြစ်ပါတယ်။ မင်းသမီးရဲ့ အသက် ၈ နှစ်အရွယ် သမီးဖြစ်မှာ Aaradhya လည်း COVID-19 ကူးစက်ခံထားရတယ်လို့ Brihanmumbai မြူနီစပယ်အရာရှိတဦးက ဆိုပါတယ်။

အမီတာဘဂျမ်းရဲ့ သားဖြစ်သူ မင်းသား Abhishek (မင်းသမီး Rai ရဲ့ ခင်ပွန်း) လည်း COVID-19 ရောဂါ Positive အဖြေ ထွက်ထားပေမယ့် သူတို့နှစ်ဦးလုံးဟာ အပျော့စား ဝေဒနာတွေကိုသာ ခံစားနေရတယ်လို့ ဆိုပါတယ်။

မင်းသမီး Aishwarya Rai Bachchan ဟာ ၁၉၉၄ ခုနှစ်မှာ မယ်ကမ္ဘာဆုကို ရရှိခဲ့ပြီး ၁၉၉၀ ပြည့်လွန်နှစ် နှောင်းပိုင်းတွေမှာ သူရဲ့ အနုပညာအလုပ်တွေကို စတင်လုပ်ကိုင်ခဲ့တာ ဖြစ်ပါတယ်။

မင်းသမီးဟာ အိန္ဒိယနိုင်ငံမှာရော၊ နိုင်ငံရပ်ခြားမှာပါ နာမည်အကျော်ကြားဆုံး အိန္ဒိယအနုပညာရှင် တဦး ဖြစ်လာခဲ့ပြီး ကိန်းစ်ရုပ်ရှင်ပွဲတော်ကိုလည်း နှစ်စဉ်လိုလို တက်ရောက်ခဲ့ပါတယ်။ သူဟာ မင်းသား Abhishek Bachchan နဲ့ ၂၀၀၇ ခုနှစ်မှာ လက်ထပ်ခဲ့ပါတယ်။

“Big B” လို့ လူသိများတဲ့ အသက် ၇၇ နှစ်အရွယ်မင်းသားကြီး အမီတာကတော့ အနုပညာလုပ်ငန်းထဲမှာ ကျင်လည်နေတာ အခုဆိုရင် ဆယ်စုနှစ် ၄ စု ကာလကို ရောက်ရှိနေပြီ ဖြစ်ပါတယ်။

မင်းသားကြီးဟာ ၁၉၉၉ ခုနှစ်တုန်းက ဘီဘီစီရဲ့ အွန်လိုင်းမဲပေးမှုမှာ “ထောင်စုနှစ်ရဲ့ သရုပ်ဆောင်” အဖြစ် ရွေးချယ်ခံခဲ့ရပြီး လန်ဒန်မြို့မှာရှိတဲ့ Madame Tussauds ဖယောင်းပြတိုက်မှာ ရုပ်တုအဖြစ် ပထမဆုံး ထားရှိခံရတဲ့ အိန္ဒိယသရုပ်ဆောင် ဖြစ်လာခဲ့ပါတယ်။

ပြီးခဲ့တဲ့ ဇူလိုင်လ ၁၂ ရက်နေ့က အိန္ဒိယနိုင်ငံမှာ တရက်တည်း COVID-19 ရောဂါ ကူးစက်ခံရသူ ၂၈,၀၀၀ ကျော်ရှိပြီး စုစုပေါင်း ရောဂါကူးစက်ခံထားရသူ ၈ သိန်းခွဲကျော်အထိ ရှိပြီ ဖြစ်ပါတယ်။ လူဦးရေ ၁ ဒဿမ ၃ ဘီလီယံရှိတဲ့ အိန္ဒိယနိုင်ငံဟာ ကမ္ဘာပေါ်မှာ အမေရိကန်နဲ့ ဘရာဇီးတို့ပြီးရင် တတိယမြောက် ရောဂါကူးစက်ခံရသူ အများဆုံးနိုင်ငံ ဖြစ်ပါတယ်။

Ref: straitstimes

You may also like these stories:

မင်းသားကြီး အမီတာဘဂျမ်း COVID-19 ကူးစက်ခံရ

Irrfan Khan ဆီကနေ အရာအားလုံး ခိုးယူချင်တယ်လို့ Tom Hanks ပြော

The post ဘောလိဝုဒ် မင်းသမီး Aishwarya Rai ကိုရိုနာဗိုင်းရပ်စ် ကူးစက်ခံရ appeared first on ဧရာဝတီ.

တောင်ကိုရီးယားနိုင်ငံမှာ နာမည်ကျော် ရုပ်သံအစီအစဉ် “Running Man” ဟာ ပြီးခဲ့တဲ့ ဇူလိုင်လ ၁၂ ရက်နေ့မှာပဲ ၁၀ နှစ်ပြည့် နှစ်ပတ်လည်ကို ကျော်လွန်ခဲ့ပြီး SBS ရုပ်သံလိုင်းရဲ့ အရှည်အကြာဆုံး ထုတ်လွှင့်နိုင်ခဲ့တဲ့ ကဏ္ဍစုံအစီအစဉ် ဖြစ်လာတယ်လို့ သိရပါတယ်။

နာမည် ကျော်ကြားသူတွေက တယောက်နောက်ကို တယောက် လိုက်ကြပြီး အချင်းချင်းတွေရဲ့ နာမည်ကတ်တွေကို ဆွဲဖြုတ်ဖို့ ကြိုးစားကြတဲ့ အဲ့ဒီအစီအစဉ်ဟာ တောင်ကိုရီးယားမှာရော နိုင်ငံရပ်ခြားနိုင်ငံတွေမှာပါ အထူးအောင်မြင် ကျော်ကြားပါတယ်။

၂၀၁၀ ပြည့်နှစ်တုန်းက SBS ရဲ့ “Good Sunday” အစီအစဉ်ရဲ့ အပိုင်းတခုအနေနဲ့ စတင်ပြခဲ့တဲ့ “Running Man” အစီအစဉ်ဟာ “Good Sunday” အစီအစဉ်ရပ်ဆိုင်းသွားခဲ့တဲ့ ၂၀၁၇ ခုနှစ် မတ်လမှာ ကိုယ်ပိုင်အစီအစဉ် တခုအနေနဲ့ ထွက်ပေါ်လာခဲ့ပါတယ်။ အဲ့ဒီ “Running Man” အစီအစဉ်ဟာ ကိုရီးယား ရုပ်သံအစီအစဉ်သမိုင်းမှာတော့ တတိယမြောက် သက်တမ်းအရှည်ကြာဆုံး အစီအစဉ်လည်း ဖြစ်ပါတယ်။

“Running Man” အစီအစဉ်ဟာ ၂၀၁၃ ခုနှစ်ကနေ ၂၀၁၉ ခုနှစ် ဇူလိုင်လအထိ တောင်ကိုရီးယား ရုပ်သံအစီအစဉ်တွေရဲ့ ထိပ်ဆုံးမှာ ရှိနေခဲ့ပြီး နိုင်ငံရပ်ခြား ပရိသတ်အဖွဲ့တွေ ပေါ်ပေါက်လာတဲ့အထိ အောင်မြင်ခဲ့ပါတယ်။

“Running Man” အစီအစဉ်ဟာ တခြားအာရှနိုင်ငံတွေမှာလည်း အသစ်ပြန်လည် ဖန်တီးတဲ့အထိ အောင်မြင်ခဲ့ပါတယ်။ တရုတ်၊ ဂျပန်၊ စင်ကာပူနဲ့ အင်ဒိုနီးရှားတို့ အပါအဝင် နိုင်ငံ ၉ နိုင်ငံမှာ အစီအစဉ်ကို သူတို့ရဲ့ ဒေသဆိုင်ရာ ပုံစံအနေနဲ့ ပြန်လည် ဖန်တီးခဲ့ကြပါတယ်။ အဲ့ဒီအစီအစဉ်ဟာ ဒုက္ခမျိုးစုံနဲ့လည်း ကြုံတွေ့ခဲ့ရပါတယ်။

၂၀၁၆ ခုနှစ်၊ ဒုတိယနှစ်ဝက် ကာလမှာ အဓိက ထုတ်လုပ်သူတွေက တရုတ် အစီအစဉ်ဘက်ကို ပြောင်းရွှေ့သွားတာကြောင့် လူကြည့်နှုန်း ကျဆင်းသွားခဲ့ပါတယ်။ ဒါ့အပြင် ပုံမှန် အဖွဲ့ဝင်အဖြစ် ၆ နှစ်ကြာ ပါဝင်ခဲ့တဲ့ Gary ရုတ်တရက် နုတ်ထွက် သွားချိန်မှာလည်း အစီအစဉ်အတွက် အခက်အခဲဆုံး အကျပ်အတည်းနဲ့ ရင်ဆိုင်ခဲ့ရပါတယ်။

အဲ့ဒီ နာမည်ကျော် အစီအစဉ်ဟာ ၂၀၁၇ ခုနှစ် ဖေဖော်ဝါရီလမှာ ရပ်ဆိုင်းတော့မလို ဖြစ်ခဲ့ပေမယ့် ဂျောင်ဆိုမင်နဲ့ ယန်ဆဲချန်တို့ကို အဖွဲ့ဝင်အသစ်အဖြစ် ထည့်သွင်းလိုက်တာကြောင့် တဖန် လူကြည့်များလာခဲ့ပါတယ်။

ပရိသတ်တွေကတော့ “Running Man” အစီအစဉ်မှာ ပါဝင်မယ့် ဧည့်သည်တော်တွေကို ရွေးချယ်မှုနဲ့ ပတ်သက်လို့ သဘောကျ နှစ်ခြိုက်ခဲ့ကြပါတယ်။ တက်သစ်စ အနုပညာရှင်များက စလို့ တကယ့် နာမည်ကျော်ကြားသူတွေ၊ အားကစားသမားတွေ၊ သရုပ်ဆောင်တွေအထိ ပါဝင်ခဲ့ကြပါတယ်။

အစီအစဉ်ရဲ့ (၁၀) နှစ်ပြည့် နှစ်ပတ်လည် အဖြစ် “Running Man” အစီအစဉ်ရဲ့ပုံမှန်အဖွဲ့ဝင် ၈ ဦးနဲ့အတူ ပထမဆုံး Live Show တခုကို ပြီးခဲ့တဲ့ ဇူလိုင်လ ၁၂ ရက်နေ့မှာ ပြုလုပ်ခဲ့ပါတယ်။

Ref: koreaherald

You may also like these stories:

ဇူလိုင်လအတွင်း ပြသမယ့် ကိုရီးယားဇာတ်လမ်းတွဲအသစ်များ

မိသားစုအားလုံး အကြိုက်တွေ့မယ့် ကိုရီးယားရသစုံ Show များ

The post Running Man အစီအစဉ် ၁၀ နှစ် ပြည့်ပြီ appeared first on ဧရာဝတီ.

ယနေ့ မနက်ပိုင်းမှာ ကွယ်လွန်သွားခဲ့တဲ့ လူရွှင်တော် မန်းဝင်းနဲ့ ပတ်သက်ပြီး မန်းဝင်းနဲ့ ရင်းနှီးတဲ့ အဆိုတော် နီတာဟာ ပြီးခဲ့တဲ့ရက်ပိုင်းကမှ မန်းဝင်းကို ဆေးရုံမှာ သွားရောက် တွေ့ဆုံပြီး စကားတွေ ပြောခဲ့ပေမယ့် ဒီနေ့မှာ ရုတ်တရက် ဆုံးပါးသွားတာကြောင့် မယုံနိုင်ဖြစ်ခဲ့ရတယ်လို့ ဆိုပါတယ်။

“လွန်ခဲ့တဲ့ ၁ ရက်ကျော်က သွားတွေ့တုန်းက စကားတွေပြောပြီး နောက်နေ့ ရယ်နေသေးတယ်။ ရယ်ပြီးသဘောကျနေသေးတယ်။ ဒီနေ့ မနက်က ရုတ်တရက်ကြီး ဆုံးတယ် ကြားတော့ မယုံနိုင်ဘူး။ ဒါပေမဲ့ မိသားစုတွေက ပြောတော့ လက်မခံချင်ဘဲ လက်ခံလိုက်ရတာပေါ့။ ကျနော် တကယ်ရင်ထဲကနေ အရမ်း ဝမ်းနည်းပါတယ်”

“ကိုယ်က သူ့ပရိသတ်လည်း ဖြစ်သလို သူ့မိသားစုဝင်လိုလည်း ဖြစ်နေတာလေ။ သူကလည်း သားတယောက်လိုပဲ ဖြစ်တယ်။ ကျနော်ကလည်း သူ့ကို အရမ်းချစ်တယ်” လို့ နီတာက ပြောပါတယ်။

ဒါ့အပြင် လူရွှင်တော် မန်းဝင်းဟာ အဆိုတော် နီတာ COVID-19 ရောဂါ ဖြစ်နေစဉ် ကာလအတွင်း သူ့အား နေ့တိုင်း ဖုန်းဆက် သတင်းမေးခဲ့တာကြောင့် ဝမ်းနည်းရတယ်လို့ နီတာက ဆိုပါတယ်။

“ကျနော် ကိုဗစ်ဖြစ်ပြီး ဆေးရုံတက်တဲ့အချိန်မှာ သူက အရမ်းစိတ်ပူပြီးတော့ နေ့တိုင်းဖုန်းဆက်တယ်။ သားပြန်ဆုံရအောင်၊ ပြန်ဆုံရအောင်ဆိုပြီး အမြဲပြောတယ်။ ကျနော် ဆေးရုံက ဆင်းလာပြီးတဲ့အချိန်မှာ သူဦးနှောက်မှာ သွေးခဲတဲ့ဟာနဲ့ ပတ်သက်ပြီး ခေါင်းကို ခွဲလိုက်ရတယ်။ ကိုမာလိုမျိုး ဖြစ်သွားတာ ၁၅ ရက်လောက် ကျနော်ကတော့ မျှော်လင့်ချက်မဲ့သွားပြီလို့ ခံစားရတာ”

“အဲ့အချိန်မှာ ကျနော် အရမ်းချစ်တဲ့ ဦးမန်းဝင်း၊ ကျနော့်ကို အရမ်းချစ်တဲ့ ဦးမန်းဝင်း ပြန်မတွေ့ရတော့ဘူးလားဆိုပြီး စိတ်မကောင်းဖြစ်တယ်”လို့ နီတာက ပြောပါတယ်။

မန်းဝင်း ဆုံးပါးသွားတာကို စိတ်မကောင်းဖြစ်ပေမယ့် တဖက်မှာလည်း ခံစားနေရတဲ့ ဝေဒနာတွေ သက်သာသွားပြီး ကောင်းတဲ့နေရာကို ရောက်မှာပါလို့ ဆိုပါတယ်။

“ဦးမန်းဝင်းက စိတ်ကောင်းရှိတယ်။ ရိုးသားတယ်။ အရမ်းချစ်ဖို့ ကောင်းတယ်။ လူချစ်လူခင်လည်းအရမ်းများတယ်။ အဲ့အပေါ်မှာ ဝမ်းသာရတယ်။ ကျေနပ်မှု ရှိတယ်။ ဒီလို ဆုံးပါးသွားတဲ့အတွက် စိတ်မကောင်းဘူး။ ဒါပေမဲ့ သူ ဒီဘဝကို အဆုံးသတ်တဲ့အချိန်မှာ ကောင်းကောင်းမွန်မွန်လေး ဘဝကူးသွားတဲ့အချိန်မှာ လူတယောက်အနေနဲ့တော့ စိတ်မကောင်းဘူး”

“တဖက်မှာတော့ ရောဂါဝေဒနာ ခံစားနေတာ သက်သာသွားတယ်ဆိုတော့ အကောင်းဆုံးတော့ ဖြစ်သွားတယ်။ သူကိုယ်တိုင်ကလည်း စိတ်ကောင်းရှိတဲ့အတွက် ကောင်းတဲ့နေရာပဲ ရောက်မှာပါ” လို့ နီတာက ပြောပါတယ်။

လူရွှင်တော်ကြီး မန်းဝင်းနဲ့ နီတာရဲ့ခင်မင်ရင်နှီးမှု အကြောင်းကိုလည်း အခုလို ပြောပြခဲ့ပါတယ်။

“ရင်းနှီးတာက ကျနော့်ရဲ့အမျိုးသမီးက သာကေတ သန်လျင် အိမ်ရာဝင်းမှာ နေတယ်။ ကျနော်နဲ့ရည်းစား မဖြစ်သေးခင်ကတည်းကလည်း ဦးမန်းဝင်းကို အရမ်းကြိုက်တာ။ ဦးမန်းဝင်းရဲ့အမျိုးသမီးကလည်း ကျနော့် အမျိုးသမီးရဲ့ဆရာမ ဖြစ်ခဲ့တော့လေ။ နီးစပ်နေတာပေါ့”

“ ဦးမန်းဝင်းတို့ အိမ်တို့ ဘာတို့ကို သွားသွားကြည့်တယ်။ အိမ်ရှေ့ကဖြတ်ရင် သူရှိလားဆိုပြီးတော့ သွားသွားကြည့်တာ။ နောက်ပိုင်းကျတော့ ရင်းနှီးသွားတာပေါ့။ သူ့သားသမီးတွေနဲ့လည်း ရင်းနှီးတယ်”

“နောက်ပြီး ဟဲလေးသင်္ကြန် သီချင်း လုပ်တော့ ကဖို့အတွက်ဖြစ်တော့ ဟဲလေးကို အိုင်ဒီယာပေးတယ်။ အဲ့သီချင်းမှာ ဦးမန်းဝင်းနဲ့ ကပါလားလို့။ အဲဒါဆိုပေါက်မှာလို့ ပြောတော့ သူလည်း လက်ခံတယ်။ ဦးမန်းဝင်းဆီကို သွားပြီးတော့ စကားပြောဖြစ်တယ်။ အဲ့သီချင်းလေးကလည်း အောင်မြင်တယ်။ ကျနော့်အိုင်ဒီယာကို ဦးမန်းဝင်းက ကပေးခဲ့တာ”လို့ ပြောပါတယ်။

ဆက်လက်ပြီး “အဲ့နောက်ပိုင်းလည်း အိမ်ကို အမြဲအဝင်အထွက် ရှိတယ်။ အရမ်းလည်း ခင်တယ်။ ကျနော် မလာရင်လည်း ဖုန်းဆက်ခေါ်တယ်။ သားဘယ်ရောက်နေလဲ အိမ်လာပါဦးဆိုပြီး ခေါ်တယ်။ ရင်းနှီးတယ်ဆိုတာထက် ပိုတာပေါ့။ တယောက်နဲ့ တယောက် ချစ်ခင်တယ်ဆိုတဲ့အထိ ဖြစ်တာပေါ့” လို့ နီတာက ပြောပါတယ်။

လူရွှင်တော် မန်းဝင်းဟာ ယနေ့၊ ဇူလိုင်လ ၁၃ ရက်နေ့ မနက်ပိုင်းက ရန်ကုန်မြို့၊ မြောက်ဒဂုံမြို့နယ်ရှိ ပင်လုံ ဆေးရုံကြီးမှာ ကွယ်လွန်ခဲ့တာဖြစ်ပါတယ်။ ဇူလိုင်လ ၁၅ ရက်နေ့မှာတော့ ကွယ်လွန်သူ မန်းဝင်းအား ကျီစုသင်္ချိုင်းမှာ သင်္ဂြိုဟ်သွားမယ်လို့ သိရပါတယ်။

You may also like these stories:

“လူရွှင်တော် မန်းဝင်းလို လူမျိုးကို ဆုံးရှုံးရမှာ ကြောက်တယ်”လို့ မတူး ပြော

ဟာသ သရုပ်ဆောင် မန်းဝင်း အရေးပေါ်လူနာအဖြစ် ဆေးရုံတင်ခဲ့ရ

ဦးနှောက်သွေးယိုစိမ့်မှုကြောင့် အရေးပေါ်ခွဲစိတ်ရမယ့် လူရွှင်တော် မန်းဝင်း

အရေးပေါ်အခြေအနေကြောင့် ဆေးရုံရောက်ခဲ့ကြောင်းပြောတဲ့ လူရွှင်တော်မန်းဝင်း

The post “ဦးမန်းဝင်း ရုတ်တရက် ဆုံးပါးသွားတာ မယုံနိုင်ခဲ့ဘူး” appeared first on ဧရာဝတီ.

အဆိုတော် ရွှေထူးနဲ့ သရုပ်ဆောင် ရွှေမှုံရတီတို့ ဇနီးမောင်နှံ သီဆို သရုပ်ဆောင်ထားတဲ့ “မိုးစက်များကပြောသော” Music Video ကို ဇူလိုင်လ ၁၂ ရက်နေ့က အွန်လိုင်းမှာ တင်ခဲ့ပြီး ဒီထဲမှာ သူတို့ နှစ်ယောက်သရုပ်ဆောင်ထားတဲ့ အကြောင်းအရာများကို ရွှေထူးက ပြန်ရှင်းပြထားပါတယ်။

“ရန်ဖြစ်တဲ့ အခန်းချည်းပဲ ဘာလို့ ကွက်ကွက်ကွင်းကွင်း မြင်အောင် ရိုက်ပြလဲဆိုတော့ ရုပ်ရှင်ထဲမှာဆို ဆင်ဆာထိလောက်မယ်ဗျ။ ဒါမျိုးတွေက Music Video ထဲမှာ ရန်ဖြစ်တဲ့ အကြောင်းအရာကို ကြည့်ပါ။ Anniversary ပျော်ရမယ့် နေ့မှာ ရန်ဖြစ်တာ။ အဲ့ထက်ပေါ့ပါးတဲ့ ပြဿနာတွေနဲ့ ကြီးကြီးကျယ်ကျယ် ရန်ဖြစ်နေတဲ့ အတွဲတွေလည်း အပြင်မှာအများကြီးပါ”

“ဒီ Music Video ထဲကထက် ရိုင်းတဲ့အတွဲတွေလည်း အများကြီးပါ။ အထူးသဖြင့် လူငယ်တွေ ပိုများတာပေါ့။ ငယ်တော့ စိတ်မြန်တယ်။ အမှား ပိုများကြတယ်။ စကား ပိုများကြတယ်။ မာန ပိုထားကြတယ်။ ယဉ်ယဉ်ကျေးကျေး အေးအေးဆေးဆေး ရန်ဖြစ်တတ်တဲ့အတွဲတွေတော့ မပါဘူးပေါ့ဗျာ” လို့ ရွှေထူးက ပြောထားပါတယ်။

အဆိုပါ Music Video ရဲ့ပေးချင်တဲ့ အကြောင်းအရာကိုလည်း အခုလို ဆိုပါတယ်။

“Music Video မှာ ကျနော်တို့ ပေးချင်တာကတော့ အရမ်းချစ်ကြတဲ့ အတွဲအတော်များများကို ကြည့်လိုက် ရန်အကြီးအကျယ်ဖြစ်လို့၊ စကားတွေများကြလို့၊ ဘာပြဿနာနဲ့ ဖြစ်တာလဲဆိုရင် ဥပမာ ဖုန်းမဆက်လို့ Message မပို့လို့ စသဖြင့်ပေါ့ဗျာ။ ဘာမှ မဟုတ်ဘူး။ အဲဒီ ဘာမှ မဟုတ်တာကပဲ ပြဿနာ အကြီးအကျယ် တက်ကြတာ ”

“အရမ်းလည်း ချစ်ကြပြီး ပြဿနာတက်တော့လည်း ဘာမဟုတ်တာလေးနဲ့ စကားတွေများ၊ ရန်တွေဖြစ်၊ စကားနာထိုး၊ ရွဲ့စောင်း၊ ဆဲဆို နာကျင်အောင်ပြော၊ မာနတွေထား၊ ပြေပြေလည်လည် ပြောလို့ရလည်း မပြောကြ၊ လက်တွေပါ၊ နောက်ဆုံး အရမ်းချစ်ရက်နဲ့ လမ်းခွဲသွားရတယ်။ အဲ့ဒါဘာကြောင့်လို့ထင်လဲ” လို့ ရွှေထူးက ဆိုထားပါတယ်။

ဒီသီချင်းဗီဒီယိုမှာ သမီးရည်းစား စုံတွဲတတွဲ ရန်ဖြစ်ပြီး လက်ပါကာ ဆဲဆိုထားတဲ့ အပြောအဆိုများ၊ တင်ဆက်မှုများကြောင့် ဘဝင်မကျကြတဲ့သူများကိုလည်း ရွှေထူးက တောင်းပန်ထားပါတယ်။

“Music Video ကို သေချာကြည့်ပါ။ ဘာမဟုတ်တဲ့ ပြဿနာနဲ့ အကြီးအကျယ် စကားတွေများ ဆဲဆိုပြီး လက်တွေပါ၊ ရိုက်ရဲရင် ရိုက်ကြည့် စိန်ခေါ် ၊ တကယ်ကို ဘာမှမဟုတ်တဲ့ ပြဿနာပါ။ တယောက်ယောက်လျှော့ရင် အဆင်ပြေသွားနိုင်ပေမယ့် နှစ်ဖက်လုံး မလျှော့ကြဘူးလေ။ တချို့တွေသဘောပေါက် နားလည်ကြပေမယ့် တချို့တွေအတွက်ကျ ကြည့်ရတာ အရမ်းအကျည်းတန်နေပါလိမ့်မယ်”

“မတတ်နိုင်ဘူးလေ။ အပြင်မှာ အရမ်းချစ်ကြတဲ့ အတွဲတွေ ဒီလိုရန်ဖြစ်ကြတယ်၊ ဒီထက်ပိုဆိုးကြတယ်ဆိုတာ အမှန်တရားပဲ။ ဒီလို ပုံစံမျိုးနဲ့ Music Video တင်ဆက်ပေးတာကို ဘဝင်မကျကြတဲ့ မိဘပြည်သူအချို့ကိုလည်း တောင်းပန်ပါတယ်” လို့ ရွှေထူးက ပြောထားပါတယ်။

“မိုးစက်များကပြောသော” သီချင်းကိုတော့ အဆိုတော် ရွှေထူးက သူ့ရဲ့ဇနီးဖြစ်သူ ရွှေမှုံရတီကို လက်ဆောင်ပေးတာဖြစ်ပြီး Music Video ကိုတော့ ဒါရိုက်တာ ပွင့်သိဂီင်္ဇော်နဲ့ Jason Slip တို့ ရိုက်ကူးထားတာ ဖြစ်ပါတယ်။

You may also like these stories:

မိုးရာသီမှာ သီချင်းသစ် ထွက်မယ့် ရွှေမှုံရတီ

“ကလေးယူဖို့ လိုပါသေးတယ်”လို့ ပြောတဲ့ သရုပ်ဆောင် ရွှေမှုံရတီ

သရုပ်ဆောင်ဘက် ကူးတာ နောက်ကျလို့ ဇာတ်ကားတွေ မရိုက်ခဲ့ရတဲ့ နွယ်ဒါလီထွန်း

The post “မိုးစက်များကပြောသော” Music Video အကြောင်း ရှင်းပြခဲ့တဲ့ ရွှေထူး appeared first on ဧရာဝတီ.

မြန်မာ့ရုပ်ရှင်လောကကို နှစ်ပေါင်းများစွာ လွှမ်းမိုးထားနိုင်ခဲ့တဲ့ မင်းသားကြီး ကျော်ဟိန်းဟာ တချိန်တုန်းက သရုပ်ပျက် ဝတ်စားဆင်ယင်မှုကြောင့် “ကျော်ဟိန်း အလိုမရှိ” ဆိုပြီး စာနယ်ဇင်းတွေရဲ့ ရေးသားမှုအပြင် လူတွေ့ရဲ့ လက်မခံမူကို ကြုံခဲ့ရဖူးတယ်ဆိုရင် အံ့သြကြလိမ့်မယ်ထင်ပါတယ်။

အဲဒီတုန်းက အနောက်တိုင်းယဉ်ကျေးမှု၊ အနောက်တိုင်းဂီတကို လူတိုင်းလက်မခံနိုင်သေးတဲ့ အချိန် ကျော်ဟိန်းရဲ့ ဝတ်စားဆင်ယင်မှု၊ အသံသေးအသံကြောင်နဲ့ သီဆိုဟန်၊ တွန့်လိမ်ကောက်ကွေးတဲ့ သူ့အမူအရာတွေဟာ လူငယ် တချို့ ကြား ရေပန်းစားကောင်း စားကြပေမယ့် လူကြီးတွေကြားမှာတော့ မျက်စိနောက်စရာ ဝေဖန်စရာ ဖြစ်ခဲ့တယ်လို့ ဆိုရမှာပါ။

ဒါကြောင့်လည်း တက်သစ်စ မင်းသားဘဝမှာ မြန်မာ့ယဉ်ကျေးမှုကို စင်မြင်ထက်ကနေ လူသိထင်ရှား ဖျက်ဆီးနေသူ၊ ငွေကြေးနဲ့ အဆက်အသွယ်ကြောင့်သာ အနုပညာစင်မြင့်ကို ရောက်လာသူလို့ စာနယ်ဇင်းတွေရဲ့ စာမျက်နှာပေါ်ကနေ ပြင်းပြင်းထန်ထန် ရေးသားခြင်း ခံခဲ့ရပါတယ်။

ကျော်ဟိန်းနဲ့ ပရိတ်သတ်အကြား ရုတ်ရုတ်သဲသဲ ဖြစ်ခဲ့ရတဲ့ ပြဿနာကတော့ ၁၉၇၂ခုနှစ်က ပျဉ်းမနား နှစ်ကျိပ်ရှစ်ဆူ ဘုရားပွဲမှာ ကျော်ဟိန်းရဲ့ ဖျော်ဖြေမှု အမူအယာကို မျက်စိနောက်ခဲ့တာကြောင့်လို့ ဆိုရမှာပါ။

အဲဒီတုန်းက စာနယ်ဇင်းတွေမှာ ဖော်ပြတာကတော့ နှစ်ကျိပ်ရှစ်ဆူ ဘုရားပွဲမှာ ဖျော်ဖြေခဲ့တဲ့ ကျော်ဟိန်းရဲ့ ခေါင်းလောင်းဘောင်းဘီ၊ တွန့်လိမ်ကောက် ကွေးတဲ့ အမူအရာ၊ သံသေးသံ ကြောင် ဖျော်ဖြေမှုကို မြို့လူထုက သည်းမခံနိုင်လောက်အောင် ဖြစ်ရတဲ့အတွက် အော်ဟစ်ဆဲဆိုကာ ကျော်ဟိန်း အလိုမရှိ လို့ ကြွေးကြော်ခဲ့တာကြောင့် ဖြစ်တယ်လို့ ဆိုပါတယ်။

သရုပ်ပျက်ဝတ်စားနေတဲ့ မင်းသားများ စာရင်းမှာ ကျော်ဟိန်းဟာ ထိပ်ဆုံးမှာရှိခဲ့ပြီး၊ သူဟာ အနုပညာနဲ့ ပြည်သူကို ဖျော်ဖြေရမယ့်အစား ခေါင်းလောင်းဘောင်းဘီကို ဝတ်၊ သရုပ်ပျက်သီချင်းကို ဆို၊ ကောက်ကောက် ကွေးကွေး တွန့်လိမ်ကာ ထင်ရာလုပ်ပြတာကြောင့်လို့ ပရိတ်သတ်က သည်းမခံနိုင်တဲ့အဆုံး ပြသနာဖြစ်ရတယ်လို့ ဝေဖန် ရေးသားကြပါတယ်။

ရုပ်ရှင်ထဲမှာတော့ ကျော်ဟိန်းရဲ့ ထင်ရာလုပ် သရုပ်ဆောင်တာတွေ၊ အနောက်နဲ့ အရှေ့ ရောထွေးနေတဲ့ သရုပ်ပျက် တေးသံတွေကို လူတွေက လက်မခံကြပေမယ် ပြန်ပြီး မတုံ့ပြန်နိုင်ခဲ့ဘူး၊ နှစ်ကျိပ်ရှစ်ဆူ ဘုရားပွဲမှာတော့ လူတွေရဲ့ သည်းမခံနိုင်ကြောင်း ပြသခဲ့တယ်လို့ ဆိုပါတယ်။

ဒါကြောင့်လည်း ၁၉၇၂ ခုနှစ် နိုဝင်ဘာလ ၂၇ရက်မှာ ကျော်ဟိန်းဟာ စာနယ်ဇင်းပုဂ္ဂိုလ်များနဲ့ ရုပ်ရှင်ကောင်စီခန်းမမှာ သြဝါဒခံယူပြီး ဝန်ချတောင်းပန်ခဲ့ရပါတယ်။

နောက်ပိုင်းမှာတော့ ဒီလိုစွပ်စွဲခံရတဲ့ ကျော်ဟိန်းဟာ သူ့ရဲ့ ပရိတ်သတ်ကို ပြန်စုစည်းနိုင်ခဲ့ပြီး၊ ပရိတ်သတ်ကလည်း သရုပ်ဆောင်မှုကို တဖြည်းဖြည်း လက်ခံလာခဲ့ကြတယ် လို့ ဆိုရမှာပါ။

ကျော်ဟိန်းခေတ်လို့ ပြောစမှတ်တွင်လောက်အောင် လူငယ်ထုကြားမှာ သူရဲ့ အမူအယာ၊ ဝတ်စားဆင်ယင်မှု နေထိုင်ပုံ တွေကို အတုခိုးခဲ့ကြတာ အဲဒီခေတ်က လူတိုင်းသိကြမှာဖြစ်ပါတယ်။

၁၉၇၉ ခုနှစ်မှာတော့ ဒါရိုက်တာ ဦးသုခ ရိုက်ကူးတဲ့ အကာက အချစ် အနှစ်ကမေတ္တာ ဇတ်ကားနဲ့ ပထမဆုံး အကယ်ဒမီ ရရှိခဲ့ပြီး၊ ၁၉၈၂ ခုနှစ်မှာတော့ ကိုယ်တိုင်ဒါရိုက်တာ လုပ်ကာ ရိုက်ကူးတဲ့ မွန်းတည့်ချိန်မှာ နေဝင် ဇတ်ကားနဲ့ ဒုတိယအကြိမ် ရရှိပြန်ပါတယ်၊ အဲဒီနောက် ပန်းမြိုင်လယ်က ဥယျာဉ်မှူး၊ နေက မွေးတဲ့လ၊ ဝေလည်းမွှေး ကြွေလည်းမွှေး စတဲ့ ဇတ်ကားတွေမှာ အကယ်ဒမီ ရခဲ့ပြန်ပါသေးတယ်။

၁၉၆၈ ခုနှစ် ဖူးစာလမ်းဆုံ ဇတ်ကားမှာ သရုပ်ဆောင် မောင်ကျော်ဟိန်းအဖြစ်နဲ့ ရုပ်ရှင်လောကကို ဝင်ရောက်လာခဲ့တဲ့ သူ့ကို အငြိမ်းစားခရိုင်ရဲဝန် ဦးဂျွန်မောင်စိန်၊ ဒေါ်ချိုချိုတို့က ၁၉၄၇ ခုနှစ် ဇူလိုင်လ ၁၄ရက်နေ့မှာ မွေးဖွားခဲ့ပြီး ငယ်နာမည် ကျော်ဌေး တဖြစ်လဲ ကျော်ဟိန်းဟာ ရန်ကုန် စမ်းချောင်းသား တဦးလို့ ဆိုရမှာပါ။

မင်းသားကျော်ဟိန်းရဲ့ ဘ၀ကောက်ကြောင်းကို ကြည့်မယ်ဆိုရင် အနိမ့်အမြင့်၊ အတက်အကျ၊ အတိုက်အခိုက်တွေနဲ့ ရှိတာကို မြင်ရမှာဖြစ်ပါတယ်။

မိခင်ဘက်က အေဝမ်း ရုပ်ရှင်မျိုးရိုးဖြစ်ပြီး၊ မြန်မာ့ ပထမဆုံး ရုပ်ရှင်မင်းသား ဦးညီပု၊ မောင်တင်မောင် (ဦးတင်မောင်) တို့ရဲ့ တူတော်ပေမယ့် ငယ်စဉ်က တေပေနေတဲ့ အိမ်ပြေးဘဝကို ဖြတ်သန်းခဲ့သလို၊ ဟိုစဉ်က လူမိုက်ဂိုဏ်းတွေဖြစ်တဲ့ စိန်ဂေါ်လီ ဂိုဏ်းရဲ့ ဂိုဏ်းစတားပေါ့။ ရေတပ်ထဲလည်း ရောက်ခဲ့ဖူးပါတယ်။

ဘိန်းဖြူကို တရှိုက်မက်မက် သုံးရင်း နောက်ပိုင်းမှာတော့ စွန့်လွှတ်ကာ အနုပညာဘက်ကို စောင်းပေးပြီး လုပ်ဆောင် ခဲ့တာကြောင့် အသက် ၆၀ကျော်တဲ့အထိ ရုပ်ရှင်လောကမှာ ထိပ်ဆုံးက ရပ်တည်နိုင်ခဲ့ပါတယ်။

ကျော်ဟိန်းဟာ ရုပ်ရှင်ကားပေါင်း ၂၂၂ကား၊ ဗီဒီယို ကားပေါင်း ၃၆၂ကား ရိုက်ကူးခဲ့သလို၊ မျက်ရည်ငှက်များ နားစေသတည်း တေးစီးရီးနဲ့ ဂီတလောကကို ဝင်ရောက်ခဲ့ရာ အဓိပ္ပါယ်ရှိသောလူ၊ စင်ပေါ်က သီချင်းများ စတဲ့ စီးရီးတွေမှာတော့ လူကြိုက်များခဲ့ပါတယ်။

ဒီလိုအောင်မြင်ခဲ့တဲ့ ကျော်ဟိန်းဟာ ၂၀၀၈ ခုနှစ်မှာတော့ အောင်မြင်မှုတွေကို စွန့်လွှတ်ပြီး ရဟန်းဘောင်ဝင်ခဲ့ ပါတယ်။ လောကီကို အဆက်ဖြတ်ပြီး လောကုတ္တရာဘက်ကို ကူးသွားတဲ့ ရုပ်ရှင်လောကသားတွေထဲမှာတော့ ရုပ်ရှင်မင်းသားကြီး ဇေယျ(ရိုးရိုးကြီးဇေယျ)နဲ့ မင်းသားကြီး ကျော်ဟိန်းတို့ဟာ ထင်ရှားပါတယ်။

အခုတော့ မင်းသားကြီး ကျော်ဟိန်းဟာ ၂၀၂၀ ခုနှစ် ဇူလိုင်လ ၁၁ရက် မြန်မာစံတော်ချိန် နံနက် ၉ နာရီ ၂၇ မိနစ်မှာ သြစတြေးလျနိုင်ငံ ကင်ဘာရာမြို့မှာ ကွယ်လွန်ခဲ့ပါပြီ။

ကွယ်လွန်ချိန်မှာတော့ ရဟန်းဝတ်နဲ့ ဖြစ်ပြီး သက်တော်အားဖြင့် ၇၃နှစ်၊ ဝါတော်ကတော့ ၁၂ နှစ်ပါ။

You may also like these stories:

ဦးကိတ္တိသာရ (ကျော်ဟိန်း) အပေါ် အနုပညာရှင်များရဲ့ ဝမ်းနည်းစကား

မင်းသားကြီး ကျော်ဟိန်းရဲ့ ဘဝအကြောင်း

ကျော်ဟိန်းကတော့ ကျော်ဟိန်းပါပဲ

The post တချိန်က ကျော်ဟိန်းလည်း အလိုမရှိလို့ ကြွေးကြော်ခံရဖူးတယ် appeared first on ဧရာဝတီ.

ဒါရိုက်တာ ကြည်ဖြူသျှင်ကတော့ သူ့မှာရှိတဲ့ ပိုင်ဆိုင်မှုများ၊ အောင်မြင်မှုများကို အသက် ၆၀ အရွယ်မှာ ထားခဲ့ပြီး သံသရာခရီးတိုဖို့အတွက် ကြိုးစားအားထုတ်တော့မယ်လို့ ဆိုပါတယ်။

“ကျမရဲ့ဆုံးဖြတ်ချက်ကတော့ အသက် ၅၅ နှစ်အထိပဲ ဒါရိုက်တာအလုပ်ကို လုပ်မယ်။ ၅၅ နှစ် ကနေ ၆၀ နှစ်အထိ အများနဲ့ သက်ဆိုင်တဲ့ လူမှုရေး ပရဟိတကိစ္စတွေ နိုင်သလောက် လုပ်မယ်။ အသက် ၆၀ ပြည့်တာနဲ့ ကိုယ့်ကိုယ်ကို လောကီပင်စင် အပြည့်ပေးပြီး သံသရာခရီးတိုဖို့ ကြိုးစားအားထုတ်ပါမယ်” လို့ ကြည်ဖြူသျှင်က ဆိုပါတယ်။

ကြည်ဖြူသျှင်ကတော့ သူ့မှာရှိတဲ့ ပိုင်ဆိုင်မှုတွေ၊ အောင်မြင်မှုတွေကို အသက် ၆၀ အရွယ်မှာ အားလုံး ထားခဲ့ပြီး တရား အားထုတ်ဖို့ဆိုတာ တကယ် ခက်ခဲတဲ့ကိစ္စလို့လည်း ဆိုပါတယ်။

“ကိုယ့်မှာရှိတဲ့ ပိုင်ဆိုင်မှုတွေ၊ အောင်မြင်မှုတွေကို အသက် ၆၀ အရွယ်မှာ အားလုံးကို ထားခဲ့ပြီး တရားအပြည့်အဝ အားထုတ်ဖို့ဆိုတာ သာမန် ပုထုဇဉ် တယောက်အနေနဲ့ တကယ့်ကို မလွယ်တဲ့ ခက်ခဲတဲ့ကိစ္စပါ။ အောင်မြင်နေတဲ့ အနုပညာသမားဆိုရင် ပိုတောင်ခက်သေးတယ်”

“ပျော်ရွှင်စရာ အသိုက်အဝန်းကို စွန့်လွှတ်ရမှာလေ။ ပြီးတော့ ခင်ပွန်း၊ ဇနီး ၊ သားသမီးရှိတဲ့ မိသားစုဆိုရင် ပိုတောင် မလွယ်ပါသေးတယ်။ သံယောဇဉ်ဖြတ်ပြီးထားခဲ့ဖို့ဆိုတာ တော်တော်ခက်ခဲတာပါ” လို့ ကြည်ဖြူသျှင်က ပြောထားပါတယ်။

ပြီးခဲ့တဲ့ ဇူလိုင်လ ၁၁ ရက်နေ့က ကွယ်လွန်သွားခဲ့တဲ့ ရှင်ရှင်မင်းသားကြီး ကျော်ဟိန်းကို အတုယူ စဉ်းစားမိခဲ့တာလို့လည်း ဆိုပါတယ်။

“ဆရာတော် ဦးကိတ္တိသာရ (ခ) ထပ်ဆင့် အကယ်ဒမီ ဦးကျော်ဟိန်း အကြောင်း အတုယူနိုင်ဖို့တွေးမိရင်း ကျမကတော့ အပျိုကြီးဖြစ်နေတဲ့အတွက်၊ ကံကောင်းစွာဖြင့် အခက်ဆုံးကြိုးကို ဖြတ်ဖို့ မလိုတော့ပါဘူး”လို့ ကြည်ဖြူသျှင်က ပြောထားပါတယ်။

ဒီအကြောင်းအရာတွေကို ဒါရိုက်တာ ကြည်ဖြူသျှင်က သူ့ရဲ့ ဆိုရှယ်မီဒီယာ အကောင့်မှာ ရေးသားကာ ပြောဆိုထားတာ ဖြစ်ပါတယ်။ လက်ရှိမှာတော့ ကြည်ဖြူသျှင်က အသက် ၄၄ နှစ်ရှိ ပြီဖြစ်ပြီး အခု အရွယ်မှာလည်း တနှစ်ကို ၃ ကြိမ် တရားစခန်းဝင်ရင်း နေ့စဉ် အားထုတ်သွားမယ်လို့ ဆိုပါတယ်။

You may also like these stories:

တချိန်က ကျော်ဟိန်းလည်း အလိုမရှိလို့ ကြွေးကြော်ခံရဖူးတယ်

ဦးကိတ္တိသာရ (ကျော်ဟိန်း) အပေါ် အနုပညာရှင်များရဲ့ ဝမ်းနည်းစကား (၂)

ရိုက်ကူးရေးတွေ ပြန်စမယ့်ရက်ကို စောင့်နေတဲ့ ဇင်မျိုး

The post အသက် ၆၀ ပြည့်ရင် တရားအားထုတ်တော့မယ့် ဒါရိုက်တာ ကြည်ဖြူသျှင် appeared first on ဧရာဝတီ.

အမေရိကန်နိုင်ငံ၊ ကယ်လီဖိုးနီးယားပြည်နယ်အတွင်းက ရေကန်တကန်မှာ ပျောက်ဆုံးနေခဲ့တဲ့ “Glee” မင်းသမီး Naya Rivera ရဲ့ ရုပ်အလောင်းကို ပြန်ရှာတွေ့ပြီဖြစ်ကြောင်း တာဝန်ရှိသူတွေက ဇူလိုင်လ ၁၃ ရက်နေ့မှာ ပြောဆိုလိုက်ပါတယ်။

မင်းသမီးဟာ အသက် ၄ နှစ်အရွယ် သားလေးနဲ့အတူ ပြီးခဲ့တဲ့အပတ်မှာ လှေစီးခရီးထွက်လာရင်း ရေနစ်ခဲ့တာ ဖြစ်ပါတယ်။ မင်းသမီးရဲ့ ရုပ်အလောင်းကို ပြန်လည် ရယူပြီး ကနဦး စစ်ဆေးချက်တွေအရ သွေးရိုးသားရိုး မဟုတ်ဘဲ သေဆုံးမှု ဒါမှမဟုတ် သေကြောင်းကြံစည်တဲ့ လက္ခဏာမျိုး မတွေ့ရှိရကြောင်း ရဲမှူးကြီး Bill Ayub က သတင်းစာရှင်းလင်းပွဲမှာ ပြောဆိုပါတယ်။

ရဲမှူးကြီး Ayub က “ကျနော်တို့ တွေ့ရှိခဲ့တဲ့ ရုပ်အလောင်းဟာ Naya Rivera ဖြစ်တယ်လို့ ယုံကြည်ပါတယ်”လို့ ဆိုပါတယ်။ မင်းသမီးရဲ့ အလောင်းကို ရင်ခွဲစစ်ဆေးဖို့ ဆေးပညာ စစ်ဆေးရေးရုံးဆီ ပို့ဆောင်လိုက်ပြီးတဲ့နောက် သွားမှတ်တမ်းကနေတဆင့် မင်းသမီးရဲ့ အမျိုးအမည်ကို အတည်ပြုနိုင်ခဲ့ပါတယ်။

အသက် ၃၃ နှစ်အရွယ် မင်းသမီး Rivera ဟာ သားဖြစ်သူနဲ့အတူ လော့စ်အင်ဂျလိစ်မြို့ အနောက် မြောက်ဘက်မှာရှိတဲ့ အပန်းဖြေစခန်းတခုမှာ လှေစီးထွက်ခဲ့ပြီးတဲ့နောက် မတော်တဆ ရေနစ်ခဲ့တာ ဖြစ်တယ်လို့ ယုံကြည်ရပါတယ်။

မင်းသမီးဟာ ပြီးခဲ့တဲ့ ဇူလိုင်လ ၈ ရက်နေ့၊ နေ့လယ်ဘက်မှာ ပျောက်ဆုံးသွားခဲ့တာဖြစ်ပြီး ရေငုပ်သမားတွေ၊ ကင်းလှည့်လှေတွေ၊ ရဟတ်ယာဉ်တွေအပါအဝင် လူအင်အားများများနဲ့ ရှာဖွေမှုကို လုပ်ဆောင်ခဲ့ကြပါတယ်။

သားဖြစ်သူကိုတော့ ကန်ထဲမှာရှိတဲ့ လှေပေါ်မှာ တယောက်တည်း အိပ်ပျော်လျက် အနေအထားနဲ့ တွေ့ရှိခဲ့ရတာ ဖြစ်ပါတယ်။ သားဖြစ်သူရဲ့ အဆိုအရ မင်းသမီး Rivera ဟာ သူ့ကို လှေပေါ်ကို တင်ဖို့ ကူညီပေးခဲ့ပြီးတဲ့နောက် ရေမျက်နှာပြင်ကနေ ပျောက်ဆုံးသွားခဲ့တာ ဖြစ်တယ်လို့ ပြောကြေားခဲ့ကြောင်း ရဲမှူးကဆိုပါတယ်။

ရဲမှူးကြီးရဲ့အဆိုအရ ရေကန်ရဲ့ ပြင်းထန်တဲ့ ရေစီးကြောင်းတွေကြောင့် မတော်တဆ သေဆုံးခဲ့ရတာ ဖြစ်နိုင်တယ်လို့ ဆိုပါတယ်။ ပြီးခဲ့တဲ့ ဇူလိုင်လ ၈ ရက်နေ့ကစလို့ အဲ့ဒီရေကန်ကို အများပြည်သူလည်ပတ်ခွင့် ပိတ်ထားပြီး အမေရိကန်ကမ်းခြေ စောင့်တပ်ဖွဲ့နဲ့ အနီးနားမှာရှိတဲ့ ဒေသတွေမှ ကယ်ဆယ်ရေးတွေအပါအဝင် လူ ၁၀၀ လောက် ရှာဖွေရေး လုပ်ဆောင်နေခဲ့တာ ဖြစ်ပါတယ်။

မင်းသမီး Rivera ဟာ “Glee” စီးရီးမှာ အထက်တန်းကျောင်း Cheerleader ဖြစ်သူ Santana Lopez အဖြစ် ပါဝင်ခဲ့တာ ဖြစ်ပါတယ်။ ၂၀၁၅ ခုနှစ်မှာ အဆုံးသတ်ခဲ့တဲ့ အဲ့ဒီနာမည်ကျော် တေးသံစုံစီးရီးရဲ့ Season ၆ ခုမှာလည်း ပါဝင်သရုပ်ဆောင်ခဲ့သူ ဖြစ်ပါတယ်။

Ref: straitstimes

You may also like these story:

ပျောက်ဆုံးနေတဲ့ မင်းသမီး Naya Rivera သေဆုံးပြီလို့ ယူဆရ

The post မင်းသမီး Naya Rivera ရဲ့ ရုပ်အလောင်းကို ရေကန်ထဲမှ ပြန်ရှာတွေ့ appeared first on ဧရာဝတီ.

အိန္ဒိယနိုင်ငံ တဝှမ်းမှာရှိတဲ့ ပရိသတ်တွေဟာ COVID-19 ရောဂါကြောင့် နာမကျန်းဖြစ်နေကြတဲ့ ဘောလိဝုဒ် မင်းသားကြီး အမီတာဘဂျမ်းနဲ့ သူ့ရဲ့ မိသားစုဝင်များအတွက် ဇူလိုင်လ ၁၃ ရက်နေ့မှာ ဆုတောင်းပေးခဲ့ကြတယ်လို့ သိရပါတယ်။

အသက် ၇၇ နှစ်အရွယ် မင်းသားကြီး အမီတာနဲ့ သား Abhishek တို့ဟာ မွမ်ဘိုင်းမြို့မှာရှိတဲ့ ဆေးရုံမှာ တက်ရောက် ကုသခံနေရပြီး ချွေးမဖြစ်သူ မယ်ကမ္ဘာဟောင်း မင်းသမီး Aishwarya Rai Bachchan နဲ့ ၈ နှစ်အရွယ် မြေးမလေးတို့ဟာလည်း ရောဂါပိုး ကူးစက်ခံထားရတာကြောင့် အိမ်မှာပဲ Quarantine ဝင်နေရပါတယ်။

စီးပွားရေးအခြေအနေ ဆိုးရွားလာမှုကြောင့် ပြီးခဲ့တဲ့ မေလကုန်ပိုင်းမှာ လနဲ့ချီပြီး ကြာမြင့်ခဲ့ပြီဖြစ်တဲ့ အသွားအလာ ကန့်သတ်မှု အစီအစဉ်တွေကို ဖြေလျှော့ပေးခဲ့ပြီးတဲ့နောက် ပျံ့နှံ့နှုန်း ပြန်လည် မြင့်တက်လာခဲ့တဲ့ ဗိုင်းရပ်စ် ပိုးကူးစက်ခံခဲ့ရသူတွေထဲမှာ မင်းသားကြီး အမီတာတို့ မိသားစုဟာ နာမည်အကျော်ကြားဆုံး ဖြစ်ပါတယ်။

မင်းသားကြီး အမြန်ဆုံး သက်သာလာစေဖို့ အိန္ဒိယမှာရှိတဲ့ ပရိသတ်တွေဟာ ဟိန္ဒူဘုရားကျောင်းတွေ မှာ ရိုးရာပူဇော်ပွဲတွေနဲ့ ဆုတောင်းပေးခဲ့ကြပါတယ်။ All Bengal Amitabh Bachchan Fans အသင်းမှ အဖွဲ့ဝင် Vijay Patodia က “အမီတာ ဘဂျမ်းသာ နေမကောင်း ဖြစ်တာ မဟုတ်ပါဘူး။ မျိုးဆက်တခုလုံးက နေမကောင်းဖြစ်တယ်လို့ ခံစားရပါတယ်” လို့ ဆိုပါတယ်။

မင်းသားကြီးတို့ သားအဖ နှစ်ဦးကို ကုသပေးနေတဲ့ Nanavati ဆေးရုံမှ ပြောခွင့်ရ အမျိုးသမီးတဦးက မှတ်ချက်ပေးရန် တောင်းဆိုမှုကို ငြင်းဆိုထားပြီး မိသားစုကသာ အခြေအနေကို ပြောပြမှာ ဖြစ်တယ်လို့ ဆိုပါတယ်။

မင်းသားကြီးဟာ Twitter မှာလည်း ပရိသတ် အများအပြားကို ပိုင်ဆိုင်ထားသူဖြစ်ပြီး သူဆေးရုံတက်ခဲ့ပြီးတဲ့နောက် ဇူလိုင်လ ၁၁ ရက်နေ့မှာပဲ နေမကောင်း ဖြစ်နေတဲ့အကြောင်း ကြေညာခဲ့တာဖြစ်ပါတယ်။

ဇူလိုင်လ ၁၃ ရက်နေ့ နေ့လယ်ဘက်အထိ ဆေးရုံနဲ့ မိသားစုဘက်ကနေ အခြေအနေကို ထုတ်ပြန်တာ မရှိသေးပေမယ့် ပြီးခဲ့တဲ့ ဇူလိုင်လ ၁၂ ရက်နေ့တုန်းက ကျန်းမာရေးတာဝန်ရှိသူတွေရဲ့ အဆိုအရ သားအဖ နှစ်ဦးရဲ့ အခြေအနေ တည်ငြိမ်တယ်လို့ သိရပါတယ်။

ဒါပေမဲ့ တခြားဝေဒနာရှင်တွေက ဆေးရုံသုံး အိပ်ရာ၊ ဆေးဝန်ထမ်းနဲ့ ဆေးပစ္စည်းတွေ ပြတ်လပ်မှုတွေနဲ့ ရင်ဆိုင်နေရချိန်မှာ မင်းသားကြီးတို့ သားအဖ နှစ်ဦးဟာ ထိပ်တန်းကုသမှုတွေကို ရရှိခဲ့တယ်လို့ဆိုပြီး လူတချို့ရဲ့ ဝေဖန်မှုတွေလည်း ရှိနေပါတယ်။

အိန္ဒိယနိုင်ငံမှာ ပြီးခဲ့တဲ့ ဇူလိုင်လ ၁၃ ရက် တရက်တည်းမှာ ရောဂါအသစ်ကူးစက်သူ ၂ သောင်းကျော်ရှိပြီး စုစုပေါင်း ရောဂါကူးစက်ခဲ့သူ ၈ သိန်း ၇ သောင်းကျော်နေပြီဖြစ်လို့ နိုင်ငံရဲ့ တချို့နေရာတွေမှာ အသွားအလာ ပိတ်ဆို့ကန့်သတ်မှု အသစ်တွေကိုလည်း ချမှတ်ထားပါတယ်။

Ref:Reuters

You may also like these stories:

မင်းသားကြီး အမီတာဘဂျမ်း COVID-19 ကူးစက်ခံရ

The post အမီတာဘဂျမ်းတို့ မိသားစု ကျန်းမာဖို့ ပရိသတ်များ ဆုတောင်းပေးနေ appeared first on ဧရာဝတီ.

ဇူလိုင်လ ၁၃ ရက်နေ့က ကွယ်လွန်သွားတဲ့ ဝါရင့်လူရွှင်တော်ကြီး မန်းဝင်းဟာတော့ သေဆုံးသွားတဲ့အချိန်မှာ အသက် ၇၈ နှစ်ရှိပြီဖြစ်ပြီး ကျောက်ကပ်ရောဂါကို နှစ်ရှည်လများ ခံစားခဲ့ကာ တခြားသော ခွဲစိတ်ကုသမှုများလည်း ခံယူခဲ့ရပါတယ်။

အနုပညာသက်တမ်းများစွာကို ကျော်ဖြတ်ကာ ဝါရင့်လူရွှင်တော်တယောက်အနေနဲ့ရော ကျရာ ဇာတ်ရုပ်ကိုပီပြင်စွာ သရုပ်ဆောင်နိုင်တဲ့ ဇာတ်ပို့ သရုပ်ဆောင်အနေနဲ့ပါ ရပ်တည်လာခဲ့တဲ့ မန်းဝင်းအတွက် အနုပညာရှင်များရဲ့ ဝမ်းနည်းစကားများကို ဖော်ပြပေးလိုက်ပါတယ်။

မေတ္တာ

စိတ်မကောင်းဖြစ်ပါတယ်ဗျာ။ နာတာရှည်ကြီးဖြစ်သွားတဲ့ သူတယောက်အတွက် စိတ်မကောင်းဖြစ်မိတာပေါ့။ ကောင်းရာသုဂတိရောက်ပါစေလို့ ဆုတောင်းပေးပါတယ်။

ခန့်စည်သူ

ဦးမန်းဝင်းဆိုတာလည်း တကယ်ကိုတော်တဲ့ အရည်အချင်းရှိတဲ့ အနုပညာရှင်ပါ။ လူရွှင်တော်ကြီးပါ။ ကျနော်တို့လည်း သူတို့ဆီက သင်ဆရာ၊ မြင်ဆရာတွေထဲက တယောက်ပါပဲ။ အဲ့အတွက် စိတ်မကောင်းပါဘူး။

နီတာ

ဦးမန်းဝင်းက စိတ်ကောင်းရှိတယ်။ ရိုးသားတယ်။ အရမ်းချစ်ဖို့ ကောင်းတယ်။ လူချစ်လူခင်လည်းအရမ်းများတယ်။ အဲ့အပေါ်မှာ ဝမ်းသာရတယ်၊ ကျေနပ်မှုရှိတယ်။ ဒီလိုဆုံးပါးသွားတဲ့အတွက် စိတ်မကောင်းဘူး။ ဒါပေမဲ့ သူဒီဘဝကို အဆုံးသတ်တဲ့အချိန်မှာ ကောင်းကောင်းမွန်မွန်လေး ဘဝကူးသွားတဲ့အချိန်မှာ လူတယောက်အနေနဲ့တော့ စိတ်မကောင်းဘူး။ တဖက်မှာတော့ ရောဂါဝေဒနာခံစားနေတာ သက်သာသွားတယ်ဆိုတော့ အကောင်းဆုံးတော့ ဖြစ်သွားတယ်။ သူကိုယ်တိုင်ကလည်း စိတ်ကောင်းရှိတဲ့အတွက် ကောင်းတဲ့နေရာပဲ ရောက်မှာပါ။

ဆုကဗျာ

ဦးမန်းဝင်းနဲ့လည်း ကားရိုက်ဆုံဖူးတယ်။ သိပ်တော့မများဘူး။ ၂ ကား၊ ၃ ကားလောက်ပဲ။ မဟေမာမန်းဝင်းနဲ့လည်း ဆုံဖူးတယ်ဆိုတော့ အနုပညာလောကမှာ ဝါရင့်အနုပညာရှင်တွေ ပညာရှင်တွေဆိုတော့ သူတို့ရဲ့အနုပညာတွေ Talent တွေကို အငယ်တွေ လိုက်လုပ်လို့မရဘူး။ ဖြတ်ထိုးဉာဏ် ရှိတယ်။ တခုခုဆိုရင် အိုက်တင်တခုခုကို ပြောလိုက်တာနဲ့ ဟာသလုပ်နိုင်တဲ့ ပညာရှင်တွေ ဆုံးရှုံးသွားရတာ တကယ့်ကိုစိတ်မကောင်းပါဘူး။

ဆောင်းအိန္ဒြေထွန်း

ကျမက မင်းသား၊ မင်းသမီးမှ မဟုတ်ဘူး။ ဇာတ်ပို့တွေဆိုရင်လည်း အိုက်တင်တွေ အရမ်းကြိုက်ရင် ပေါ်တင်သွားပြောတာ ချီးမွမ်းပေးရတာပေါ့။ အိုက်တင်ကောင်းတဲ့သူတွေ အကုန်လုံးက ကျမရဲ့အိုင်ဒေါတွေပါ။

ဘုန်းလျှံ

ဦးမန်းဝင်းကို ကျနော်တို့က ချစ်တယ်။ ချစ်တယ်ဆိုတာက သူနဲ့တွေ့ရင် ပျော်နေရတယ်။ စကားပြောရင် ဟာသလေးတွေ ပြောတယ်။ ကျနော်တို့နဲ့အတူတူ ပွဲတွေ သွားဆိုဖူးတယ်။ ဇာတ်ကားတွေ အတူတူ ရိုက်ဖူးတယ်။ ခင်တယ်ပေါ့လေ။ သတင်းကြားရတော့ ဝမ်းနည်း ကြေကွဲရပါတယ်။ ဝမ်းနည်းကြေကွဲရတဲ့စိတ်က ရက်ဆက်ကြီး ဖြစ်နေတယ်။

ကွယ်လွန်သူ လူရွှင်တော်ကြီး မန်းဝင်းကိုတော့ ဇူလိုင်လ ၁၅ ရက်နေ့မှာ ကျီစုသုဿာန် သင်္ချိုင်းသို့ ပို့ဆောင် သင်္ဂြိုဟ်သွားမယ်လို့ သိရပါတယ်။

You may also like these stories:

အမီတာဘဂျမ်းတို့ မိသားစု ကျန်းမာဖို့ ပရိသတ်များ ဆုတောင်းပေးနေ

အသက် ၆၀ ပြည့်ရင် တရားအားထုတ်တော့မယ့် ဒါရိုက်တာ ကြည်ဖြူသျှင်

“မိုးစက်များကပြောသော” Music Video အကြောင်း ရှင်းပြခဲ့တဲ့ ရွှေထူး

The post လူရွှင်တော်ကြီး မန်းဝင်းအတွက် ဝမ်းနည်းကြေကွဲမှု appeared first on ဧရာဝတီ.

လူရွှင်တော် ကောင်းကျော်က ကွယ်လွန်သွားတဲ့ လူရွှင်တော် မန်းဝင်းဟာ သူ့အတွက် သင်ဆရာ၊ မြင်ဆရာ၊ ကြားဆရာထဲမှာ ပါဝင်လို့ ယူကြုံးမရဖြစ်တယ်လို့ ဧရာဝတီကို ဆိုပါတယ်။

“မနက် ၆ နာရီလောက်မှာ မေတ္တာမြင့်မြတ်ဟိန်းက ဖုန်းဆက်ပြီး ဦးမန်းဝင်း ဆုံးသွားပြီ ပြောတယ်။ သေချာသွားတော့ လိုင်း ပေါ်ကနေ သတင်းတင်လိုက်တာပေါ့။ ကျနော်တို့ ပထမသွားတော့ ခွဲစိတ်မှုနဲ့ သတိရလာတယ်။ ကျနော် သွားတော့ ကျနော့်ကို မှတ်မိတယ်။ ကျနော့်ကို ကြည့်ပြီး ကျနော် ဘယ်သူလဲမေးတော့ အသံတိုးတိုးလေးနဲ့ ကောင်းကျော်လို့ ပြောတယ်”

“ကျနော် သူ့ဆီသွားခဲ့တာ ၁ လတောင် မပြည့်သေးပါဘူး။ မနက်က ကွယ်လွန်သွားပြီ ပြောတော့ စိတ်မကောင်းဖြစ်ရတယ်။ နှမြောတာပေါ့။ ရှားရှားပါးပါး သက်ကြီး လူရွှင်တော်ကြီး အောင်မြင်မှု သရဖူ ဆောင်းခဲ့တယ်။ သူ့ဟာသတွေနဲ့ ပြည်သူတွေ ဘဝအမောပြေခဲ့ကြရတယ်။ လေးလေး ဦးမန်းဝင်းရဲ့ ပညာတွေလည်း ကျနော်တို့ ယူခဲ့ရတာပေါ့”

“သင်ဆရာ၊ မြင်ဆရာ၊ ကြားဆရာထဲမှာပါတဲ့ လေးလေး ဦးမန်းဝင်းအတွက် ဝမ်းလည်း ဝမ်းနည်းတယ်။ ယူကြုံးမရလည်း ဖြစ်တယ်။ ဝေဒနာ ခံစားနေရတာထက် စာရင်တော့ အေးချမ်းသွားတာပေါ့။ စိတ်မကောင်းလည်း ဖြစ်မိတယ်”လို့ ကောင်းကျော်က ပြောပါတယ်။

လူရွှင်တော်ကြီး မန်းဝင်းက သေကောင်ပေါင်းလဲ ဝေဒနာတွေ ခံစားခဲ့ရပေမယ့် သူ့မိသားစုအပေါ် အပူတွေ မပေးခဲဘူးလို့လည်း ဆိုပါတယ်။

“သူ သေကောင်ပေါင်းလဲ ဖြစ်ခဲ့ပြီး သူ တုံးကျော်ခဲ့တယ်။ သူသည် ရောဂါဝေဒနာ ဖြစ်နေပေမယ့် သူ့ကို လှူဒါန်းတဲ့သူတွေ ပေါတယ်။ နာတာရှည် ဆေးကုနေရသော်လည်း သူ့အတွက်နဲ့ သူ့မိသားစုကို အပူလောင်တွေ မပေးခဲ့ဘူး။ သူ့စရိတ်နဲ့ သူ ပြန်တယ်။ သူ့စရိတ်သူ ရောဂါကုတာပေါ့။ အဲ့ဒါလေးကတော့ လေးမန်းဝင်းရဲ့ ထူးခြားတဲ့ သူ့အတိတ် ကုသိုလ်ကံလေး ဒါနအားလေးပေါ့”လို့ ကောင်းကျော်က ပြောပါတယ်။

လူရွှင်တော်တွေကို အရမ်းချစ်တဲ့ မန်းဝင်းရဲ့ အနုပညာကိုချစ်တဲ့ စိတ်က ချီးကျူးစရာကောင်းတယ်လို့လည်း ကောင်းကျော်က ဆိုပါတယ်။

“လေးမန်းဝင်းက စိတ်ဓာတ်အရမ်းဖြူတာ။ သူက သဘင်အလုပ်ကို မြတ်နိုးတယ်။ လူရွှင်တော်တွေကို ချစ်တယ်။ ကျန်းမာရေး မကောင်းဘူး။ ကျောက်ကပ် ဆေးနေရပေမယ့် လူရွှင်တော်အသင်းနဲ့ ပတ်သက်တဲ့ဟာမျိုးဆို ရောက်အောင် လာတယ်”

“ကိုယ်တွေက လူကြီးကို ပင်ပန်းမှာစိုးလို့ မလာစေချင်ဘူး။ သူ့မခေါ်ရင် စိတ်ဆိုးတာ။ ခေါ်ရင်လည်း နေပူပူ မိုးရွာရွာ လာတယ်။ လာရရင် ပျော်နေတာ။ အနုပညာကို ချစ်တဲ့စိတ်က ချီးကျူးစရာ ကောင်းတယ်။ လေးစားစရာ ကောင်းတယ်”လို့ ကောင်းကျော်က ပြောပါတယ်။

လူရွှင်တော် မန်းဝင်းဟာ ဇူလိုင်လ ၁၃ ရက်နေ့ မနက်ပိုင်းက ရန်ကုန်မြို့၊ မြောက်ဒဂုံမြို့နယ်ရှိ ပင်လုံ ဆေးရုံကြီးမှာ ကွယ်လွန်ခဲ့တာဖြစ်ပြီး ကွယ်လွန်သူ မန်းဝင်းအား ဇူလိုင်လ ၁၅ ရက်နေ့၊ ကျီစုသုဿာန် သင်္ချိုင်းမှာ သင်္ဂြိုဟ်သွားမယ်လို့ သိရပါတယ်။

You may also like these stories:

လူရွှင်တော်ကြီး မန်းဝင်းအတွက် ဝမ်းနည်းကြေကွဲမှု

“ဦးမန်းဝင်း ရုတ်တရက် ဆုံးပါးသွားတာ မယုံနိုင်ခဲ့ဘူး”

The post လူရွှင်တော်ကြီး မန်းဝင်းအတွက် ယူကြုံးမရဖြစ်နေတဲ့ ကောင်းကျော် appeared first on ဧရာဝတီ.

အနုပညာအလုပ်တွေ ရပ်နားပြီး သာသနာ့ဘောင်ထဲ အပြီးတိုင်ဝင်သွားခဲ့တဲ့ ဥူးဇင်း ဦးကိတ္တိသာရ (သရုပ်ဆောင် အကယ်ဒမီ ကျော်ဟိန်း) ပျံလွန်တော်မူသွားတဲ့အပေါ် အနုပညာရှင်များရဲ့ ဝမ်းနည်းစကားများကို ဧရာဝတီက အခုလို မေးမြန်းထားပါတယ်။

ခန့်စည်သူ

ဦးကျော်ဟာ ကျနော့်ရဲ့ကျေးဇူးရှင် လက်ဦးဆရာပါ။ ဆရာတယောက် ကွယ်လွန်တာထက်ကို အနုပညာလောကမှာ အစားထိုး မရတဲ့ ဆုံးရှုံးမှု တခုပေါ့။ စိတ်ဓာတ်ပိုင်းဆိုင်ရာတော့ လူပုဂ္ဂိုလ်ဆိုင်ရာရော အတုယူ လေးစားထိုက်တဲ့ ပုဂ္ဂိုလ် တယောက် ဆုံးရှုံးရတဲ့အတွက် ဝမ်းနည်းပါတယ်။ ယူကြုံးမရလည်း ဖြစ်ရပါတယ်။ ဆရာရဲ့ ဆုံးမစကားတွေက ပစ္စည်းဥစ္စာထက် တန်ဖိုးရှိတဲ့ ဆုံးမစကားတွေပါ။

ဆုကဗျာ

ဦးကျော်နဲ့ ၅ ကားလောက် ရိုက်ဖူးတယ်။ ဆုကဗျာတို့ခေတ်က မင်းသမီးတွေ များတယ်။ ဦးကျော်ရဲ့ သမီးနေရာက ပါဝင် သရုပ်ဆောင်ရတယ်။ ဦးကျော်က အိုက်တင်တွေ တော်တော်သင်ပေးတယ်။ မျက်လုံးအကြည့်တွေ သင်ပေးတယ်။ တချို့ ဒါရိုက်တာတွေဆို ဒိုင်ယာလော့ ချပေးတယ်။ အိုက်တင်သင်ပေးတယ်။ ဒီလောက်ပဲ။ ဆုကဗျာ ဦးကျော်နဲ့ ပတ်သက်တဲ့ အမှတ်တရဆိုရင် ဦးကျော်နဲ့ရိုက်ရင် ၃ ရက်လောက် ဆူခံနေရတာ။ အရမ်းလည်း အဆူခံရတယ်။

ဆုကဗျာကို မျက်လုံးအိုက်တင်တွေရအောင် ဖယောင်းတိုင် ထိုင်ကြည့်ခိုင်းတာက အမှတ်တရပါပဲ။ လူတိုင်းကတော့ တချိန် ထွက်ခွာရမှာပဲ။ သူကတော့ တရားအသိနဲ့ ကောင်းသော ထွက်ခွာခြင်းနဲ့ ထွက်ခွာသွားရတယ်။ အခုချိန်မှာ သူ့အတွက် ဝမ်းနည်း ပူဆွေးနေမယ့်အစား သူအသက်ရှင်တုန်းက ကိုယ်တွေဘာထောက်ပံ့ကူညီခဲ့လဲ။ သူ့ကို စိတ်ချမ်းသာအောင် ထားခဲ့လား ပြန်တွေးတယ်။ ဆရာအတွက်လည်း တတ်နိုင်တဲ့ အလှူတွေ လုပ်ပေးမှာပါ။

ဘုဏ်းလျှံ

ဦးကျော်ဟိန်းဟာ ကျနော်တို့ အတွက်တော့ သင်ဆရာ မြင်ဆရာ ကြားဆရာပါ။ ဦးကျော် ဇာတ်ကားတွေ ကြည့်ပြီး ရှင်သန်ခဲ့ရတာ။ ဦးကျော်ဟိန်းက ကွယ်လွန်သွားအတွက် ဝမ်းနည်း ကြေကွဲရပါတယ်။ မိသားစုနဲ့ ထပ်တူ ဝမ်းနည်း ကြေကွဲရပါတယ်။ ဦးကျော်ရဲ့ နောက်ဆုံးခရီးကို လိုက်ပို့ချင်တယ်။ ဒါပေမဲ့ အခုလိုမျိုး အဝေးမှာရောက်နေတော့ ဘာမှမတတ်နိုင်ဘူး။ စိတ်မကောင်းဖြစ်မိပါတယ်။ ဦးကျော်က အစစအရာရာ ပြင်ဆင်ထားတဲ့သူ၊ သေဖို့ထိပြင်ဆင်ထားတယ်ဆိုတဲ့ စကားနဲ့အညီ ပြင်ဆင်သွားတယ်။ ပြင်ဆင်ထားတဲ့အတွက်လည်း သူကောင်းရာမွန်ရာကို ရောက်နေမှာပါ။

သြစတေးလျနိုင်ငံမှာ သီတင်းသုံး နေထိုင်ခဲ့တဲ့ ဆရာတော် ဦးကိတ္တိသာရ (မင်းသားကြီး ကျော်ဟိန်း) ဟာ သက်တော် ၇၃ နှစ်၊ ဝါတော် ၁၂ ဝါ ရှိပြီဖြစ်ပြီး ဇူလိုင်လ ၁၁ ရက်နေ့၊ မြန်မာစံတော်ချိန် မနက် ၉ နာရီ ၂၇ မိနစ်မှာ ၉၆ ပါးရောဂါနဲ့ ပျံလွန်တော်မူ သွားခဲ့တာ ဖြစ်ပါတယ်။

You may also like these stories:

တချိန်က ကျော်ဟိန်းလည်း အလိုမရှိလို့ ကြွေးကြော်ခံရဖူးတယ်

ဦးကိတ္တိသာရ (ကျော်ဟိန်း) အပေါ် အနုပညာရှင်များရဲ့ ဝမ်းနည်းစကား

ဦးကိတ္တိသာရ (ကျော်ဟိန်း) အပေါ် အနုပညာရှင်များရဲ့ ဝမ်းနည်းစကား (၂)

The post ကျော်ဟိန်း ကွယ်လွန်မှုအပေါ် ဝမ်းနည်းစကားသံများ appeared first on ဧရာဝတီ.

ပျော်ရွှင်စရာကောင်းပြီး ပရိသတ် အားကျရတဲ့ မိသားစုဘဝကို ပိုင်ဆိုင် ထားတဲ့ ဆုပန်ထွာက အိမ်ထောင်ရေးမှာ တယောက်နဲ့ တယောက် တကယ့် မေတ္တာစစ် နဲ့ နားလည်မှုတွေလည်း လိုအပ်တယ်လို့ဆိုပါတယ်။

“အိမ်ထောင်ရေးမှာ တယောက်စိတ်ကို တယောက်နားလည်မယ်။ တယောက်လုပ်ချင်တာလေးကို ကောင်း တဲ့အရာဆို ကူညီပံ့ပိုးပေးမယ်။ မကောင်းနိုင်တဲ့အရာဆိုလည်း မလုပ်ဖို့ပြောရမှာပေါ့။ ဒါတွေက လင် မယား နှစ်ယောက်ညှိရမယ့် အရာတွေပေါ့။ တယောက်နဲ့ တယောက် တကယ့် မေတ္တာစစ်၊ အချစ်စစ်လေး လိုအပ်တယ်။ နားလည်မှုတွေလည်း လိုအပ်တယ်။ အဆင်မပြေလို့ စကားများတဲ့အချိန်ကျရင် တကယ်ချစ်တဲ့သူက အလျှော့ ပေးတယ်”

“အလျှော့ပေးတာများလာလေ သူ့မေတ္တာကို နားလည်လာလေပါပဲ။ တကယ်လို့ ကိုယ်မှားတာ ရှိရင်တောင် ကိုယ်မှားတာကို မြန်မြန်ဆန်ဆန် လက်ခံလိုက်တယ်။ အစ်မတို့လည်း ရန်မဖြစ်ဘူးမဟုတ်ဘူး။ ဖြစ်တာပေါ့ ၊ သူအော် ၊ကိုယ်အော် ရန်ဖြစ်တာလည်းရှိတာပေါ့။ ကိုဥက္ကာအလျော့ပေးတာ များလာတော့ ကိုယ်မှားရင် မြန်မြန်လေးတောင်းပန် လိုက်တယ်။ သူ့ရဲ့ စစ်မှန်တဲ့ ချစ်ခြင်းပေါ်မှာ အေးချမ်းတဲ့ မေတ္တာတရားလေးမှာ အကောင်းဆုံးဖြစ်အောင်နေပေးပြီး ဖြတ်သန်းနေပါတယ်။ အေးချမ်းတဲ့မေတ္တာလေးက အရေးကြီးတယ်လို” လို့ ဆုပန်ထွာ ကပြောပါတယ်။

ကိုဗစ် ကာလမှာ ခင်ပွန်းဖြစ်သူရဲ့ မိဘနှစ်ပါးကြောင့် မိသားစု စားဝတ်နေရေး အဆင်ပြေတယ် လို့ ဆုပန်ထွာက ဆိုပါတယ်။

“အခု ကိုဥက္ကာကလည်း သူ့ ဖေဖေ နဲ့ မေမေရဲ့ စီးပွားရေးကို ဝိုင်းလုပ်ပေးနေတယ်။ ကိုဗစ်ကာလဖြစ်တော့ အစ်မတို့ရဲ့ Vape City ဆိုင်တွေလည်း ပိတ်ထားတယ်။ ကိုဥက္ကာနဲ့ သူ့အမေ နဲ့တိုင်ပင်တော့ သားက ဒီဘက်စီးပွားရေးကို လုပ်မယ်ဆိုရင် ဟိုဘက်ကိုတော့ ပိတ်လိုက်ရလိမ့်မယ်လို့ ပြောတော့ Vape City ကို ပိတ်လိုက်တယ်”

“သူ့ မိသားစု စီးပွားရေးကို ပဲခူးမှာသွားလုပ်ပေးနေတယ်။ COVID-19 ကာလမှာ အမေက အလုပ်ပေးတဲ့အတွက်လည်း ကျေးဇူးတင်ပါတယ်။ အမြဲတမ်းလည်း မေတ္တာပို့ပေးပါတယ်။ ထမင်းစားတိုင်းလည်း မေတ္တာပို့ပေးပါတယ်”လို့ ဆုပန်ထွာကပြောပါတယ်။

သရုပ်ဆောင် ဆုပန်ထွာကတော့ ခင်ပွန်းဖြစ်သူ ကိုဥက္ကာကျော်နဲ့အတူ သားလေး တဦး မွေးဖွားထားပြီး ပျော်စရာ ကောင်းတဲ့ မိသားစုဘဝကို ပိုင်ဆိုင်ထားပါတယ်။

You may also like these stories:

ဂဠုန်ဦးစော နေရာ သရုပ်ဆောင်မယ့် ခင်ပွန်းကို ပံ့ပိုးပေးမယ့် ဆုပန်ထွာ

အနုပညာကြေးမယူဘဲ ဂဠုန်ဦးစောနေရာက သရုပ်ဆောင်မယ့် ကိုဥက္ကာကျော်

ဂဠုန်ဦးစောနေရာ သရုပ်ဆောင်ချင်တယ် ဆိုလာတဲ့ ဆုပန်ထွာရဲ့ အမျိုးသား

The post “အိမ်ထောင်ရေးမှာ တယောက်နဲ့တယောက် နားလည်မှုတွေ လိုအပ်တယ်” appeared first on ဧရာဝတီ.

ထိုင်ဝမ်မင်းသမီး Shu Qi ဟာ တကယ့်လက်တွေ့ဘဝမှာ သာယာတဲ့အခြေအနေကို ပိုင်ဆိုင်ခဲ့တာမျိုး မရှိခဲ့ဘဲ ခက်ခဲကြမ်းတမ်းတဲ့ ကလေးဘဝကို ဖြတ်သန်းခဲ့ရတယ်လို့လည်း ဆိုပါတယ်။ ဟောင်ကောင် မင်းသား၊ ဒါရိုက်တာ Stephen Fung နဲ့ လက်ထပ်ထားတဲ့ အသက် ၄၄ နှစ်အရွယ် မင်းသမီးက သူကြီးပြင်းခဲ့ရတဲ့ နာကျင်ဖွယ် အမှတ်တရတွေအကြောင်း ဗီဒီယိုအင်တာဗျူးတခုမှာ ပြောဆိုခဲ့ပါတယ်။

မင်းသမီးက “ကျမရဲ့နှလုံးသားထဲမှာရှိနေတဲ့ အပြစ်ကင်းစင်မှုကတော့ ကလေးငယ်ဘဝတုန်းက မရှိခဲ့တာကနေ အခြေခံပါတယ်။ ကျမ ငယ်ရွယ်စဉ်အချိန်က ကျမမိဘတွေရဲ့ တုံ့ပြန်မှုကို အမြဲစောင့်ကြည့်နေရပါတယ်။ သူတို့တွေ စိတ်မကြည်တဲ့အခါ ကျမက သူတို့ကို အဝေးနေပဲ ကြည့်နေရပါတယ်”

“ တကယ်လို့ အဲ့ဒီလိုသာ မလုပ်ရင်တော့ ကျမအလွယ်တကူ အဆူခံရခဲ့ပါတယ်။ ကျမအဖေက မော်တော်ဆိုင်ကယ်နဲ့ ပြန်လာပြီဆိုတဲ့ အသံကိုကြားတာနဲ့ ကျမက အရမ်းကြောက်မိခဲ့တယ်။ အဖေက တံခါးကို တွန်းဖွင့်ပြီး ဝင်လာပြီဆိုရင် ညသန်းခေါင်ပဲဖြစ်ဖြစ် ကျမပြေးနိုင်သလောက်၊ ပုန်းနိုင်သလောက် ပုန်းခဲ့ရပါတယ်” လို့ပြောဆိုခဲ့ပါတယ်။

သူကြီးပြင်းခဲ့ရာ ပတ်ဝန်းကျင်နဲ့ အတွေ့အကြုံတွေကြောင့် သူဟာ ဆတ်ဆတ်ထိမခံတဲ့ လူတယောက် ဖြစ်လာစေတယ်လို့ မင်းသမီးကဆိုပါတယ်။ သူဟာ အသက် ၁၅ နှစ်အရွယ်လောက်မှာ အိမ်ကနေ ထွက်ပြေးခဲ့ပေမယ့် ပြင်းထန်တဲ့ ယာဉ်မတော်တဆမှုတခုနဲ့ ကြုံခဲ့ရတယ်လို့ သိရပါတယ်။

မင်းသမီးက “အမေက စိတ်ပူနေခဲ့တယ်၊ စိုးရိမ်နေခဲ့တယ်လို့ ကျမတော့ မထင်ပါဘူး။ ဘာကြောင့်လဲ ဆိုတော့ သူက ကျမကို အမြဲပဲ ဆူနေတာ။ ကျမနှလုံသားထဲမှာ သူဘာလို့ ကျမကို ဆူပူနေတဲ့အကြောင်းကို အံ့သြမိသလို အရမ်းလည်း နာကျင်ခံစားရပါတယ်” လို့ဆိုပါတယ်။

တရုတ်မင်းသမီးတွေထဲမှာ အလှဆုံးမင်းသမီးတယောက်လို့ သတ်မှတ်ခံရတဲ့ Shu Qi ဟာ ငယ်ရွယ်စဉ်မှာတော့ လှတယ်လို့ သတ်မှတ်ခံခဲ့ရသူတော့ မဟုတ်ပါဘူး။ သူငယ်ရွယ်စဉ်အချိန်တုန်းက မိခင်ဖြစ်သူက သူဟာ ရုပ်ဆိုးကြောင်း၊ သူ့လောက်ဘယ်သူမှ ရုပ်မဆိုးနိုင်ကြောင်း ပြောဆိုခံရမှုနဲ့ ကြုံတွေ့ခဲ့ရတယ်လို့ ၂၀၁၈ ခုနှစ်တုန်းက ဆောင်းပါးတပုဒ်မှာ ပြောဆိုထားခဲ့ပါတယ်။

၂၀၁၅ ခုနှစ်ရဲ့ ဆောင်းပါးတပုဒ်မှာတော့ Shu Qi ရဲ့ မိခင်ဟာ အသက် ၁၈ နှစ်အရွယ်မှာ သူ့ကိုမွေးခဲ့တာကြောင့် ကလေးတယောက်ကို ထိန်းသိမ်းစောင့်ရှောက်ရေး အတွက် အိပ်မက်တွေကို စွန့်လွှတ်ခဲ့ရတာကနေ ဒေါသတွေ သူ့အပေါ် ပုံကျခဲ့တာဖြစ်တယ်လု့ိ ပြောဆိုခဲ့ဖူးပါတယ်။

အဲ့ဒီနောက် မင်းသမီးဟာ ဟောင်ကောင်ကို အလုပ်လုပ်ဖို့ ထွက်လာခဲ့ပြီး သူ့ဘဝအတွက် ပြင်ဆင်မှုတွေ စတင်ခဲ့တယ် လို့ဆိုပါတယ်။ အဲ့ဒီကနေ သနားစရာသူ့ဘဝဟောင်းကနေ ရုန်းထွက်ပြီး ဒီနေ့ခေတ်မှာ Diva လို့ လူသိများကြတဲ့ မင်းသမီးတယောက်အဖြစ် ကြိုးစားရုန်းကန်ခဲ့တာဖြစ်တယ်လို့ ဆိုပါတယ်။

Ref:asiaone

You may also like these stories:

သမီးဖြစ်သူကို အနုပညာလောကထဲ မဝင်စေချင်တဲ့ မင်းသားကြီး Simon Yam

ဟောလိဝုဒ် မှုခင်းရုပ်ရှင်မှာ ပါဝင်လာမယ့် မင်းသား Donnie Yen

The post ရက်စက်တဲ့ မိဘတွေနဲ့ ကြီးပြင်းခဲ့ရတယ်လို့ Shu Qi ဖွင့်ဟ appeared first on ဧရာဝတီ.

အိန္ဒိယရုပ်သံလိုင်းတချို့ကနေ ဇူလိုင်လ ၁၃ ရက်နေ့မှာ ထုတ်လွှင့်ခဲ့တဲ့ ရုပ်သံစီးရီးတွေမှာ ပရိသတ် အချစ်တော် ဇာတ်ကောင်တွေဟာ Mask တပ်ထားတာ၊ လက်သန့်ဆေးရည် သုံးတာတို့ကို ဦးစားပေး ပြသခဲ့ကြတယ်လို့ ဆိုပါတယ်။ စကားအချီအချပြောခန်းတွေမှာ ကိုရိုနာဗိုင်းရပ်စ်ကပ်ရောဂါကာလအတွင်း သတိထားလုပ်ဆောင်ရမယ့် ကိစ္စတွေအကြောင်း သတင်းစကားပါးတဲ့အနေနဲ့ လုပ်ပြခဲ့ကြတာလည်း ဖြစ်ပါတယ်။

အိန္ဒိယရုပ်သံလိုင်းအများစုကတော့ကမ္ဘာတဝန်းက ပရိသတ်တွေစောင့်ကြည့်ရတဲ့ အဲ့ဒီစီးရီးတွေမှာ COVID – 19 ဘေးကင်းလုံခြုံမှုဆိုင်ရာ ဆောင်ရွက်ချက်တွေကို ပြသဖို့ စီးရီးထုတ်လုပ်သူတွေထံ တောင်းဆိုထားတယ်လို့ သိရပါတယ်။ ဒါကြောင့် ဇာတ်ညွှန်းရေးသားသူတွေဟာ ဇာတ်ညွှန်းထဲမှာ COVID – 19 ကြိုတင်ကာကွယ်ရေး အစီအမံများအကြောင်း ဖြည့်စွက်ရေးသားခဲ့ကြတယ်လို့ဆိုပါတယ်။

အဲ့ဒီလို ထည့်ရေးရုံကလွဲလို့ တခြားလမ်းမရှိတဲ့အကြောင်း ရုပ်သံဇာတ်ညွှန်းရေးသူ Sharad Tripathi က ပြောဆိုပါတယ်။

ဇူလိုင်လ ၁၃ ရက်နေ့မှာ ထုတ်လွှင့်ခဲ့တဲ့ ‘Yeh Rishta Kya Kehlata Hai’ စီးရီးထဲက ဇာတ်ဝင်ခန်းတခုမှာ ဇာတ်ကောင် တွေဖြစ်ကြတဲ့ Naira နဲ့ Sita Chaudhary တို့ဟာ Mask တွေကို ဝတ်ဆင်ထားပြီး ရင်ဆိုင် စကားပြောနေခဲ့ကြတာ ဖြစ်ပါတယ်။ အဲ့ဒီအပိုင်းမှာပဲ Kartik ဇာတ်ကောင်က ဇနီးဖြစ်သူကို လက်အိတ်နဲ့ မျက်နှာအဖုံးအကာ မတပ်ပေးခင် လက်သန့်ဆေးရည်သုံးဖို့ လုပ်ဆောင်ပေးခဲ့တာကိုလည်း မြင်တွေ့ရပါတယ်။

အဲ့ဒီစီးရီးမှာသာမက အိန္ဒိယမှာ ထုတ်လွှင့်ခဲ့တဲ့တခြားစီးရီးတွေမှာလည်း ဇာတ်ညွှန်းတွေထဲ အလားတူ အခြေအမျိုး ဖြစ်အောင် ထည့်သွင်းခဲ့ကြပါတယ်။ Zee TV ကနေ ထုတ်လွှင့်ခဲ့တဲ့ ‘Guddan Tumse Na Ho Payega’ စီးရီးမှာ အဓိကဇာတ်ကောင်ဖြစ်တဲ့ Guddan နဲ့ Akshat တို့ဟာ အိမ်ကို ပြန်လာခဲ့ကြတဲ့ ဇာတ်ဝင်ခန်း ပါရှိခဲ့ပါတယ်။ အဲ့ဒီအဓိကဇာတ်ကောင်နှစ်ဦးဟာ Mask နဲ့ လက်အိတ်တွေကို ဝတ်ဆင်ထားခဲ့ပြီး Lockdown ကာလမှာ သူတို့ဘာတွေလုပ်ခဲ့သလဲဆိုတာကို မိသားစုနဲ့အတူ ပြောဆိုနေခဲ့တာဖြစ်ပါတယ်။

SAB TV ကနေထုတ်လွှင့်ခဲ့တဲ့ ‘Tera Kya Hoga Alia’ စီးရီးမှာတော့ Alia နဲ့ Rabiya တို့ဇာတ်ကောင်နှစ်ဦးဟာ မနက်အစောပိုင်းမှာ အပြေးလေ့ကျင့်ခန်း လုပ်နေခဲ့တာဖြစ်ပါတယ်။ သူတို့နှစ်ဦးအားကစားလုပ်နေချိန်မှာ Alia က သူ့ရဲ့ အခင်ဆုံးသူငယ်ချင်း Rabiya ကို Social Distancing အရ ခပ်ခွာခွာနေဖို့ တချိန်လုံး ပြောဆိုနေခဲ့ပါတယ်။ ဒါ့အပြင် အပြင်ထွက်တဲ့အခါ Mask ဝတ်ဖို့ အရေးကြီးတဲ့အကြောင်း အလေးပေးပြောဆို နေခဲ့တာကိုလည်းတွေ့ရပါတယ်။

COVID- 19 ကြိုတင်ကာကွယ်ရေးအတွက် လူထုထံအသိပေးတင်ပြတဲ့အခါမှာ ဖျော်ဖြေရေးကဏ္ဍမှာ ထည့်သွင်းခြင်းဟာ ပိုမိုထိရောက်တဲ့အကြောင်း အိန္ဒိယရုပ်ရှင်လုပ်ငန်းအတွင်းမှာ ယုံကြည်လက်ခံထားကြပါတယ်။

Ref: indianexpress

You may also like these stories:

အမီတာဘဂျမ်းတို့ မိသားစု ကျန်းမာဖို့ ပရိသတ်များ ဆုတောင်းပေးနေ

The post COVID-19 ကာကွယ်ရေး ပြကွက်များ အိန္ဒိယရုပ်သံလိုင်းတွေမှာ ထုတ်လွှင့် appeared first on ဧရာဝတီ.

ကျောက်ကပ်ရောဂါဝေဒနာကို ၂၅ နှစ်ကျော်ခံစားခဲ့ရတဲ့ လူရွှင်တော်မန်းဝင်းကတော့ ဇူလိုင်လ ၁၃ရက်နေ့က ကွယ်လွန်သွားခဲ့ပြီဖြစ်ပြီး ဘဝဆက်တိုင်း ဒီလိုရောဂါတွေမဖြစ်ပါစေနဲ့လို့ မန်းဝင်းရဲ့ သားသမီးများက ဆုတောင်းပေးခဲ့ပါတယ်။

“ဖေကြီးကို ကူညီပေးတဲ့သူတွေကိုလည်း ကျေးဇူးတင်ပါတယ်။ ဖေကြီး အခြေအနေမကောင်းတော့ဘူး။ အသက်ထွက်သွား တဲ့အချိန်အထိ မညည်းဘဲ အရေးပေါ်ကားနဲ့အမြဲတမ်းကူညီပေးတဲ့သူတွေကိုလည်း ကျေးဇူးတင်ပါတယ်။ ကျောက်ကပ်ဆေးဖို့အတွက် အကူအညီပေးကြတဲ့အတွက်လည်း ကျေးဇူးတင်ပါတယ်”

“ မြန်မာ့သြဘာက အန်တီမာလာတို့ကိုလည်း ကျေးဇူးတင်ပါတယ်။ ပရိသတ်တွေကိုလည်း ပြောချင်တာက သေမင်းနဲ့ ဒွန်တွဲနေရတာ ဒီတခါအရှုံးပေးလိုက်ရတယ်။ ဒါပေမယ့် ဖေကြီးဘဝဆက်တိုင်းဆက်တိုင်း ဒီလိုရောဂါမဖြစ်ပါစေနဲ့လို့ ဆုတောင်းပါတယ်” လို့ ဟေမာမန်းဝင်းကပြောပါတယ်။

ဖခင်ဖြစ်သူ မန်းဝင်းကတော့ ဝေဒနာများခံစားနေရတာ ၂၅နှစ်ကျော်ပြီး အခုအချိန်မှာတော့ သူ့ဘဝငြိမ်းချမ်းသွားပြီ ဖြစ်တယ်လို့ ဆိုပါတယ်။

“အဖေက ဝေဒနာခံစားနေရတာ ၂၅နှစ်ကျော်ခဲ့ပါပြီ။ ဆီးချိုဖြစ်ရာကနေ ကျောက်ကပ်ပျက်စီး ၊ နှလုံး ၊ သွေးတိုး ၊ နှလုံးအားနည်းတယ်။ အဆုတ်ကရေဝင်တဲ့အတွက် အဆုတ်အားနည်းတယ်။ အခုနောက်ဆုံးအကြီးမားဆုံးဖြစ်တာကတော့ ဦးနှောက်သွေးယိုတာပေါ။ ဦးနှောက်သွေးယိုတာကို ၂ခါခွဲစိတ်ပြီးတဲ့အချိန်မှာ စကားတွေလည်းပြောတယ်”

“ ဆန်ပြုတ်တွေလည်းသောက်တယ်။ အခုအဖေ ကျောက်ကပ်ဆေးဖို့လည်းမလိုတော့ဘူး။ ဆေးရုံသွားဖို့လည်း မလိုတော့ဘူး။ သူ့ဘဝက ငြိမ်းချမ်းသွားပါပြီ” လို့ ချမ်းသာမန်းဝင်းကပြောပါတယ်။

ဒီကနေ့မှာတော့ လူရွှင်တော်မန်းဝင်းရဲ့ ဈာပနာအခမ်းအနားကို ကျီစုသုဿန်မှာပြုလုပ်ခဲ့ပြီး မန်းဝင်းရဲ့ပရိသတ်များ ၊ လုပ်ဖော်ကိုင်ဖက်လူရွှင်တော်များနဲ့ စည်ကားစွာကျင်းပနိုင်ခဲ့ပါတယ်။

“ကောင်းကင်ကြီးပြိုကျသွားသလိုပါပဲ။ ဒါပေမယ့်အဖေ့ကိုအခုလို တခဲနက်လိုက်ပို့ကြတဲ့ပရိသတ်တွေရှိတဲ့အတွက် ပီတိဖြစ်ရပါတယ်။ သူအရမ်းချစ်တဲ့ပရိသတ်တွေနဲ့ စည်စည်ကားကားကျင်းပနိုင်တဲ့အတွက် ရောက်တဲ့အရပ်က ဝမ်းသာနေမှာပါ” လို့ ချမ်းသာမန်းဝင်းက ပြောပါတယ်။

မန်းဝင်းကတော့ သူမသေဆုံးခင်မှာ ပရိသတ်တွေကို သူ့လိုဝေဒနာမျိုးမခံစားရအောင် ဆုတောင်းစာရေးပြီး သူသေဆုံးတဲ့အခါမှာ ထည့်ပေးလိုက်ရန်အတွက်လည်း သားဖြစ်သူကို မှာခဲ့တယ်လို့ သိရပါတယ်။

“ကျနော့်ကိုမှားခဲ့တာကတော့ သားရယ် အဖေ့ကိုစာလေးတစောင်ပေါ့နော်။ သူသေသွားရင် သူ့ကိုတဲ့ သူကိုယ်တိုင်ရော သူချစ်တဲ့ပရိသတ်တွေရော သူ့လိုဝေဒနာမခံစားပါစေနဲ့ဆိုတဲ့ စာလေးတစောင်ထည့်ပေးပါသားရယ်တဲ့ ကျနော်ထည့်ပေးလိုက်ပါတယ်” လို့ ချမ်းသာမန်းဝင်းကပြောပါတယ်။

လူရွှင်တော်ကြီးမန်းဝင်းကတော့ ဇူလိုင်လ ၁၃ရက်နေ့မှာ ဆုံးပါးသွားခဲ့တာြ့ဖစ်ပြီး သေဆုံးစဉ်မှာတော့ အသက် ၇၈ နှစ်ရှိပြီဖြစ်ပါတယ်။

You may also like these stories:

“ဦးမန်းဝင်း ရုတ်တရက် ဆုံးပါးသွားတာ မယုံနိုင်ခဲ့ဘူး”

The post “အဖေ ဘဝဆက်တိုင်း ဒီလိုရောဂါတွေ မခံစားရပါစေနဲ့” appeared first on ဧရာဝတီ.